PPD kërkon shtyrjen e regjistrimit për vitin 2012, me qëllim të plotësimit të disa kushteve për shqiptarët dhe evitimin e manipulimeve.

Kjo parti gjithashtu apelon ndryshimin urgjent të Ligjit për regjistrim, trajnim të kuadrove shqiptare dhe mbikëqyrje të regjistrimit nga shqiptarët në zonat maqedonase.

“Partia për Prosperitet Demokratik, kërkon që Propozim Ligji për regjistrim, para se të vihet në procedurë parlamentare, ti nënshtrohet shqyrtimit publik 60 ditësh. Kërkojmë nga Shërbimet kompetente të Kombeve të Bashkuara, dedikuar Regjistrimit të Popullatës, Amvisërive dhe Banesave, e në veçanti, kërkojmë nga Shërbimi për statistikë i Unionit Evropian-EUROSTAT ta detyroj Qeverinë e Maqedonisë, që Grafa e fletëregjistrimit personal (P-1), dedikuar përkatësisë nacionale shqiptare, të jetë identike me grafën dedikuar përkatësisë nacionale maqedonase dhe jo siç parasheh ligji që grafa e fletë regjistrimit personal të titullohet vetëm me shifra numërore”, theksoi kryetari i PPD-së, Sejfedin Haruni.

Kim Mehmeti

Shqiptarët e Maqedonisë sot “zbaviten” me një zënkë ndërpartiake mes BDI-së në pushtet, e cila i përmbahet parimit se, nëse kryetari të thotë se miu është luan, besoji kryetarit dhe jo syve, dhe PDSH-së në opozitë, që i mbeti besnike e epur bindjes se bariun nuk e bën të vlefshëm ajo që ka në kokë, por shkopi që ai mban në duar. Duke mos pasur zgjidhje tjetër përpos të dëgjojnë, si BDI-ja dhe PDSH-ja ia hanë kokën njëra-tjetrës -gjithmonë në stilin e partive mbarëshqiptare: ai që na akuzon është më i keq se ne- shqiptarët e Maqedonisë tani hamenden vallë t’i besojnë PDSH-së, e cila pohon se në radhët e parlamentarëve të BDI-së ka një ish-bashkëpunëtor të shërbimeve sekrete policore të Jugosllavisë së dikurshme, apo BDI-së që thotë se nuk u duhet besuar atyre që merren me përçarjen e popullit.