Mediat greke paralajmërojnë zgjidhjen e kontestit të emrit brenda kësaj vere. Televizioni grek “Antena” ka dalë me informatën e fundit se kontesti i emrit do të zgjidhet gjatë verës dhe se propozimi i fundit do të jetë “Maqedonia e Vardarit”.
Sipas këtij televizioni, ne negociatat që po zhvillohen larg vëmendjes së opinionit, më në fund do të sfidojë emri Maqedonia e Vardarit, për shkak se i plotëson kërkesat e grekëve për zgjidhjen që përmban një emër me përmbajtje gjeografike.
Berisha ka replikuar sërish në distancë me opozitën lidhur me treguesit ekonomikë të vendit dhe ka akuzuar kreun e bashkise se Tiranes, Edi Rama per shumfishim te pajustifikuar te taksave.
Madje ai ka kercenuar se Thesari do te zbatoje ligjin, duke bllokuar tepricat dhe i ka kerkuar ministrit te Financave Bode te mos u merret qytetareve asnje qindarke me teper se u takon te japin sipas ligjit, njofotn Shekulli.
Gjatë paradites deputetja socialiste, Mimi Kodheli u shpreh se “dyshja Berisha-Bode janë përgjegjës për rënien drastike të të ardhurave në buxhet, fundosjen e investimeve publike, dështimin spektakolar të Eurobondit, rritjen e frikshme të huamarrjes së brendshme, shumëfishimin e gjobave dhe kërcënimeve ndaj biznesit”.
Kryetari i partisë opozitare, Aleanca për Ardhmërinë e Kosovës (AAK), Ramush Haradinaj, ka propozuar krijimin e një tryeze politike kombëtare për të diskutuar e marrë vendime për çështjet më akute dhe strategjike që preokupojnë Kosovën.Duke folur në një intervistë për BBC-në, zoti Haradinaj, ka përjashtuar mundësinë e krijimit të një qeverie teknike në Kosovë, apo të ndërhyrjes në qeverisjen aktuale, por ka vlerësuar se tryeza kombëtare do ta ndihmonte Kosovën që të trajtohen të gjitha temat aktuale për vendin.
“Ne mendojmë krijimin e një tryeze nacionale e cila do të sillte rreth vetes përfaqësuesit e institucioneve, të partive të tjera parlamentare opozitare, shoqërinë civile, por edhe aktorë ndërkombëtarë ku do të trajtoheshin temat kryesore, ku do të merrnim vendime për temat me rëndësi apo strategjike,” tha zoti Haradinaj për BBC-në.
)
Duke folur në mbledhjen e deputetëve demokratë, Berisha theksoi se opozita flet për borxhin, ndërsa deklaroi se qeveria e ka gjetur borxhin në nivelin 72 përqind të prodhimit të brendshëm dhe sot është 59 përqind.
Kryeministri përmendi edhe reformat ekonomike në mbledhjen e grupit, duke theksuar se rritja e re ekonomike është më e madhe së në vitin 2009.
Sërish Berisha përmendi rritjen e pagave dhe pensioneve në 1 korrik, shtesë që e kalon 2 deri në 7 herë inflacionin.
)
Ministria e shëndetësisë e Kirgizisë thotë se së paku 117 vetë janë vrarë dhe afro 1500 janë plagosur, pas gati katër ditësh të përleshjeve ndërmjet grupeve etnike kirgize dhe uzbeke, në pjesën jugore të Kirgizisë.
Raportohet se dhjetëra mijëra anëtarë të minoritetit uzbek kanë ikur në Uzbekistan, për t’iu shmangur sulmeve nga bandat kirgize, që ishin të akuzuara për vrasje dhe vënien e zjarrit në pasuritë e pjesëtarëve të minoritetit uzbek.
Komiteti i Kryqit të Kuq Ndërkombëtar ka tërhqur vërejtjen se situata humanitare në pjesën jugore të Kirgizisë po bëhet “kritike”.
)
“Unë nuk u paraqita në seancën e parë gjyqësore, sepse unë nuk e njoh EULEX-in dhe ngase ky rast është i motivuar politikisht. Rifillimi i rastit vetëm konfirmon që EULEX-i është pushtet jodemokratik dhe se ky është një trup gjyqësor i padrejtë”.
(E plotësuar) – Në Gjykatën e Qarkut në Prishtinë, ka filluar seanca gjyqësore kundër liderit të Lëvizjes “Vetëvendosje”, Albin Kurti. Vendimi për këtë seancë është bërë publik ditën e sotme, një ditë pasi Lëvizja “Vetëvendosje” kishte bërë thirrje për protestë, për lirimin e Kurtit, më 21 qershor, datë kjo e caktuar më parë për fillimin e gjykimit ndaj tij. Seanca po vazhdon ende.
Dy ditë pas arrestimit, lideri i Lëvizjes “Vetëvendosjes”, Albin Kurti, është paraqitur para trupit gjykues, në seancën që EULEX-i e ka caktuar për sot, edhe pse ajo ishte paraparë të mbahej më 21 qershor.
Kim MEHMETI
Sikur Maqedonia të mos kishte kaq shqiptarë sa ka, atë qëmoti do e paketonin krejt ndryshe në këtë Ballkan dhe mbase një pjesë e saj tani më do ishte në Evropën e bashkuar. Nëse Maqedonia nuk do ishte kjo “parcele” që shënon kërthizën e Ballkanit, e për të cilën shumë fqinjë të saj thonë se kanë “tapi” të vulosura me “myhyrin” historik për të dëshmuar se janë pronarët e saj legjitim, për të mbase fare nuk do interesohej as kryeplaku i Dibrës, e le më ministrat e BE-së. Pastaj, nëse Maqedonia nuk do e kishte Shkupin, këtë qytet – udhëkryq, nga shpërndahen damarët e tokës mbi këtë pjesë të Ballkanit, ajo do mbetej atë që në të vërtet edhe është: arë e formuar nga pjesët e mbetura të pronës së vëllezërve të ndarë, që kanë hequr dorë nga ato pjesë vetëm sa për t’i shmangur grindjet e mëtejme të ndërsjella. Pra, sikur Maqedonia të mos e kishte kryeqytet Shkupin, për të qëmoti do flitej si për një shembull që dëshmon se Ballkan është arë ku nuk mbinë fara e shteteve multietnike, se në këto hapësira vështirë merren veshtë edhe përfaqësuesit politik me të njëjtën përkatësi etnike, e le më ata që i ndanë gjuha, religjioni dhe e kaluara.
Demokracia e Re përmes një komunikate me shkrim ankohet se BDI po përdorë pushtetin dhe policinë për të ushtruar dhunë ndaj popullitë dhe partive opozitare.
“Kur një parti politike fillon të humb përkrahjen nga populli, atëherë fillon të ushtrojë dhunë ndaj popullit dhe të qërojë hesape me opozitën politike”, thuhet në komunikatën e DR-së.
DR thotë se, e gjithë kjo i ndodh tanimë shumë qartë partisë në pushtet BDI-së, e cila sipas tyre, përveç faktit që ka rritur zullumin mbi shqiptarët në vend, të premten e kaluar duke keqpërdorur policinë deshti që në Strugë të bëjë represion dhe të torturojë zyrtarë të lartë të Demokracisë së Re, në prezencë të mysafirëve të lartë nga Kosova dhe Shqipëria. Fatkeqësisht, kjo e keqe ndodhi në ditën kur ish-Kryeministri i Republikës së Kosovës, z. Agim Çeku dhe Kryetari i Demokracisë së Re, z. Imer Selmani mbajtën ligjeratë për integrimet euro-atlantike para studentëve, profesorëve dhe mysafirëve të shquar në Universitetin Ndërkombëtar të Strugës.
Njoftojmë të gjitha mediat se sot Lëvizja për Bashkim zhvillon aksionin e quajtur “+355”.
Aksioni do të zhvillohet para ndërtesës së Qeverisë së Kosovës, në ora 11.30.
Organizata e të rinjve, Lëvizja Rinore për Bashkim në kuadër të këtij aksioni do të vendosë pllakatin me kërkesën që Qeveria e Kosovës pa asnjë vonesë të fillojë bisedimet me organet përkatëse të Republikës së Shqipërisë për shfrytëzimin e përbashkët të kodit telefonik shqiptar. Kështu do të shkëpusnim edhe një lidhje me shtetin serb, përkatësisht në vend të prefiksit serb +381 ne do te kishim prefiksin shqiptar +355.
