Franca është përfshirë javët e fundit nga protesta të forta e të zgjatura të grupimit të ashtuquajtur “jelekverdhët”, por në rrugët e Parisit dhe shumë qyteteve të tjera franceze ka pasur ditët e fundit edhe zëra ekstremistë, sidomos sulme ndaj hebrenjve dhe njerëzve me ngjyrë.

Racizmi ka kapur nivele të frikshme në Francën e muajve të fundit, aq sa janë vënë në alarm strukturat e sigurisë. Së fundmi, objekt i sulmit të ekstremistëve francezë dhe anti-semitistëve është bërë edhe sulmuesi i Paris San Zhermen dhe kombëtares së Francës, Kilian Mbape, për të cilin po shkruhen parulla dhe mbishkrime raciste në muret e shkollave, stacionet e metrove dhe në vagonë të ndryshëm të trenave. Duket si një kor racist i orkestruar, sepse në fund të fundit Mbape nuk ka origjinë të drejtpërdrejtë hebreje, sepse prindërit e tij vijnë nga Afrika e jo nga Lindja e Mesme. Kështu, në stacionet e trenave në kryeqytetin e Francës, Paris, kanë nisur të shfaqen mbishkrime raciste kundër sulmuesit të kampionëve të Ligue 1, Kilian Mbape.

Në disa vagonë është shkruar “Mbape, bir k… hebre”, ndaj autoritet vendase kanë nisur menjëherë hetimet: “Është një sulm ndaj diversitetit dhe imazhit e vendit, jo vetëm ndaj Mbapesë, por kundër Francës.” “SNCF”, shoqata e transportit në Paris, ka vënë në dispozicion të policisë të gjitha regjistrimet që mund të ndihmojnë në individualizuar fajtorët. Në fakt, i gjithë opinioni në Francë është skandalizuar nga ky fakt, çka ka sjellë reagimet e personaliteteve të vendit.“Faji” i Kilian Mbapesë, që ka lindur në Paris, lidhet me faktin se është i biri i një babai kamerunas dhe i një nëne algjeriane. “Është shembull i racës së përzier për të cilën jemi krenarë. Nëse sulmon një qytetar për ngjyrën e lëkurës, po sulmon Republikën,” nënvizon Lidhja Ndërkombëtare kundër Racizmit. Federata Franceze e Futbollit vetëm gjatë javëve të fundit ka marrë dy vendime ndëshkimore për koret raciste nëpër stadiumi.

Roli i Mbapesë në sukseset e PSG-së

Mungojnë Nejmar dhe Kavani? Nuk ka problem, Paris San Zhermen i mjafton Kilian Mbape. Talenti francez realizoi golin e vetëm të takimin me Saint Etiene në transfertë, që vazhdo të kryesojë bindshëm Ligue 1. 12 pikë më shumë se Lilë ka grumbulluar Parisi, që ka edhe 2 ndeshje më shumë për të zhvilluar se rivali më i afërt. Duke iu kthyer ndeshjes me Saint Etiene, goli i realizuar nga Mbape ishte vërtet i bukur, me një koordinim perfekt në goditje pas asistimit të Dani Alveshit. Në vijën e parë të sulmit, përkrah 20-vjeçarit luajti argjentinasi di Maria në rreshtimin 3-5-2. PSG thjesht po ecën i qetë drejt titullit të radhës kampion në Francë, teksa vëmendja e drejtuesve është fokusuar në Champions, për të administruar sa më mirë suksesin e pastër 0-2 të arritur në “Old Trafford” me Mançester Junajtid.

Adriatik BALLA

Muhammed bin Salman është gati të paguajë 4.3 miliardë euro për të marrë klubin më me shumë trofe në Angli.

Sipas mediave angleze, princi, familja mbretërore e të cilit zotëron një pasuri prej 970 miliardë euro, shpreson se kjo ofertë është joshëse për familjen amerikane Glayser, e cila zotëron gjigantin nga ‘Old Trafford’.

Bin Salman thuhet se dëshiron të blejë Unitedin për të konkurruar me Cityn, i cili kontrollohet nga Sheik Mansur nga familja mbretërore e Abu Dabit, transmeton KosovaPress.  Glayser me vite ka demantuar një rrëfim të ngjashëm për shitjen e skuadrës, por drejtuesit e tij gjithnjë e më shpesh vizitojnë Arabinë Saudite.   

Amerikanët blenë United para 14 vjetësh për 900 milionë euro, por hyrën në borxhe të thella për shkak të këtij transaksioni. Por, kjo mund t’iu shpaguhet duke fituar madje 2,5 miliardë euro nëse shesin ekipin te princi saudit. Vlera e United prej 4.3 miliardë do të varet nga plasmani në Ligën e Kampionëve sezonin e ardhshëm, andaj është e vështirë të pritet shitja e mundshme e “Djajve të Kuq” para përfundimit të sezonit. Familja mbretërore saudite njihet si një investitor i madh në sport.

Ajo është përfshirë në Formula 1 dhe WWW, por përfshirja më e madhe në sport ishte ndalimi i televizionit të Katarit BeIn SPORT për të transmetuar ndeshjet e Premier Ligës në vendin e tyre.

Me blerjen e United, sauditët do të dërgonin një mesazh të madh për konkurrentët e tyre në Gjirin Persik, me të cilët kanë beteja të vazhdueshme politike dhe financiare, andaj do të pritej që United, sikurse City, do të fillonte të shpenzonte shuma të mëdha parash në përforcime.

Anthony Joshua do të boksojë në Shtetet e Bashkuara të Amerikës për herë të parë, pasi u konfirmuar se ai do t’i mbrojë titujt e tij të botës në kategorinë e rëndë IBF, WBA dhe WBO kundër Jarrell Miller më 1 qershor.

29-vjeçari do të boksojë kundër Millerit në Madison Sqaure Garden në shtëpinë e amerikanit të papmoshtur në Nju Jork, transmeton Gazeta Express.

Milleri, i cili i ka 23 fitore dhe një barazim, nuk ka luftuar asnjëherë për titullin e kampionit të botës në karrierën e tij.

Milleri po ashtu i ka fituar me nokaut 20 nga 23 lufterat e tij, megjithatë këtë herë do ta ketë një kundërshtar të një niveli shumë më të lartë

Liga Profesioniste e Futbollit mori miratimin nga ana e klubeve të Superligës muajin e kaluar dhe pa vonesë është nisur të mendohet për strukturimin e saj. Qëllimi kryesor i Ligës është përmirësimi i financave të klubeve, që vazhdimisht kanë patur probleme, aq sa UEFA në raportin e fundit përmend faktin se pjesa dërrmuese e të ardhurave sigurohet nga shpërblimet e saj.

Presidenti i Ligës Profesioniste, Edvin Libovova thotë për TV Klan se çfarë do të ndryshoje në futbollin shqiptar.

“Besoj që balanca do të anojë te burimet dhe të ardhurat që vetë klubet, vetë Superliga do të sigurojë për anëtarët e saj. Nuk do të nënvlerësohet burimi i UEFA-s, pasi është e një ardhur e vazhdueshme  sidomos për investimet në infrastrukturë, ndërsa organizimi i lojës dhe shpenzimet do të përballohen nga burimet që do të gjejë Superliga”, tha Edvin Libohova, President i Ligës Profesioniste të Futbollit.

Përveç të ardhurave që do të vijnë nga të drejtat e imazhit dhe ato tregtare, Liga do të ketë ndikim në komisione, përfshi arbitrat.

“Vetë Liga duke përfaqësuar interesat e klubeve do të ketë ndikimin e saj në komisionet e Disiplinës, Etikës e Arbitrave dhe organizmin e garës.”

Me krijimin e Ligës, sipas Edvin Libohovës do të ketë më tepër garanci edhe për futbollistët.

“Një nga prioritet do të jetë regullariteti i marrëdhënies së futbollistëve me klubet dhe klubeve përbrenda tyre që ky problem të shkojë drejt zgjidhjes.”

Parashikohet që Liga Profesioniste e Futbollit të nisë aktivitetin prej sezonit të ardhshëm.

Kërkimet për sulmuesin Emiliano Sala vazhdojnë ende, tashmë në mënyrë private.01

Për lojtarin argjentinas nuk ka asnjë gjurmë që prej ditës së hënë, kur avioni privat me të cilin po udhëtonte u zhduk në ngushticën e La Manshit, ndërkohë që po udhëtonte nga Franca për në Angli.

Lojtari sapo kishte nënshkruar me skuadrën e Cardiff (luante me Nantën), fanellë të cilën nuk e veshi asnjëherë.

Në nder të lojtarit, Federata Angleze e Futbollit vendosi që në ndeshjet e Kupës (FA Cup), skuadrat të luanin me një shirit të zi në krah. Por në ndeshjen Everton-Millwall nuk është respektuar kjo kërkesë.

Të dyja ekipet kanë refuzuar të mbajnë shiritin e zi në krah, pasi sipas tyre nuk ka ende asnjë komunikim zyrtar për vdekjen e futbollistit. Sipas tyre, ata shpresojnë në gjetjen e lojtarit.

Sfida e djeshme në Serinë B mes Palermos dhe Askolit ka sjellë një episod që nuk e shohim shpesh në një ndeshje futbollit.

Protagonist absolur u bë portieri i Askolit, Perukini, në minutën e 26-të të ndeshjes.

Njëri nga mbrojtësit e Askolit e ka kthyer topin te portieri të cilit fillimisht i ikën nga këmba, por gjithsesi e arrin sërish.

Në tentativë për të dribluar një kundërshtar që po i bënte presing, ai nuk e ka llogaritur hapësirën duke shënuar në portën e tij një autogol mjaft të bukur dhe të çuditshëm njëkohësisht.

Video u shpërnda me shpejtësi dhe po bën namin sot në internet.

Luftëtari Ilir Latifi është gati për duelin në UFC 232 me Corey Anderson, që do të zhvillohet më 29 dhjetor.

Latifi, që ka 14 fitore dhe 5 humbje, duelin e fundit në kafaz e ka me 24 shkurt të këtij viti, kur mundi Ovince Saint Preux, ndërkohë që i ka fituar dy përballjet e fundit, duke iu afruar shumë majës së peshës “light heavyweight”.

“Jam i përqendruar në luftën time. Kam rutinat që duhet të bëj, por natyrisht që jemi një ekip, dhe kemi ardhur këtu si një ekip dhe kemi pasur një kamp së bashku, kështu që natyrisht ju i kushtoni vëmendje asaj që po ndodh, por ju duhet të jeni fokusuar në lojën tuaj”, deklaroi Latifi para duelit të nesërm, i pyetur per shokun, Alexander Gustafsson, i cili mund të mos duelojë me Jon Jones për shkak debatit pë doping

Brexit ka bërë që në pah të del një problem tjetër në Premier Ligë. Skuadrat e tyre do të kufizohen vetëm në 12 lojtarë të huaja, një rregull kjo që do të bëj ndryshime radikale në filozofinë e tyre të futbollit

Ky plan është shkruar sot në The Times, në një raport ekskluziv, i cili nuk do të jetë efektiv menjëherë për shkak se duhet të bëhet shmangie nga kontratat e tanishme, por mund të shkaktojë tërmet edhe në futbollin europian.

Përfundimet e Brexit mund të jenë të paparashikueshme, pasi që askush nuk mund ti ikë, të paktën ndoshta në fillim, por më vonë pa dyshim do të sjell pasoja.

Në njërën anë, do të lëntë shumë lojtarë jo britanik pa rinovuar kontratat dhe me të ardhmen e tyre në ajër, në anën tjetër, do të ndikonte në nivelin e ligës që për momentin është më konkurruesja në botë duke falënderuar edhe importin e talenteve të huaj.

Për momentin, 13 nga 20 klubet e Premier Ligës nuk i përmbushin këto kërkesa që ka propozuar Brexit, e në mesin e tyre janë gjashtë klube që luajnë në gara europiane.

Është përplasur helikopteri i pronarit të Leicester Cityt afër stadiumit të klubit.

Helikopteri i presidenti të klubit anglez Vichai Srivaddhanaprabha është përplasur jashtë stadiumit të Leicesterit “King Power Stadium”, disa minuta pas barazimit me West Hamin të shtunën mbrëma

Ende nuk është konfirmuar se kush ka qenë në helikopter, përveç Vichait nuk ka qenë dikush tjetër nga familja e tij në stadium gjatë ndeshjes.

Zona rreth pjesës ku është përplasur helikopteri, njerëzit në stadium janë evakuuar, thuhet se disa lojtarë të Leicesterit ishin ende brenda stadiumit.

Një ngjarje e rëndë ka tronditur botën e futbollit. Mesfushori me origjinë shqiptare, Labinot Harbuzi ka ndërruar jetë ditën e sotme. Lajmi është konfirmuar nga babai i Labinotit, Ismeti, i cili tregon për mediat suedeze, se rreth orës 10 të mëngjesit, 32-vjeçari u rrëzua në shtëpi, pas një goditje në zemër. Edhe pse ai u transportua me ambulancë në spital, nuk arriti të shpëtonte.

Karriera e Harbuzit ishte tepër e pasur, teksa u aktivizua me klube si Fejnord, Ekselsor, Malmo, Genclerbirlig, Manisaspor, Syrianska dhe së fundi ishte pjesë e Malaka Junajtid.