Kreu socialist Edi Rama I bëri thirrje Drejtorit të Policisë së Shtetit që të zbatojë urdhërin e dhënë nga Prokuroria,, për arrestimin e gjashtë drejtuesve të Gardës dhe jo urdhërin e një ekzekutori, dhe urdhërat e një pushteti që ka humbur çdo legjitmitet.

Në një konferencë për shtyp kreu socialist akuzoi pushtetin si vrasës të demonstruesve.

TIRANË- Ekspertët e Mjekësisë Ligjore, në përfundim të akt-ekspertimeve të tre të vrarëve, kanë arritur në konkluzionin se të tre janë qëlluar me armë zjarri të kalibrit 9 mm. Sipas këtyre të dhënave të siguruara nga burimet pranë Mjekësisë Ligjore dhe raporteve që tashmë janë administruar në dosjen hetimore, mësohet se të tre viktimat janë vrarë nga armë zjarri në vende të ndryshme në një afat të ngushtë kohorë mes tyre. I pari që është qëlluar me armë zjarri ka qenë shtetasi Hekuran Deda nga Dibra, i cili ndodhej rreth 10 metra nga porta hyrëse e kryeministrisë, hipur në dy tavolina të vendosura nga televizionet private për të pasqyruar demonstratën. Viktima Deda ka qenë duke zbritur nga tavolinat, ku plumbi e ka qëlluar në anën e majtë të kokës, mes veshit dhe ballit, duke i shkaktuar një plagë tejshpuese dhe vdekjeprurëse.
Plumbi që ka qëlluar Dedën, ka goditur edhe një gazetar të televizionit ABC duke i shkaktuar plagosjen në dorë. Viktima Deda, sipas ekspertëve të mjekësisë ligjore ka gjetur vdekjen nga një plumb i kalibrit 9 mm.

Më pas, vetëm pak sekonda nga vrasja e Dedës, është qëlluar me armë zjarri shtetasi Ziver Veizi nga Gjirokastra, i cili ndodhej rreth tre metra nga porta hyrëse e kryeministrisë në bulevard. Sipas raportit të mjeko-ligjorëve, viktima Veizi ka marrë një plumb në kraharor, në anën e djathtë ballore. “Plumbi që ka sjell vdekjen e tij, është i kalibrit 9 mm”, – thuhet në raportin e prokurorisë.

Qetësohuni – MOS përdorni dhunën!

Në emër të Forumit Politik www.liriakombtare.com – Aurel Dasareti, Amerikë

Qytetarë të Shqipërisë,
secili prej nesh duhet të përcaktojë vetë atë që i lejohet dhe atë që i ndalohet.

Sali Berisha dhe Edi Rama janë duke gjakosur Shqipërinë. Turp. Rrezik lufte Vëllavrasëse. Të mos përsëritet katastrofa dhe turpi i 1997-tës. Apeloj te ju qytetarë të nderuar: Mos përdorni dhunën sepse dhuna prodhon dhunën, respektoni policinë. Mos u manipuloni nga këta dy tradhtarë të cilët luftojnë vetëm për xhepin e vet. Në mungesë të alternativës Shqipëria qeveriset nga Mafiozët antikombëtar. Aty ku kafshët më fisnike zhduken, fiton lepuri, që nuk ka kërkesa, jeton i kënaqur dhe vazhdon të riprodhohet pafundësisht.
/21 Jan 2011/A.D. në www.lajmet.com

 15;37- Anëtari i Dhomës së Përfaqësuesve, Eliot Engel, kryetar i grupit të çështjeve shqiptare në Kongresin amerikan, dënoi dhunën e një ditë më parë në protesten anti qeveritare ne Shqipëri dhe u bëri thirrje të gjitha palëve t’i zgjidhin mosmarrëveshjet paqësisht dhe nëpërmjet dialogut. “Jam thellësisht i dëshpëruar për humbjen e jetëve”, tha ai, “dhe u shpreh ngushëllimet e mia më të sinqerta familjeve të viktimave”. Engel u shpreh se të gjithë njerëzit në Shqipëri kanë të drejtën të demonstrojnë në mënyrë paqësore dhe të shprehin mendimet e tyre. Megjithatë, theksoi ai, dhuna e ushtruar për të avancuar pikësynime politike është thellësisht për të ardhur keq.

Kryetari i PS-së, Edi Rama paralajmëroi se pas ditës së sotme, që do të jetë ditë zie për viktimat e demonstratës, të tjera protesta do të vijojnë. Këtë herë ai tha se do të qëndrojë vetë në krye të demonstratave e protestave që do të vijojnë pa pushim në të gjithë Shqipërinë. Në 4 dalje publike pas përfundimit të demonstratës, Edi Rama shprehu ngushëllime për viktimat e ditës së djeshme dhe fajësoi për këtë kryeministrin Sali Berisha. Rama tha se në demonstratë morën pjesë 250-300 mijë shqiptarë. 

Situata e krijuar sot në Shqipëri është pasqyruar nga të gjitha mediat më të rëndësishme ndërkombëtare. Ëashington Post shkruant se “fillojnë përleshjet në demonstraten në Shqipëri, ndërsa BBC “Policia dhe protestuesit përleshen në Tiranë”.

“Në Tiranë policia ka ndërhyrë me forcë duke përdorur ujë me presion, mjete me gaz lotsjellës dhe shkopinjtë e gomës për të shpërndarë mijëra mbështetës të opozitës, të cilët po demonstronin përpara selisë së qeverisë shqiptare.

Ndërsa “The Canadian Press” shkruan “Fillojnë përleshjet në demonstraten në Shqipëri, ndërsa mijëra protestues bashkohen”

RFI shkruan “Protestuesit shqiptarë përleshen me policinë”. Agjencia Reuters shkruan “Protestuesit e opozitës përplasen me policinë në Shqipëri”, ndërsa e përditshmja italiane Corriere della Sera shkruan “Shqipëri: Protesta, qëllohet nga kryeministria”

 Sekretari i Përgjithshëm i Këshillit të Evropës (KE), Torbjorn Jagland shprehu sot  shqetësimin e tij rreth dhunës së ndodhur në demonstratën e organizuar nga opozita në Tiranë dhe duke shprehur dënimin për dhunën, kërkoi dialog konstruktiv mes forcave politike, njoftuan mediumet shqiptare.
“Jam shumë i shqetësuar për shpërthimin e dhunës dhe për viktimat që solli demonstrata në rrugët e Tiranës”, ka deklaruar Jagland.
Sipas një njoftimi zyrtar, ai theksoi se i dënon të gjitha llojet e dhunës dhe i bëri thirrje të gjitha forcave politike të angazhohen në dialogun konstruktiv, brenda institucioneve demokratike ekzistuese në Shqipëri.
“Shpresoj se do të njoftohem më tej rreth këtij incidenti fatkeq gjatë vizitës së kryeministrit Sali Berisha në Këshillin e Evropës, të enjten tjetër”, përfundon reagimi i sekretarit të përgjithshëm të Këshillit të Europës.