Ku ndodhet prostata dhe çfarë funksioni ka?

Prostata është një organ që gjendet te meshkujt që nga fëmijëria në dalje të fshikëzës së urinës, dhe rrethon të gjithë kanalin e urinës me një madhësi mesatare sa një arrë (rreth 18 gr). Funksioni kryesor është prodhimi i një pjese të madhe të lëngut që mbartë spermën.

Cilat janë sëmundjet kryesore të prostatës?

Sëmundjet e prostatës përgjithësisht mund të ndahen në tre grupe:

1. Infeksionet e prostatës (prostatit)

2. Zmadhimi (Hiperplazi) beninj i prostatës (HBP)

3. Kanceri i prostatës

Infeksionet e prostatës ashtu siç mund të duken në çdo moshë zakonisht quhen si sëmundjet e të rinjve. Zmadhimi beninj i prostatës dhe kanceri i prostatës janë sëmundje që duken pas moshës 45-50 vjeç.

Çfarë është prostatiti?

Quhet në latinisht infeksioni i prostatës. Mund të duket në çdo moshë. Simptomat janë djegje, dhimbje në fund të barkut ose poshtë testiseve, rrjedhje prej penisit ose ndjesi të kruajtjes brenda në penis. Terapia zakonisht kryhet me antibiotikë dhe pacientit i kalojnë simptomat.

Çfarë është zmadhimi beninj i prostatës?

Me rritjen e moshës prostata fillon të zmadhohet si organ për shkak të disa shkaqeve të ndyshme, dhe mund të shkaktojë presion mbi fshikëz ose kanalin urinar duke krijuar ngushtimin e këtij kanali që quhet uretra. Kjo gjendje quhet zmadhim (Hiperplazi) beninj i prostatës.

Çfarë është kanceri i prostatës?

Kanceri i prostatës është kanceri i dytë që duket më shpesh të burrat. Zakonisht nuk është agresiv dhe nuk jep ndonjë simptome që mund të vihet re nga pacienti. Kur shoqërohet me zmadhim të prostatës mund të jap shqetësime, si urinim i shpeshtë dhe më vështirësi kurse në fazat e avancuara mund të shkaktojë gjakderdhje në spermë ose dhembje në kocka.

Si zbulohet prania e kancerit të prostatës?

Kontrolli i pacientëve që kanë kancer prostate në familje pas moshës 45 vjeç, te pacientët e tjerë në moshën 48-50 vjeç te urologu është i domosdoshëm. Në fillim bëhet ekzaminimi rektal i prostatës dhe pastaj shihet testi i PSA (prostatë specifik antigjen) në gjak. Në rast se në ekzaminim fizik vihet re fortësi në pjesën e mbrapme të prostatës mund të dyshohet për kancer të prostatës.

Çfarë është PSA dhe si vlerësohet?

PSA është një substancë që prodhohet nga qelizat e prostatës. Në rast se është mbi një nivel të caktuar në gjak mund të dyshohet për kancer të prostatës. Edhe në raste kur PSA është normale pacienti ka mundësi që të ketë kancer të prostatës. PSA mund të rritet edhe kur ka prostatit (infeksion të prostatës). Si dhe një grup ilaçesh që përdoren për zmadhimin e prostatës mund të ulin PSA- në, ndaj ju duhet të tregoni mjekut tuaj për ilaçet që po përdorni.

Çfarë operacionesh duhen për zmadhimin e prostatës?

Pas marrjes për një kohë të ilaçeve për zmadhimin e prostatës këta pacientë kanë nevojë për ndërhyrje në hapjen e kanalit të urinës. Këto ndërhyrje mund të bëhen me operacion të hapur ose sipas metodave më të reja me operacion të mbyllur (TUR-Prostate).

Operacioni i mbyllur ose TUR-prostatës bëhet nëpërmjet një instrumenti fiberoptik, duke u futur nëpërmjet kanalit të urinës dhe bëhet heqja e prostatës nga brenda duke hapur kanalin e urinës. Kohëzgjatja e këtij operacioni është rreth 1 orë dhe pacienti pas operacionit rrinë rreth 2-3 ditë në spital.

Operacioni i hapur i prostatës bëhet për prostatë që janë më të mëdha se 90 gr dhe zgjatë rreth 1,5 orë. Pas operacionit pacienti rrinë rreth 4-5 ditë në spital.

Këto lloj operacionesh bëhen prej vitesh në mënyrë përfekte në Spitalin Amerikan. Në spitalin tonë vetëm në raste të rralla preferohet operacioni ë hapur. Në operacionin e mbyllur të prostatës rreziqet që mbarten gjatë dhe pas operacionit janë minimale, kurse operacioni i hapur ka një përqindje më të rritur të rreziqeve në përgjithësi.

A ka probleme seksuale pacienti pas këtyre operacioneve?

Ajo që ndodhë në këtë grup moshë është që këta pacientë mund të kenë sëmundje të tjera që ndikojnë fuqinë seksuale si: diabeti, tensioni i lartë, sëmundje të zemrës etj. Pas operacioneve të mbyllura zakonisht nuk ka ndryshim ose mund të ketë ulje minimale të forcës seksuale, kurse te operacionet e hapura më pak se 15%.

A mund të parandalohen sëmundjet e prostatës?

Zakonisht një pjesë e madhe e këtyre pacientëve kanë prejardhje gjenetike, por pacientët duhet të përqendrohen në ushqimet natyrore me fruta dhe perime të freskëta. Ushqimet e stilit perëndimor si fast-food pretendohet që rrisin rrezikun e kancerit të prostatës. Megjithëse ka disa ilaçe bimore në treg që prodhohen prej rrënjëve të pemëve etj, akoma asnjëri prej tyre nuk është provuar shkencërisht.

Për më shumë informacion, kontaktoni në inbox ose në numrat e telefonit 038 221 661 ose 049 513 513.

Spitali Amerikan, Përqafoje Jetën!

Dihet botërisht që gjatë periudhës së vjeshtë-dimrit shtojmë peshë.

Prandaj ju rekomandojmë dietën e vezëve të ziera falë të cilës do të humbisni 10 kilogramë. Ajo djeg yndyrat e padëshiruara dhe forcon metabolizmin

Gjatë kësaj kohe duhet të pini 8 deri në 10 gota ujë qe të hidratoheni. Pirja e ujit ju ndihmon të çlironi trupin nga toksinat.

Për një rezultat sa më efikas, duhet të bëni gjithashtu gjysmë ore aktivitet fizik në ditë.

Gjatë kësaj periudhe nuk duhet të konsumoni ushqime të shpejta dhe të pashëndetshme, pije alkolike si dhe duhet të limitoni përdorimin e kripës dhe sheqerit.

JAVA E PARË

E HËNË

• Mëngjesi: 2 vezë të ziera dhe 1 qitro

• Dreka: 2 patate të ëmbëa dhe 2 mollë

• Darka: 1 pjatë sallatë dhe mish pule

E MARTË

• Mëngjesi: 2 vezë të ziera dhe 1 qitro

• Dreka: perime të gjelbërta dhe sallatë me mish pule

• Darka: Sallatë me perime, 1 portokall dhe 2 vezë të ziera

E MËRKURË

• Mëngjesi: 2 vezë të ziera dhe 1 qitro

• Dreka: djathë pa yndyrë, 1 domate dhe 1 patate e ëmbël

• Darka: sallatë dhe pulë

E ENJTE

• Mëngjesi: 2 vezë të ziera dhe 1 qitro

• Dreka: fruta sipas dëshirës

• Darka: sallatë dhe mish pule i gatuar në avull

E PREMTE

• Mëngjesi: 2 vezë të ziera dhe 1 qitro

• Dreka: perime të ziera dhe 2 vezë

• Darka: sallatë dhe peshk në zgarë

E SHTUNË:

• Mëngjesi: 2 vezë të ziera dhe 1 qitro

• Dreka: fruta sipas dëshirës

• Darka: perime dhe mish pule të gatuara në avull

E DIELË:

• Mëngjesi: 2 vezë të ziera dhe 1 qitro

• Dreka: sallatë më domate, perime në avull dhe mish pule

• Darka: perime të kaluara në avull

JAVA E DYTË

E HËNË:

• Mëngjesi: 2 vezë të ziera dhe 1 qitro

• Dreka: sallatë dhe mish pule

• Darka: 1 portokall, pak sallatë dhe 2 vezë

E MARTË:

• Mëngjesi: 2 vezë të ziera dhe 1 qitro

• Dreka: 2 vezë të ziera dhe perime të gatuara në avull

• Darka: sallatë dhe peshk në zgarë

E MËRKURË:

• Mëngjesi: 2 vezë të ziera dhe 1 qitro

• Dreka: salltë dhe mish pule

• Darka: 1 portokall, sallatë me perime dhe 2 vezë

E ENJTE

• Mëngjesi: 2 vezë të ziera dhe 1 qitro

• Dreka: perime të kaluara në avull, djathë me pak yndyrë dhe 2 vezë

• Darka: sallatë dhe mish pule

E PREMTE

• Mëngjesi: 2 vezë të ziera dhe 1 qitro

• Dreka: sallatë me sardele

• Darka: sallatë dhe mish pule
t ru
E SHTUNË

• Mëngjesi: 2 vezë të ziera dhe 1 qitro

• Dreka: sallatë dhe mish pule

• Darka: fruta sipas dëshirës

E DIELË

• Mëngjesi: 2 vezë të ziera dhe 1 qitro

• Dreka: perime të kaluara në avull dhe mish pule

• Darka: e njëjta gje si në drekë

Shënim: Përpara se të bëni këtë dietë duhet të konsultoheni me mjekun tuaj. Është gjithmonë e këshillueshme të keni një kujdes të specializuar në mënyrë që të mos dëmtoni shëndetin tuaj.

Recetat e brumit mund të jenë sfiduese por edhe një mënyrë për të shfaqur mjeshtërinë në gatim.

Ato përbëjnë një mënyrë ideale jo vetëm për të gatuar diçka të shëndetshme por edhe për të mbushur shtëpinë me aroma të ëmbla e ngrohtësi.

Në këtë artikull do të mësoni se si të përgatisni në shtëpi simite fantastike me qumësht, gjalpë e hudhër.

Përbërësit:

• Gjashtë lugë gjelle gjalpë
• Treçerek gote me qumësht me yndyrë (ose 2% yndyrë)
• Gjysëm gote ujë
• 4 filxhanë çaji me miell (dhe më shumë për pluhurosjen)
• 1 lugë gjelle me maja të gatshme
• Çerek filxhani me sheqer pluhur
• Një lugë e gjysmë çaji me kripë
• 2 lugë çaji me hudhër pluhur
• 1 lugë gjelle me rozmarinë të freskët ose gjysmë lugë gjelle me rozmarinë të thatë (nëse dëshironi mund të mos e shtoni)
• 3 lugë gjelle me majdanoz të freskët ose  1 lugë e gjysmë me majdanoz të thatë.
• 1 kokërr vezë
• 1-2 thelbinj hudhër të plotë ose të grirë sipas preferencës.

Përgatitja:

Vendosni 4 lugë gjelle me gjalpë, qumësht dhe ujin në një enë të përshtatshme për mikrovalë ose futeni të ngrohet në furrë të parangrohur për disa minuta.

Futeni atë në mikrovalë dhe lëreni të nxehet për një minutë.

Merrni një mikser (që është i përshtatshëm edhe për brumë) dhe shtoni 4 filxhanë me miell, majanë, sheqerin, kripën, hudhrën pluhur, rozmarinën dhe dy lugë gjelle majdanoz.

Përziejini mirë dhe më pas shtoni vezën dhe masën e ngrohtë të qumështit.

Rriteni shpejtësinë e mikserit dhe lërini të përzihen për 4-5 minuta.

Nëse brumi nuk shqitet nga anët e mikserit shtoni edhe pak miell dhe përziejeni deri sa brumi të marrë formë rrumbullake.

Hiqeni brumin, mbulojeni me letër plastike dhe lëreni të vijë për 10 minuta.

Ndërkohë ndizeni furrën në 100°C.

Lyejeni tepsinë me yndyrë dhe lëreni mënjanë.

Brumin punojeni në sipërfaqen e pastër të banakut dhe më pas hapeni me petës dhe ndajeni në 12 ose 16 toptha.

Secilën prej topthave vendoseni kokëposhtë në tepsi duke lënë hapësirë nga njëri tjetri.

Sipërfaqen e tyre lyejeni me pak ujë që të mos thahen menjëherë në furrë.

Fikeni furrën dhe futeni tepsinë në furrë.

Lërini simitet të fryhen për 20 minuta dhe gjatë kësaj kohe mos e hapni furrën deri sa të kalojnë 20 minuta.

Hiqeni tepsinë dhe ndizeni furrën sërish, kësaj here në 200°C.

Piqini paninet për 18-22 minuta ose deri sa sipërfaqja e tyre të jetë e artë.

Në një tigan të vogël hidhni thelbinjtë e grirë të hudhrës dhe dy lugë gjelle me gjalpë.

Shtoni pjesën e mbetur të majdanozit, pak kripë dhe me këtë tretësirë lyeni sipërfaqen e simiteve, nue momentin kur sapo keni fikur furrën

Në mëngjes do të zgjoheni më të pushuar se kurrë më parë

Shpesh ndodh që të zgjohemi pa energji dhe me dhembje të shpinës, ndërkaq e gjithë kjo është për shkak të pozicionit të keq në të cilin flemë gjumë.

Mjekët pajtohen që mënyra në të cilën biem në gjumë të thellë të nesërmen mund ta ketë efektin. A do të zgjoheni plot energji apo me dhembje, varet nga pozita në të cilën flini gjumë.

Me metodën japoneze do të rilindni gjithë trupin dhe do të ndieni lehtësim të madh

Kur flemë gjumë në pozicion jo të drejtë, krijojmë presion në qafë dhe në shtyllën kurrizore, gjë që rezulton me dhembje gjatë ditës së nesërme, transmeton Telegrafi.

Fjetja gjumë në shtroja të forta, edhe pse është besuar se është e mirë, në të vërtet nuk mund ta eliminojë në afat të gjatë dhembjen, ka treguar hulumtimi.

Ideale do të ishte dysheku mesatarisht i fortë. Jastëku nuk do të duhej të ketë lartësinë më shumë se 12 centimetra, mirëpo më së miri do të ishte që të flini pa jastëk.

Gjithashtu, fjetja në pozicionin e fetusit, si edhe fjetja në stomak më së shumti ndikojnë në krijimin e dhembjeve të kurrizit.

Teknika japoneze nënkupton fjetjen në shpinë apo në krah.

Nëse zgjidhni të flini në shpinë, atëherë vendosni jastëkun nën gjunjë, në atë mënyrë arrihet pozicioni natyral i kurrizit dhe shmanget dhembja.

Belgjika u ka bërë thirrje qytetarëve të konsumojnë patate të skuqura franceze dy herë në javë, jo për të ndryshuar dietën ushqimore, por për të korrigjuar një humbje të mundshme ekonomike në një prej sektorëve më të rëndësishëm të vendit.

Si të gjitha shtetet e tjera europiane, Belgjika po vuan nga pandemia e koronavirusit dhe masat e marra janë të ngjashme me ato të Italisë, ndërsa pasojat ekonomike kanë filluar të ndjehen.

“Një humbje e paparë në historinë e një vendi që patatet e skuqura i ka kthyer në simbolin e ushqimit në rrugë“, shkruajnë mediat.

Belgjika, në lidhje me këtë krizë, ka ndërmarrë një fushatë të veçantë patriotike, duke i ftuar qytetarët të konsumojnë sa më shumë me qëllim për të kufizuar humbjen ekonomike në këtë sektor.

“Belgë, bëhuni atdhetarë, hani patate franceze të paktën dy herë në javë!”.

Belgjika është vendi i parë në botë për prodhimin e patateve të ngrira franceze.

Me mbylljen e të gjitha dyqaneve të ushqimit të shpejtë, restoranteve dhe me ngadalësimin e eksporteve, magazinat janë të mbushura plot, duke grumbulluar mbi 750 milionë patate që rrezikojnë të prishen përpara se ato të shiten.

Presidenti i shoqatës së fermerëve të patates Belgapom, Romain Cools u bëri thirrje qytetarëve të konsumojnë dy herë në javë patate me qëllimin për t’a shpëtuar këtë sektor nga kriza që e ka mbërthyer për shkak të pandemisë.

Ndërkaq, nga 750 mijë ton patate që ishte grumbulluar në magazinat e vendit, 90% e sasisë ishte destinuar për eksport.

Mësohet se as lehtësimi i masave me 11 maj, nuk do të arrijë dot të nxisë konsumimin e patateve franceze.

Shoqata tregtare ka menduar që një pjesë të prodhimit të saj t’a çojë tek supermarketet ushqimore, të cilat si në vendet e tjera, kanë marrë një rritje të kërkesave për mbështetje nga njerëzit në vështirësi ekonomike, ndërsa një pjesë tjetër t’a përpunojë për ushqim për kafshët.

Belgjika është një nga prodhuesit kryesorë në botë, ajo eksporton 80% të prodhimit të saj në formën e patateve të ngrira franceze.

Për shumicën e njerëzve të infektuar, virusi Covid-19 shkakton simptoma të ngjashme me ato të gripit të zakonshmë. Koronavirusi futet në organizmin e njeriut kur dikush afër nesh kollitet, teshtit apo kur prekim një sipërfaqe të kontaminuar dhe më pas e prekim hungën, gojën apo sytë.

Së pari, virusi i infekton qelizat e fytit, rrugët e frymëmarrjes dhe mushkëritë, duke i kthyer këto pjesë në “fabrika të virusit”, prej të cilave krijohen grupe të mëdha të viruseve të reja, të cilat më pas infektojnë më shumë qeliza.

Në këtë fazë, njerëzit mund të mos e vërejnë asnjë ndryshim në gjendjen e tyre dhe mund të mos shfaqin simptoma, shkruan “BBC”, transmeton Gazeta Express.

Periudha e inkubacionit, që e paraqet kohën mes infektimit dhe shfaqjes së simptomave të para, dallon në persona të ndryshëm, por mesatarisht është e gjatë pesë ditë, ndonëse mund të shkojë deri në dy javë.

Në fazën e mesme, personat e infektuar fillojnë të ndiejnë dhimbje në fyt, kokëdhimbje dhe dhimbje në trup. Pacientët përjetojnë rritje të temperaturës dhe kollitje.

Në fazën e mëvonshme, virusi shkakton inflamacion të mushkërive apo pneumoni. Disa njerëz kanë nevojë për ventilatorë që të marrin frymë, sepse vështirësohet ky proces. Në bazë të të dhënave nga Kina, në këtë fazë futen deri 14 për qind e personave të infektuar.

Në fazën kritike, infektimi mund të përfundojë me vdekje. Gjatë kësaj periudhe, sistemi imunitar del nga kontrolli, shtypja e gjakut bie shumë dhe disa organe nuk funksionojnë si duhet ose bllokohen plotësisht. Në këtë fazë përfshihen rreth 6 për qind e pacientëve.

Plakja është një proces natyral të cilin njeriu nuk e eviton dot. Megjithatë, njeriu dhe zgjedhjet e tij mund të ndikojnë në mënyrën e plakjes. Ushqyerja e keqe, duhanpirja, ekspozimi në diell dhe aktiviteti fizik luajnë një rol të fortë në jetëgjatësinë e njeriut, shkëlqimin e fytyrës së tij, plakjen e shëndetshme dhe funksionet e trurit.

Janë pikërisht zgjedhjet që bëjmë çdo ditë që mund të çojnë në degradimin e trurit. Sipas studimeve të cilave konfirmohet se të qenit mbipeshë ose obezë mund ta plakë trurin me të paktën 10 vjet. Ndaj nëse dëshironi të jetoni gjatë e të plakeni shëndetshëm kini kujdes nga këto gabime që mund të jeni duke bërë aktualisht.

Ngrënia E Mishit

Studimet kanë zbuluar një lidhje të fortë mes ngrënies së mishit dhe vdekjes së parakohshme. Ndërkohë, njerëzit që hanë më shumë fruta dhe perime kanë 15 përqind më pak gjasa të vdesin para kohe. Njerëzit që hanë mish janë më pak të prirur të hanë fruta dhe perime. Rrjedhimisht ata marrin më pak antioksidantë dhe ushqyes të vlefshëm.

Jeta Pasive

Të qëndruarit ulur për disa orë është shumë e rrezikshme. Të ulurit për të paktën 8 orë në ditë rrit rrezikun e vdekjes së parakohshme me 60 përqind. Ecja me një shpejtësi mesatare për të paktën një orë ul rrezikun e vdekjes së parakohshme me 40 përqind.

Ëmbëlsirat Dhe Të Gazuarat

Sipas të dhënave të AgroWeb.org, pijet e gazuara dhe ëmbëlsirat shkatërrojnë proteina të rëndësishme që janë përgjegjëse për paraqitjen rinore të lëkurës. Sheqernat nxisin inflamacionin që është vatra e shumë sëmundjeve të rrezikshme.

Çaji Jeshil

Çaji jeshil është i dobishëm në shkrirjen e yndyrnave të akumuluara dhe në përmirësimin e funksionit të mëlçisë. Pirja e rregullt e këtij çaji ndihmon në shmangien e vdekjes së parakohshme, ishemisë dhe sklerozës.

Drithërat E Bardha

Të gjithë drithërat me ngjyrë të bardhë nuk janë të pasur me fibër dhe ushqyes dhe në thelb janë një version ndryshe i sheqerit. Orizi i bardhë, buka e bardhë, makaronat, picat e të tjerë prishin ekuilibrat e baktereve në stomak. Për një jetë më të gjatë duhet të zgjidhni drithëra me ngjyrën dhe përmbajtjen e tyre të plotë e natyrale.

Gjumi

Gjumi është një përbërës kritik i të gjithë rimëkëmbjes së organizmit. Mungesa e tij shkakton mbipeshë, depresion, diabet të tipit 2, tension të lartë të gjakut dhe sëmundje të zemrës.
Shumë Pak Peshk

Peshqit janë ushqim i domosdoshëm për jetëgjatësinë. Ato janë të pasur me acide yndyrore omega-3 që luftojnë inflamacionin dhe mbrojnë trurin. Gabimi i mos të ngrënit peshk rregullisht 2 herë në javë, u kushton disa vite jetë.

Stresi, Alkoli Dhe Kafja

Sipas të dhënave stresi rrit nivelet e kortizolit që ngadalëson metabolizmin dhe nxit rritjen në peshë. Kafja nga ana tjetër ndërhyn jo vetëm në cilësinë e gjumit por edhe në kohëzgjatjen e tij. Pirja e tepërt e alkolit dhe e pijeve të tjerë të gazuar dëmton qelizat dhe zhbën punën e antioksidantëve.

Yndyrnat Dhe Të Skuqurat

Yndyrnat trans që gjenden tek margarina dhe produktet e skuqura e dehidratojnë lëkurën duke nxitur shfaqjen e rrudhave. Inflamacioni që shkaktojnë këto yndyrna nxit shfaqjen e sëmundjeve koronare dhe diabetit. Të skuqurat nga ana tjetër nxisin praninë e radikaleve të lira në organizën. Këto organizma janë fajtorë për plakjen jo të shëndetshme.

Ekspozimi Në Diell

Ekspozimi i lartë dhe i pambrojtur në diell nxit jo vetëm rrudhat por shkakton dëme të konsiderueshme në lëkurë dhe në paraqitjen tuaj Këshillohet të konsumoni sa më shumë fruta dhe perime të stinës për të përfituar maksimalsisht nga vlerat e tyre ushqyese dhe për të qëndruar të shëndetshëm gjithashtu.

Dhjetëra persona mbetën të vdekur e qindra të tjerë të lënduar nga tërmetet që e goditën Shqipërinë që nga orët e para të mëngjesit të 26 nëntorit.

Por, shumica e të mbijetuarve nga tërmeti humbën shtëpitë e tyre, duke bërë gjumë në tenda e në qiell të hapur, në këto ditë të ftohta të nëntorit.

E këta persona të cilët bartin me vete traumën, stresin e frikën, mund të rrezikohen nga disa sëmundje.

Duke theksuar se të ftohtit ndikon negativisht te shëndeti i njeriut, drejtoresha e Klinikës së Pulmologjisë në QKUK, Rukije Mehmeti, thotë se temperaturat ndikojnë edhe në uljen e imunitetit dhe paraqitjen e disa problemeve të tjera.

Mehmeti këshillon që këta persona të veshin rroba të trasha, duke treguar kështu se edhe çfarë ushqimesh të konsumojnë.

Ndërkaq, infektologu Izet Sadiku bën thirrje që të tregohet kujdes i veçantë në ushqim, të shikohet afati i përdorimit të tyre, në të kundërtën mund të preken nga ndonjë epidemi.

Fati i atyre që kanë mbetur pa kulm mbi kokë është ende i papërcaktuar.

Çka hani pas ushtrimeve mund ose të ju ndihmojë, ose të ua prish rezultatin tuaj

Jacueline Howart, autore e artikujve të shëndetësisë në CNN, ka treguar se çka saktësisht duhet të hamë pasi që kemi ushtruar.

Ajo tregon se ushqimet të cilat përmbajnë proteina dhe ushqyes apo “nutrition” si qumështi, djathi, vezët e ziera, arrat, etj, ju ndihmojnë të riktheni energjinë që e keni humbur në palestër.

Ushqimeve mund t’u shtoni proteina, varësisht çfarë i pëlqeni, qoftë edhe fruta dhe jogurt.

Nëse shqetësoheni apo edhe keni dhimbje të muskujve, mund t’u shtoni ushqimeve xhenxhefil, apo edhe të pini lëng bostani dhe lëng vishnje apo qershie.

Mjekët tani kanë rikthyer një zemër në jetë për ta transplantuar në një person që ka nevojë për një organ të ri, për herë të parë në SHBA.

Kirurgët e Universitetit Duka nxorën zemrën nga një dhurues i vdekur gjaku i të cilit tashmë kishte ndaluar të qarkullonte nëpër trup.

Më pas ata përdorën një teknikë pionierësh për të rikthyer gjakun në zemrën e shpërndarë, kështu që do të rrihte edhe një herë, një proces i dokumentuar në një video surrealiste, transmeton lajmi.net.

Zemra u transplantua me sukses në një marrës, një fitore që sugjeron shumë më tepër do të ketë të drejtë për dhurim në të ardhmen, pasi mjekët janë në gjendje ‘të mposhtin rrahjet e zemrës’ dhe ta mbajnë organin gjallë jashtë trupit.

Një zemër njeriu u transplantua për herë të parë në vitin 1967 në Afrikën e Jugut. Një vit më vonë, mjekët e Universitetit Stanford kryen transplantin e parë të tillë në SHBA.

Deri në vitin 2018, mbi 3.400 transplantime të zemrës janë kryer në të gjithë SHBA.

Transplantimet e zemrës janë tani relativisht të zakonshme, por ka një mungesë të vazhdueshme të organeve – zemra, si dhe të tjerët, si mëlçitë, mushkëritë dhe veshkat – në SHBA dhe në të gjithë botën.

Më pak se gjysma e amerikanëve – rreth 45 për qind – janë regjistruar si dhurues të organeve.

Shumë organe janë shumë të dëmtuara ose në kushte të dobëta që i bëjnë ato të papërdorshme.

Lista e pritjeve të transplantit në SHBA është mbi 100.000 dhe 20 vdesin çdo ditë duke pritur organe të reja.