Shtetasit e Maqedonisë të cilët punojnë dhe jetojnë përkohësisht në botën e jashtme ankohen se gjatë hyrjes në Maqedoni në vendkalimet kufitare nuk lejohen të hyjnë me makinat që i kanë blerë dhe i përdorin në vendet ku pjesën më të madhe të vitit qëndrojnë dhe kanë biznese. Rexhep Miftari nga fshati Gradec i Gostivarit thotë se para një jave, doganierët nuk i lejuan hyrjen në vend sepse makinën e drejtonte me targa kroate të regjistrimit.”Sqarim na dhanë se me veturën nuk mundesh të hysh në Maqedoni, për arsye se vetura është me targa të Kroacisë, nuk është e Maqedonisë, pra duhet të jetë me targa të Maqedonisë. Më thanë që veturën mund ta lë jasht kufirit ndërsa ti mundesh të hysh. Kërkova sqarim për shkaqet, ata më thanë se unë jam shtetas edhe i Kroacisë po edhe Maqedonisë dhe se duhet të kem vetëm një adresë vendbanimi” tha mërgimtari Rexhep Miftari. Përpjekjet e tij mëse një orëshe që të hyjë në Maqedoni me makinën e tij me targa kroate ishin të kota.

Partia Demokratike Shqiptare, ka reaguar ndaj deklaratave dhe pohimeve të zëvendëskryeministrit të Maqedonisë, Abdylaqim Ademit.

“Puna e spiunëve serb të BDI duket se ju djegë shumë dhe këtë më jemi duke e parë krejt, po se do të bëheni edhe gazi dhe turpi i dynjasë kjo më është e tepërt.Çdo ditë na radhiteni para mediumeve dhe bëni si zorra në prush. Sot për pak na e mbushi mendjen Abdylaqim Ademi. Një porosi për këtë Abdylaqim Ademin se kjo nuk është punë e retorikës politike por është shumë punë e madhe dhe e rëndë që ti nuk i kupton dhe nuk dinë,prandaj rri anash”, vlerëson PDSH.

Kjo parti akuzon BDI-në e Ali Ahmetit për për tradhti kombëtare, për dhimbje kombëtare, për krim kombëtar dhe për tragjedi individuale e kolektive.

Sekretari i përgjithshëm i BDI-së, Abdilaqim Ademi theksoi se PDSH po fabrikon dosje të UDB-së, duke i hedhur nëpër oborret e qytetarëve.

“Tani më nuk është pyetja se kush i fabrikon këto dhe i hedh në oborret e paqena të qytetarëve të ndershëm, e vetmja pyetje të cilën mund ta parashtrojmë tani publikisht, është se, sa kohë i duhet PDSH-së të përgatisë një dosje pasi që vet tregojnë se,e dinë ditën kur ato do të bijnë nga qielli në oborrin edhe të ndonjë qytetari tjetër “të ndershëm dhe të përgjegjshëm”, apo mundet do të bijnë në oborrin e njëjtë i cili ne fakt nuk ekziston”, theksoi Ademi.

Mbi 60 për qind e shqiptarëve të Dibrës rrezikojnë të mos regjistrohen, për shkak të pranisë së tyre me punë të përkohshme dhe qëndrim jashtë vendit.

Shqetësimi sot është alarmuar nga ana e Bajram Capa, kryetari i Këshillit komunal të DR-së në Dibër.

“Me Propozim-ligjin aktual për regjistrimin e popullsisë, sipas të dhënave të cilat i ka mbledhur Demokracia e Re, në nivel të Maqedonisë 1/3 e shqiptarëve do të mbesin pa u regjistruar, ndërsa në nivel të qytetit të Dibrës këtë fat do ta pësojnë mbi 60% e popullatës shqiptare. Në Komunën e Zhupës 65.3% e shqiptarëve aktualisht gjenden në mërgim. Sipas të dhënave të Demokracisë së Re 1380 shtëpi shqiptare në Komunën e Dibrës janë të boshatisura, ndërsa mbi 3000 familje shqiptare janë në megrim”, theksoi Bajram Capa.

Ish-pjestari i shërbimit sekret, Hisen Musliu reagoi sot kundër BDI-së, pasi që emri i tij dje u përmend si një nga ideatorët për dosjet e fundit.

Hisen Musliu, ish –pjestarë i shërbimit sekret që në periudhën e ish-Jugosllavisë dhe deri në vitin 2002 ka sqaruar opinionin lidhur me akuzat e bëra ndaj tij nga ana e përfaqësuesit të lartë të BDI-së, Talat Xhaferi.

“Mua si funkionarë më njeh e tërë Tetova, e tërë shoqëria, e tërë Maqedonia e deri në federatën e atëhershme, por kurrë nuk kam qenë spiun apo bashkëpuntor. I kam kaluar të gjitha instancat duke filluar nga inspektori deri në fund me këshilltar i lartë i ministreshës aktuale Jankullovska, edhe në këtë