Read More

Albin Kurti

Tomislav Nikoliqi e vuri popullin serb para zgjedhjes: ose BE-ja, ose Kosova. Tomislav Nikoliqi i humbi zgjedhjet. Ai po bënte fushatë me zgjedhjen e tij (Kosovën) në kuadër të zgjedhjes që ai besonte se ndodhet para popullit serb (ose BE-ja, ose Kosova). Në pranverën e vitit 2008, zgjedhjet në Serbi i fitoi Boris Tadiq, i cili vazhdon të jetë kryetar i Serbisë.

Albin Kurti

Kosova i ngjan një teatri. Prandaj njerëzit nuk shkojnë aq në teatër. Qytetarëve nuk iu mungon teatri por realiteti.

Nëse teatri qëndron në opozitë me realitetin, atëherë e vërteta ndodhet në anën e teatrit. Rolet, detyrat dhe funksionet e njëmendta i kuptojmë nga teatri. Në vijim janë dhënë disa prej tyre. Mbase më kryesoret.

Albin Kurti

Më parë se sa të ndjejnë krenari për të kaluarën, qytetarët e Kosovës pushteti i çon te një nostalgji për të ardhmen.

 Kosova i respekton të gjithë. Edhe OKB-në, e cila pas dhjetë vjet sundimi në Kosovë, në vend të ulëses për Kosovën ia imponoi asaj 6 Pikëshin. Edhe BE-në, e cila pasi që ia solli EULEX-in i cili nuk e njeh pavarësinë e Kosovës, liberalizimin e vizave ia dha Serbisë. Edhe KFOR-in, i cili bazohej në Marrëveshjen e Kumanovës ku nuk u ftua asnjë shqiptar, e që tash për secilin kontest kufitar mban anën e Serbisë. Që të gjithë i respekton Kosova. Përveç vetvetes – vullnetit të popullit dhe interesave të qytetarëve të saj.

Albin Kurti

 Për Jacques Lacanin thuhet të jetë psikanalisti më i madh në mesin e filozofëve dhe filozofi më i madh në mesin e psikanalistëve. Lacani na mëson që ëndrrat janë më të papërballueshme sesa realiteti. Se nuk janë ëndrrat zëvendësim për realitetin por realiteti është zëvendësim për ëndrrat. Ata që s’i durojnë ëndrrat e pranojnë realitetin. Njeriu nuk e sheh në ëndërr atë që s’e bën dot në realitet, por e bën në realitet atë që s’do ta shohë (as) në ëndërr.

Albin Kurti

Të hënën, Martti Ahtisaari vjen në Prishtinë. Nuk e dimë se kë krejt do ta takojë dhe çfarë ai do të bëjë e thotë në Kosovë. Por, sikurse edhe shumë pashallarë, vezirë e sulltanë të tjerë para tij, e të cilët kësaj radhe na vijnë nga perëndimi e jo nga lindja si dikur, ai do ta mbajë një fjalim në një seancë gjithsesi solemne të Kuvendit të Kosovës. Nga deputetët e Kosovës nuk kërkohet të thonë ose bëjnë asgjë përveçse të jenë të gatshëm, si përherë, për duartrokitjet e tyre. Pas fjalive të caktuara të Martti Ahtisaarit atyre do t’u jepet sinjali që të duartrokasin: ndonjëherë ca më gjatë, nganjëherë fare shkurtimisht, kurse, së paku një ose dy herë, edhe të ngriten në këmbë gjersa duartrokasin.

Albin Kurti

Jemi apo nuk jemi shtet funksional? Cilado përgjigje do të mund të ishte e saktë. Sepse pyetja është e gabuar. Nuk duket se jemi shtet tamam. Ose, mbase, vetëm duket se jemi shtet tamam. Shteti i Kosovës ngjan si një ‘objekt për të tjerët’ (61 të tjerë) dhe jo si ‘objekt në vetvete’. Me shprehjet e Immanuel Kantit, shteti i Kosovës është një phenomenon pa noumenon. Shteti e ka monopolin në përdorimin legjitim të dhunës, thoshte Max Weberi. Kësisoj, paradoksalisht, del se në Kosovë shtet janë KFOR-i e EULEX-i, që nuk e pranojnë Kosovën si shtet të pavarur. KFOR-i, sikurse EULEX-i, është neutral karshi statusit.   

Albin Kurti

Zgjedhjet parlamentare të 17 nëntorit 2007 u patën mbajtur për dy arsye kryesore. E para, meqë shpallja e pavarësisë po shtyhej për vitin 2008, duheshin zëvendësuar protestat e demonstratat me karnevalet e fushatës parazgjedhore. Dhe, e dyta, meqë po përfundonte mandati i Ekipit të Unitetit që banonte në avionin e linjës Prishtinë-Vjenë, duhej sjellur në  pushtet koalicioni i madh PDK-LDK si zëvendësim për të.