Një delegacion i komunës së Tetovës i udhëhequr nga kryetari Prof. Dr. Sadi Bexheti ka qëndruar për një vizitë pune në komunën e Strumicës ku janë pritur nga kryetari Zoran Zaev. Në kuadër të kësaj vizite është nënshkruar një memorandum bashkëpunimi nëpërmjet të cilit janë përcaktuar fushat e bashkëpunimit mes komunës së Tetovës dhe komunës së Strumicës. Theks i veçantë është vendosur mbi bashkëpunimin për zbatim të suksesshëm të partneritetit publik-privat si dhe mbi thithjen e mjeteve nga fondet europiane.

Shoqata e Veteranëve dhe e Invalidëve të UÇK-së “KALAJA” informon opinionin se përkrah pa rezerva propozim Ligjin e propozuar nga deputeti i DR-së, Abedin Zymberi dhe deputeti i pavarur Daut Rexhepi për përkujdesje institucionale për familjet e dëshmorëve dhe invalidët e luftës së 2001, ish-ushtarë të UÇK.

“Ne, si shoqatë e dalë nga lufta e 2001-it, do të përkrahim çdo iniciativë që propozohet nga çdo subjekt politik apo individë të pavarur kur bëhet fjalë për përkujdesje të familjeve të dëshmorëve. Që këta njerëz dhe familjarë të cilët i kanë dhënë gjak luftës së 2001-it të gëzojnë të drejta humane dhe njerëzore. Edhe njëherë shoqata jonë i bënë thirrje partive politike shqiptare që ta mbështes këtë Ligj të propozuar nga deputetët Zymberi dhe Rexhepi”, thuhet në komunikatën e kësaj shoqate.

Arbër Beka, zëdhënës i Policisë së Kosovës

Policia e Kosovës njoftoi se gjatë ditës së enjte në fshatin Begracë në afërsi të Kaçanikut, ka arrestuar dy persona të cilët drejtonin një veturë që transportonte një sasi municioni.
Njësitet hetimore të stacionit policor të Kaçanikut me leje të Prokurorisë së Qarkut të Prishtinës, kanë kryer një kontroll në shtëpitë e dy të dyshuarve, shtetas të Kosovës, ku kanë zbuluar një bunker të improvizuar në të cilin gjendej një sasi e konsiderueshme e armatimit. Gjatë realizimit të këtij operacioni policor, janë arrestuar gjithsej 7 persona të dyshuar ku shumica prej tyre janë shtetas të Kosovës, ndërsa njëri është shqiptar me shtetësi serbe.
“Më datën 29 të këtij muaji, një njësi patrulluese e stacioni policor në Kaçanik gjatë një kontrolli rutinor ka ndal një automjet në të cilin ndodheshin dy persona, ku policia ka zbuluar një sasi të konsiderueshme të municionit për pushkë M48… Njësitet hetimore të stacionit policor të Kaçanikut kanë marr leje nga Prokuroria e Qarkut në Prishtinë me ç’rast është kryer një kontroll shtëpitë e personave të dyshuar dhe janë zbuluar në një bunker të improvizuar edhe sasi të municioneve dhe armatimit”, deklaroi Arbër Beka, zëdhënës i Policisë së Kosovës.

Beograd, 30 prill  – Shefi i diplomacisë franceze Bernard Kuchner ka thënë se “nuk ka kushte të veçanta për Serbinë për të hyrë në BE”, por nuk beson se kjo është e mundur me “Kosovën si problem brenda Serbisë”.

Ky kalim i Melihate Tërmkollit, nga kryetari i AAK-së, Ramush Haradinaj është cilësuar si një ngjarje me rëndësi për politikën në Kosovë, ngase siç ka thënë ai, në AAK kalon një veprimtare e shquar e çështjes kombëtare e lëvizjes për liri dhe pavarësi dhe e punës për ndërtimin e shtetit.

Rrëmbimi i fëmijëve është bërë një nga temat qendrore nëpër familjet dhe shkollat kryesisht në zonat e Shkupit dhe Kumanovës. Kujdestari nëpër shkolla, përcjellja e nxënësve nga prindërit në shkollë dhe në rrugë është një dukuri që dita ditës po merr përmasa shqetësuese.