Ilir Meta bën vizitën e tij të parë zyrtare në Berlin.

Gjatë një takimi me homologun e tij shqiptar Ilir Meta të enjten në Berlin, ministri i punëve të jashtme Guido Westerwelle ka nënvizuar shqetësimin e BE-së për shkak të bllokadës njëvjeçare të parlamentit shqiptar, bëhet e ditur në një deklaratë për shtyp e nxjerrë nga ministria e jashtme gjermane. „Qeverisë dhe opozitës i bëhet thirrje që sa më shpejt të gjejnë një zgjidhje të qendrueshme. Për perspektivën evropiane dhe vazhdimin e procesit të reformave është e domosdoshme që parlamentit të Shqipërisë t’i rikthehet veprueshmëria politike“, citohet të ketë thënë zëvendëskancelari gjerman.

  Nga Lezha kryetari i Partisë Socialiste Edi Rama ka deklaruar se rezultati i vetem qe pritet nga nje tryeze me kryeministrin Berisha eshte transparenca dhe kompromisi do te ofrohet vetem ne funksion te saj dhe asgjeje tjeter qe e pengon.

Sipas zotit Rama pergjegjesia e kryeministrit do te jete historike nese ai do te pengoje transparencen e zgjedhjeve te 28 qershorit.

“Përgjegjësia e kryeministrit do të jetë historike sepse pasojat për Shqipërinë do të jenë shumë të rënda. Boll harace i kanë paguar në të shkuarën, boll shqiptarët i kanë mbajtur në kurriz pasojat e keqqeverisjes në të shkuarën dhe boll janë plagët e të tashmes”, u shpreh Rama.

Berisha ka replikuar sërish në distancë me opozitën lidhur me treguesit ekonomikë të vendit dhe ka akuzuar kreun e bashkise se Tiranes, Edi Rama per shumfishim te pajustifikuar te taksave.

Madje ai ka kercenuar se Thesari do te zbatoje ligjin, duke bllokuar tepricat dhe i ka kerkuar ministrit te Financave Bode te mos u merret qytetareve asnje qindarke me teper se u takon te japin sipas ligjit, njofotn Shekulli.

Gjatë paradites deputetja socialiste, Mimi Kodheli u shpreh se “dyshja Berisha-Bode janë përgjegjës për rënien drastike të të ardhurave në buxhet, fundosjen e investimeve publike, dështimin spektakolar të Eurobondit, rritjen e frikshme të huamarrjes së brendshme, shumëfishimin e gjobave dhe kërcënimeve ndaj biznesit”.

Duke folur në mbledhjen e deputetëve demokratë, Berisha theksoi se opozita flet për borxhin, ndërsa deklaroi se qeveria e ka gjetur borxhin në nivelin 72 përqind të prodhimit të brendshëm dhe sot është 59 përqind.

Kryeministri përmendi edhe reformat ekonomike në mbledhjen e grupit, duke theksuar se rritja e re ekonomike është më e madhe së në vitin 2009.

Sërish Berisha përmendi rritjen e pagave dhe pensioneve në 1 korrik, shtesë që e kalon 2 deri në 7 herë inflacionin.

	BE parajmëron se mosarritja e marrëveshjes rrezikon integrimin

Ndërkohë në terren pavarësisht disa deklaratave me tone të larta, palët po japin shenja bashkëpunimi.

Lajmi është bërë i ditur nga mediat shqiptare, të cilat i referohen më së shumti burimeve nga Brukseli, por edhe nga selitë e partive në Tiranë.

Sipas tyre, një takim i grupit të partive popullore europiane dhe atij të partive socialiste europiane ka konkluduar me një draft marrëveshje që duhet të firmoset nga dy krerët e politikës shqiptare, Rama dhe Berisha.

Në thelb të saj është formula tashme e njohur e hapjes së kutive të materialeve zgjedhore, kontestimi në Gjykatën Kushtetuese të Shqipërisë dhe ndihma në Komisionin e Venecias.

Zbardhet takimi në PE. Konfirmohet drafti dhe ultimatumi

Bashkimi Europian jo vetëm ka rënë dakord për një draft për krizën shqiptare, por ka bërë gati një ultimatum të qartë dhe të fortë që i bën të ditur Tiranës zyrtare se nëse nuk zgjidhet kriza politike atëherë do të ngrihen të gjitha marrëdhëniet e Shqipërisë me Bashkimin Europian, pra liberalizimi i vizave dhe statusi i vendit kandidat. Këtë e bën të ditur në një korrespondencë të sajën, gazetarja e “Top Channel” nga Brukseli, Arta Tozaj. Kështu është konfirmuar mbajtja e takimit mes grupit të Partive Popullore Europiane dhe grupit të Partisë Socialiste Europiane për krizën politike në Shqipëri, siç është publikuar në numrin e djeshëm të “Shqipit”. Nënkryetari i delegacionit të Parlamentit Europian për Ballkanin, rumuni Victor Boshtinaru, tregon se pritet telefonata për Berishën dhe Ramën për datën dhe vendin e takimit në Bruksel apo Strasburg. Burime të besueshme theksojnë se gjithçka vërtitet prej 14-17 qershorit, përkatësisht javën e ardhshme.

Një gomone me 35 emigrantë që dyshohet se janë nisur nga brigjet shqiptare është kapur sot nga Guardia di Financa. Gomonia është identifikuar sot në mëngjes 10 milje larg në jug të brigjeve të Santa Maria di Leuca në Lece. Referuar ANSA-s mësojmë se skafisti është shtetas shqiptar.

Mjeti detar është ndaluar në kuadër të mbrojtjes së brigjeve salentine për të ndaluar trafikun ilegal. Media italiane thotë se skafisti shqiptar është ndaluar pasi është vënë në ndjekje nga policia. Klandestinët ishin të kombësisë pakistaneze, iraniane dhe afgane pasi janë zbarkuar në anijet e Guardia di Financës janë dërguar në kazermë për të bërë modalitetet e identifikimit.

Artan Mullaj-Duket se shpërthimi ende i pabërë, “i dashurisë” mes Berishës dhe Metës, ka gjasa të mos ndodhë asnjëherë… Të dy palët e koalicionit që sot qeveris Shqipërinë, nuk ndiejnë aq magjisht njëra për tjetrën sa të bëjnë marrëzira, por ato e kanë kuptuar dobinë e sakrificave të mëdha që duhet të bëjnë për të siguruar në aventurën e tyre, një ardhmëri të qetë, të gjatë dhe të pushtetshme.

Prandaj, edhe Meta, edhe Berisha, si ai çifti që zgjedh të bashkëjetojë edhe për hir të fëmijëve, paraqiten sot natyrshëm në publik, si familjarë të konsoliduar. Ka edhe një arsye tjetër që e bën të domosdoshëm kujdesin e ndërsjellë të liderëve për dashurinë artificiale që kanë. Kjo arsye nuk ka lidhje me merakun e tyre të shtirur për integrimin e vendit dhe as me pasurimin e tyre të shpejtë, çka është një ngjarje rutinë tashmë për ata dhe për të tjerët: të dy krerët po investojnë moralitet të ri dhe ndjeshmëri të re në mblesërinë e tyre, kryesisht për të sfiduar pa mëshirë kundërshtarin e tyre, kryetarin e fuqizuar sërish të Bashkisë së Tiranës.

Kryeministri i Shqipërisë, Sali Berisha sërish ka theksuar se ish- njeriu i fundit i nomeklaturës komuniste, Ramiz Alia, duhet të japë llogari për masakrën e 5 mijë të rinjve në Tivarë.

Kreu i qeverisë shqiptare kërkoi nga Kuvendit ngritjen e një komisioni hetimor, për zbardhjen e ngjarjes së rëndë.

Andrea Stefani

Tentativa e shumicës berishiste për të dhunuar fshehtësinë e votës së deputetëve është një praktikë neokomuniste e tipit enverian, me anë të së cilës, Kryeministri Berisha gjakon të kontrollojë deri edhe vullnetet e përfaqësuesve të popullit. A i mbani mend fotot e deputetëve të Kuvendit Popullor që (me gjestin e nxënësit që kërkon të ngrihet në mësim) votonin me bërryl të ngulur në tryezë dhe dorën lart? Të gjithë, në të njëjtin pozicion, votonin hapur, në mënyrë “transparente”, në unitet të plotë me Partinë dhe Enverin. Nuk votonin fshehtazi.