Arkivi RTVZIK 2010

Merrë fund greva e urisë e sopotasve

Publikuar: 25 Prill 2010

Premtimet për të pasur një fund pozitiv nga Gjykata Supreme për Sopotit kanë bërë që pesë të burgosurit për këtë rast të ndërpresin grevën e urisë. Samet Lutfiu për gazetën agjencinë e lajmeve “INA” ka theksuar se greva është ndërprerë pas premtimeve të bëra nga ana e deputetëve të BDI-së, Hajrulla Misini dhe Tahir Hani si dhe Avokatit të Popullit, Ixhet Mehmeti se Gjykata Supreme do të marrë vendim pozitiv pas shqyrtimit të raportit të komisionit parlamentar për mbrojtjen e të drejtave dhe lirive të njeriut që përfshin fakte dhe dëshmi për pafajësinë e sopotasve.

“Vendosëm që të ndërpresim grevën, pasi deputetët e BDI-së dhe Avokati i Popullit premtuan se Gjykata Supreme do të marrë vendim pozitiv lidhur me konkluzat e komisionit parlamentar për Sopotin. Presim edhe këtë vendim. Jemi ka shpresojmë se do të ketë vendim pozitiv, por të shohim”, theksoi Samet Lutfiu.

Read More

Gruevski kundërshton emrin ‘Republika e Maqedonisë Veriore’

Publikuar: 25 Prill 2010
image

 Kryeministri Nikolla Gruevski kundërshton emrin Republika e Maqedonisë Veriore, si varinat i mundshëm për zgjidhjen e kontestit me Greqinë. Në intervistën e sotme për emisionin e sotëm “NE” , Gruevski  thotë se nëse paraqitet oferta që “Republika e Maqedonisë Veriore” të ketë përdorim ndërkombëtar, gjëja e vetme që mund të bëjë është organizimi i referendumi në mënyrë që fjalën e fundit ta thonë  qytetarët.

Read More

BDI: Ligji për veteranët e UÇK-së marketing politik

Publikuar: 25 Prill 2010
image

 BDI nuk do të mbështes iniciativën e deputetëve Abedin Zymberi dhe Daut Rexhepi për zgjidhjen e statusit të pjesëmarrësve në konfliktin e vitit 2001. BDI-ja thotë se propozimi i Zymberit dhe Rexhepit, të cilët janë duke kërkuar firmat e deputetëve shqiptarë, ndërmerret vetëm për pikë politike. Madje BDI-ja thotë se është ajo duke punuar për zgjidhjen e kësaj çështje, por pa theksuar një afat të caktuar.
“Zgjidhja e statusit të ish ushtarëve të UÇK-së, përherë ka qenë dhe është prioritet në agjendën e BDI-së. Kjo çështje meriton trajtim të mirëfilltë institucional dhe BDI-ja, si parti me përgjegjësi institucionale po punon për një zgjidhje të tillë. Kjo kategori njerëzish është më meritorja për ndryshimet në Maqedoni, prandaj nuk meriton të përdoret për pikë në politikën ditore. E theksojmë edhe njëherë se BDI-ja mbetet e vetmja parti me legjitimitet për ta zgjidhur këtë çështje, dhe këtë do t’a bëjmë” thuhet në reagimin e BDI-së, e cila i fajësoi propozuesit, se gjatë kohës kur ishin në pushtet, nuk ndërmorrën asgjë për këtë kategori. Dauti dhe Zymberi, e pranojnë një gjë të tillë, por arsyetohen duke thënë se kjo cështje, është produkt i marrëveshjeve mes liderëve të partive shqiptare, të cilat kur hyjnë në koalicionin qeveritar, e anashkalojnë zgjidhjen e kësaj çështje.

Read More

Konferenca e gazetarëve, Berisha e Rama “thumbohen”

Publikuar: 25 Prill 2010
 Në konferencën “Viti 2010, informacioni në kohën e krizës”, të organizuar dje nga Ambasada Italiane dhe “La Gazzeta del Mezzogiorno”, të ftuar ishin edhe dy liderët e politikës shqiptare Sali Berisha dhe Edi Rama. Po ashtu ishin të pranishëm edhe përfaqësues të mediave, mes të cilëve drejtori i ANSA, Giulio Anselmi, Kryetari i Federates Kombëtare të Gazetarëve italianë Angelo Siddi. Të ftuar nga mediat shqiptare ishin drejtues të mediave, analistë dhe gazetarë, si Lutfi Dervishi, Remzi Lani, Nikollë Lesi, etj.Në këtë event, përvec diskutimeve përkatëse, Berisha e Rama nuk kanë humbur rastin të hedhin batuta ndaj njëri-tjetrit. Nuk u duk aspak klimë e zbutur mes tyre, që në faktin se ata nuk i dhanë dorën njëri-tjetrit. I pari e mbajti fjalën Rama, i cili tha se duhet të largohej shpejt, pasi kishte një takim ku nuk mund të justifikohej duke thënë se ishte më Sali Berishën. “Bëju të fala nga unë”, ia ktheu menjëherë batutën Berisha. E ndërsa më parë Berisha kishte thënë fjalën e tij se po ta ftonin për tango nuk do të ishte i pranishëm, Rama e përfundoi batutën e tij duke thënë se nuk ishte me vend të shihte fytyra të buzëqeshura të shkaktuara nga Berisha në një takim të tillë, por se nuk ishte faji i tij që dikush di ta kërcejë tangon e dikush jo.
 
Read More

200 mijë euro për kompletin e veprave të akademik Rexhep Qosjes

Publikuar: 25 Prill 2010

Prishtinë, 25 prill – Instituti Albanologjik i Prishtinës ia ka mësyrë që veprat e akademik Rexhep Qosjes t’i botojë në një komplet luksoz dhe i cili parashihet të kushtojë 198 mijë euro. Ndryshe, IAP-i për realizimin e këtij projekti ka kërkuar 220 mijë euro, por kaq i janë ndarë nga MASHT-i, shkruan sot Koha Ditore.

Shumën prej 198 mijë eurosh Ministria e Arsimit, Shkencës dhe Teknologjisë tashmë e ka bartur në xhirollogarinë e IAP-it, i cili për botimin e kompletit në 500 kopje ka hapur tender. Vetëm për shtypjen e kompletit, sipas projektit, janë paraparë 67 mijë e 500 euro, përderisa honorari për autorin kap shumën prej 136 mijë eurosh.

Read More

Maqedonasit nuk janë të gatshëm të flijojnë emrin kushtetues

Publikuar: 25 Prill 2010

Sipas një ankete të realizuar nga Instituti për Demokraci “Societas Civils”, 65 për qind e qytetarëve të Maqedonisë vlerësojnë se Maqedonia nuk duhet ta ndryshojnë emrin kushtetues, si kusht për hyrje në NATO.

Nga të anketuarit të cilët negativisht janë deklaruar për ndryshimin e emrit si kusht për hyrje në NATO, 84 për qind janë maqedonas, 7.1 shqiptar dhe 8.9 nga komunitetet tjera në vend.

Read More

DR: Gjendja e sigurisë, alarmante

Publikuar: 25 Prill 2010

Demokracia e Re ka reaguar ndaj dukurive negative që kanë të bëjnë me sigurinë e qytetarëve në qytetin e Shkupit dhe ka alarmuar se kjo situatë rrezikon tej mase sigurinë e qytetarëve dhe krijon tensionime të mëtutjeshme në mesin e tyre.

 Nënkryetarja e DR-së, Flora Kadriu, në një prononcim për media ka thënë se rastet e tilla janë shpeshtuar dhe nuk i kanë hije një shteti që pretendon të jetë anëtar i NATO-s dhe Bashkimit Evropian.

Read More

Trpevski, i padëshiruar për ambasador në Shqipëri

Publikuar: 25 Prill 2010

Autoritetet maqedonase nuk ndjehen të shqetësuara nga fakti që kërkesa e tyre për emërimin e 28 vjeçarit Vele Trpevski për ambasador në Shqipëri nuk ka marrë pëlqimin e presidentit shqiptar Bamir Topi për më shumë se një muaj. Pala maqedonase është e sigurt se propozimi i tyre nuk do të refuzohet nga Tirana zyrtare.

 Zëdhënësi i Ministrisë së Jashtme, Petar Culev ka thënë se pritet që shumë shpejt autoritetet shqiptare të japë pëlqimin që ambasadori i ri maqedonas të merr detyrën.

Read More

Sot nis ndërtimi i autostradës

Publikuar: 25 Prill 2010

Prishtinë.
Në ceremoninë festive me rastin e fillimit të punimeve në autostradën Morinë-Merdare pritet të marrin pjesë: kryeministri i Kosovës, Hashim Thaçi, homologu i tij shqiptar, Sali
Berisha, ministri i Transportit shqiptar, Sokol Olldashi, ai i Transportit dhe Post-Telekomunikacionit të Kosovës, Fatmir Limaj, deputetë të Kuvendit të Kosovës, ministra dhe zyrtarë të tjerë shtetërorë, përfaqësues të partive politike, përfaqësues të komunave dhe ata të institucioneve ndërkombëtare në Kosovë.
Read More

Çfarë përjetoi prizrenasi dhe si i shpëtoi vdekjes në Shkup

Publikuar: 24 Prill 2010
Agjencia e lajmeve INA ka arritur të zbulojë shtetasin e Kosovës që ishte plagosur në mesditën e 31 marsit në afërsi të Qendrës Tregtare “Mavrovasja” në Shkup, ngjarje që po mbahet e fshehur dhe nuk u zbulua deri tani nga MPB e Maqedonisë.
B.S 39 vjeç, nga Prizreni ekskluzivisht ka folur për agjencinë e lajmeve INA duke shpjeguar gjithë tmerrin që kishte përjetuar nga momenti i plagosjes nga dy persona të panjohur, por duke hedhur dyshime në shumë pista.

“Isha nisur drejt vendit ku kisha parkuar veturën dhe në një moment dy persona trupmëdhenj dalin nga një hyrje e banesës. Nga një moment vërejta se ata po më përcillnin dhe të dy ecnin në një distancë duke më lënë mua në mes. Njëri ka vrapuar nga prapa dhe ka shtënë me pistoletë shurdhuese duke më goditur në këmbë. Pasi që jam shtrirë në tokë, ai u afrua pranë kokës time dhe shkrepte armën për të më vrarë, por nuk dij se pse nuk i shkrepte arma. Unë nuk kam lëvizur për 30 sekonda dhe ata menjëherë u larguan nga vendi i ngjarjes”, shpjegon B.S për agjencinë INA.

Ai ka denoncuar autoritetet se rasti i tij nuk është evidentuar në arkivat e MPB-së, dhe as në spitalin ku ishte dërguar për shërim dhe ku sipas tij, kishte forca të sigurisë pranë dhomës së tij. “Si mundet të të marrin polici dhe askund më pas nuk figuron. Kisha me vete edhe 800 euro, celularin dhe rrobat e mija, të cilat nuk mi dhanë pasi që dola nga spitali, duke më thënë një inspektor policie se paratë ishin false. A është ky shtet a, që të grabisin. Më nxorën pas tre ditëve nga spitali dhe inspektorë civil më thanë se do të më përcjellin për Kosovë, por nëpërmjet Qafë Thanës nga Shqipëria, por nuk pranova. Ata më shpjegonin se në Bllacë nuk mundet se ka shumë gazetarë dhe s`bën dhe më në fund pas refuzimit tim pranuan që të më çojnë nga Jazhinca”, rrëfen i plagosuri, shtetasi kosovar.

Ai pohon se rastin e ka paraqitur menjëherë në Ministrinë e Brendshme të Kosovës, pranë ambasadës së Maqedonisë në Prishtinë dhe pranë autoriteteve të tjera vendore dhe ndërkombëtare për të alarmuar rastin e tij, që siç thotë ai të shkeljeve brutale të të drejtave nga ana e MPB-së së Maqedonisë, ku ai ishte mbajtur në rrethana tejet sekrete. “Jam në kontakt dhe do ta çojë deri në fund rastin pasi që nuk mundet kështu të veprohet. Unë do ta çojë rastin deri në fund, sepse ka dëshmi sepse ka kamera në vendin ku isha plagosur”, ka theksuar B.S.

Read More