)
Lobimi për njohjen e pavarësisë së Kosovës, edhe nga ato shtete që për arsye të ndryshme ende nuk e kanë njohur Kosovën, mbetet prioritet i diplomacisë shqiptare.
Ambasadori i Shqipërisë në Kosovë, Islam Lauka, tregon për rolin e diplomacisë shqiptare, veçanërisht në rritjen e numrit të vendeve që njohin pavarësinë e Kosovës.
Qytetarët e Maqedonisë manipulohen nga partitë politike. Për shkak të zënkave që kanë mes vete partitë politike, problemet e qytetarëve mbeten të pa zgjidhura. Rasti i fundit me problemin e kanalit në Haraçinë tregon se edhe përkundër konfrontimeve dhe zënkave që kanë partitë politike mes vete, problemet e qytetarëve nuk zgjidhen. Raste të këtilla janë pothuajse të përditshme. Analisti politik Alajdin Demiri vlerëson se koncepti i demokracisë në Maqedoni ka filluar mbrapsht dhe mbrapsht është duke u zhvilluar, për arsye se qytetarët në zgjedhje nuk zgjedhin përfaqësuesit e vet por zgjedhin partinë. Kjo sipas Demirit pastaj hakmerret dhe humbësit më të mëdhenj gjithmonë janë qytetarët. “Humbësit e vërtetë janë vetëm qytetarët, ata të cilët zgjedhin, për arsye se ata e bartin fuqinë në parti dhe pastaj partia merret me vete, asnjëherë nuk merret me problemet e qytetarëve.
Synetia zakonisht në mesin e familjeve sjell gëzim e shpesh shoqërohet me aheng, por e kundërta madje e më e paparashikueshmja i ka ndodhur familjes Kelmendi nga qyteti i Pejës. Kjo familje humbi djalin e saj, Redon Kelmendi 12-vjeçar, nga përkeqësimi i shëndetit vetëm dy ditë pasi i është nënshtruar operacionit të synetisë në një klinikë private në Pejë, ndërsa vëllai i tij 5-vjeçar pas po të njëjtit operacion mbetet në gjendje kritike për jetë.
Kriza e rëndë e varfërisë në Maqedoni më së shumti po rëndon familjet sociale, të cilët në kushte minimale kalojnë jetën e tyre duke arritur që ti sigurojnë vetëm se gjërat elementare të jetesës.
Nurije Iseni/INA
Sipas të dhënave të Entit Shtetëror të Statistikës (ESHS) në Maqedoni janë mbi 70 mijë familje që janë raste sociale dhe që presin ndihmat financiare nga shteti. “Jam vetë i pesti në shtëpi dhe gati se shtatë vite marrë 2.600 denarë ndihmë në muaj.
Akuza për keqpërdorime fondesh të grumbulluara nga besimtarët islam kanë shpërthyer në xhaminë Isa Beu, e cila udhëhiqet nga imami i shkarkuar Ramadan Ramadani.
Kjo bëhet e ditur për agjencinë e lajmeve INA nga besimtarë dhe pjesëtarë të xhematit të kësaj xhamie, të cilët rastin e kanë denoncuar edhe pranë Myftinisë së BFI-së në Shkup, duke nxjerrë në sipërfaqe një fond parash të keqpërdorur prej mijëra eurosh.
“Janë grumbulluar para për xhaminë pikërisht për muajin e Ramazanit dhe për këtë është njoftuar edhe Myftinia, e cila ka njohuri për këtë keqpërdorim, por kërkojmë që të mos heshten gjërat dhe të dalin në shesh”, ka kërkuar një besimtarë për agjencinë e lajmeve INA, i cili frekuenton xhaminë Isa Beu, por së fundi atij i është ndaluar prania në këtë xhami dhe kryerja e obligimeve fetare.
Mehmet Latifi/Ohër
Një person ka humbur jetën ndërsa disa të tjerë kanë marrë lëndime të rënda dhe të lehta në një incident dhe rrahje mes dy grupeve të turistëve serb në Ohër, që ka ndodhur rreth orës 3 (tre) të mëngjesit të sotëm, në qendër të Ohrit.
Sipas informacioneve të para nga Ohri, në këtë rrahje masovike të turistëve serb, ku janë përfshirë shumë persona, ka pësuar një 30 vjeçar nga Beogradi.Sipas informacioneve, viktima e këtij incidenti tragjik, ka marrë plagë të rënda.Mjekët kanë deklaruar se plagët janë shkaktuar nga therja me thikë. Jozyrtarisht merret vesh se bëhet fjalë për dy grupe të turistëve serb të cilët incidentin e kanë filluar në klubin e natës “Havana” në Ohër, për ta vazhduar pastaj edhe rrugëve të qytetit në qendër të Ohrit.
Facebook tani ka një vlerë prej 33.7 miliardë dollarë, pasi që investitorët kanë paguar deri në 76 dollarë për një aksion në këtë kompani, para se të bëjë ajo kalimin në tregun e aksioneve
Financial Times ka thënë se vlerësimi nënkupton që Facebook tani ka një vlerë më të madhe sesa gjigantët teknologjik si eBay dhe Yahoo!< që kanë në vlerë tregu prej 30.1 miliard dollarë dhe 18.3 miliardë dollarë.
David Gelles, një reporter për The Financial Times shkroi: Aksionet e zakonshme në Facebook po tregtohen për një çmim prej 76 dollarë për aksion pasi që investitorët janë duke u munduar mes vet që të arrijnë të kapin një pjesë të kompanisë para se ajo të futet në ofertë publike, për të cilën analistët thonë se mund të jetë IPO-ja më e madhe teknologjike qysh prej flotacionit prej 1.67 miliard dollarë të Google në vitin 2004.
“Gjersa Facebook dhe kompani tjera të suksesshme si Twitter, LinkedIn dhe Zynga, janë duke vendosur IPO-të e tyre sepse kanë perceptuar një apetit të dobët në tregjet publike, disa investitorë nuk janë duke përmbajtur pritjen. Ata po blejnë aksione në kompani teknologjike gjersa ato janë ende private, duke shpresuar se IPO-të e tyre eventual do të dërgojnë çmimet e aksioneve edhe më lartë”.
Organizata joqeveritare “Realiteti”, përmes një konferencë për shtyp deklaroi se, politika e antishqiptare e kryeministrit, Nikolla Gruevski nuk ka të ndalur.
“Politika antishqiptare e Gruevskit nuk ka të ndalur. Tani ajo tregon fytyrën e vërtetë të saj ku kjo politikë e tij gjen zbatim edhe në sistemin e larte arsimor. Një nga kushtet e dhëna nga Bashkimi Evropian për integrime janë reformat e mirëfillta por JO edhe reforma për dezintegrim dhe diskriminim të studenteve shqiptar”, u tha në konferencën për shtyp të organizatës Realiteti.
Kjo organizatë prezantoi një fletëparaqitje nga Fakulteti i i Ekonomisë pranë Universitetit Shën Kirili dhe Metodij në Shkup ku përmenden të gjitha nacionalitetet përveç atij Shqiptar.
“Kjo fyerje serioze paraqitet si vazhdim i politikës më antishqiptare të parë ndonjëherë nga ana e Kryeministrit Gruevski. Ky veprim shovinist dhe tendencioz i ngjan politikave te ish Jugosllavisë për eliminimin demografik të shqiptarëve dhe sot ate e bën një institucion akademik që injoron studentët e vet”, u tha më tej në konferencë.
