Trump është në një vizitë zyrtare në Londër, për të festuar 70-vjeotrin e Aleancës së Atlantikut të Veriut.

Ai tha se NATO i ka shërbyer një qëllimi madhor, dhe se komentet e Makronit kanë qenë vërtet fyese.

Ai shtoi gjithashtu se nuk i dukej e papërfytyrueshme që Franca të shkëputej nga NATO-ja, por nuk e shpjegonte dot se pse.

Megjithatë, Trump i zbuti tonet kur doli në një konferencë të përbashkët me Makronin, dhe tha se të dy vendet kanë bërë shumë gjëra të mira së bashku, si partnerë.

Makroni e pranoi që komentet e tij në lidhje me NATO-n kanë tronditur shumë njerëz, por tha se ai vazhdon t’i qëndrojë asaj që ka thënë.

Lideri i Partisë Liberal Demokratike të Serbisë (LDP), Çedomir Jovanoviq e ka porositur sot presidentin e Serbisë, Aleksandar Vuçiq,  që për zgjidhjen e çështjes së Kosovës të jetë i tillë çfarë nuk ishin të gjithë të tjerët para tij, përkundër të gjitha kufizimeve dhe të gjitha gabimeve, “sepse ne kemi nevojë për paqe, e jo për territore”.

“Ne nuk kemi më kohë. Duhet të vazhdoni negociatat”, tha Jovanoviq, në mbledhjen e Kuvendit të Serbisë, në të cilën Presidenti i Serbisë, raportoi për çështjen e Kosovës.

Siç raportojnë mediat serbe, përcjell Telegrafi, Jovanoviq potencoi se në përpjekjet e tij për të gjetur një zgjidhje për Kosovën, Vuçiqi është krejtësisht i vetëm.

“Do të doja që në Kishë të gjesh diçka që mund të sillte paqe tek populli ynë i egërsuar, por nuk ka të tillë. Do të doja ta gjeni edhe në Akademi të Shkencave, ku ka njerëz të guximshëm, por as atje nuk do ta gjeni”, tha ai.

Theresa May njoftoi sot dorëheqjen nga posti i kryeministres.

Kryeministrja britanike do të largohet nga posti i saj si lidere e konservatorëve më datë 7 Qershor, duke i hapur kështu rrugën një kryeministri të ri.

Në një deklaratë të bërë para Downing Street, May tha se kishte bërë më të mirën për të respektuar rezultatet e referendumit të 2016-s.

Mej u detyrua të japë dorëheqjen pasi Parlamenti Britanik ka refuzuar tri herë projektin e marrëveshjes me Bashkimin Europian mbi daljen e Londrës.

Ajo shtoi se largohet me keqardhje të madhe që mundi ta çonte deri në fund Brexit-in.

“Ka qenë nderi më i madh i jetës sime që të shërbej si kryeministrja e dytë femër”, tha Mej e përlotur. “Por sigurisht që s’do të jem e fundit.”

Shtetet e Bashkuara u dhanë ultimatum Turqisë: Nëse blen sistemin rus të raketave S- 400, atëherë Uashingtoni do të vendosë sanksione kundër saj.Ankaraja kërkon të mbrojë hapësirën e vet ajrore me një sistem rus raketash, ndërsa Uashingtoni pretendon që si vend partner i NATO-s, Turqia të blejë sistemin amerikan të mbrojtjes, Patriot.

Lajmin e ultimatumit e përcolli televizioni CNBC. Ankaraja ka dy javë kohë për të hequr dorë nga blerja e raketave ajrore ruse, përndryshe do të përballet me masa te ashpra. Uashingtoni kërcënon po ashtu që t’ i refuzojë Turqisë furnizimin e avionëve luftarakë F 35.

Qeveria amerikane ka ushtruar prej muajsh tashme presion mbi qeverinë turke. Presidenti Donald Trump ka kritikuar blerjen e sistemit rus S- 400 të mbrojtjes ajrore, ndërsa sekretari i shtetit Mike Pompeo e kishte përmendur hapur mundësinë e sanksioneve. Ankaraja megjithatë nuk ndryshoi qëndrim.

Ministri turk i Mbrojtjes, Hulusi Akar njoftoi këtë javë se ushtarët turq ndodhen tashmë në Rusi për të mësuar për përdorimin e S- 400. Në qershor ose në korrik sistemi do i dorëzohet Turqisë dhe në vjeshtë do të instalohet. Por nga ana tjetër, sanksionet amerikane mund ta godasin fort Turqinë. Që nga viti i kaluar Turqia ndodhet në krizë serioze ekonomike dhe monetare, ndërsa inflacioni dhe papunësia e kanë rënduar shumë popullsinë.

E djathta ekstreme dhe grupet anti Bashkimit Evropian kanë përdorur rrjetin social Facebook për të shpërndarë mesazhet e tyre dezinformuese para zgjedhjeve për Parlamentin Evropian, thotë grupi që përcjell fushatat elektorale në Evropë Avaaz.

Grupi thotë që hetimi i tyre ka identifikuar përmbi 500 faqe të dyshimta dhe grupe të Facebook’ut në Francë, Gjermani, Itali, Poloni, Spanjë dhe Britani të Madhe. Llogari të rreme ishin përdorur gjithashtu për të shpërndarë postimet sa më shumë.

Përmbajtjet e këtyre postimeve janë parë 533 miliona herë gjatë këtyre tre muajve, thotë Avaaz. Këto kanë përfshirë imazhe me përmbajtje të doktrinave të tyre, lajme të rreme, postime që promovonin nacionalzmin, faqe që mbështetënin individë të caktuar dhe grupe që nxisnin dhunën ndaj myslimanëve.

Disa nga këto postime, të cilat përfshinin edhe simbole të lidhura me nazismin në Gjermani janë të paligjshme.

Avaaz i ka ndarë të gjeturat me Facebook’un, të cilët kanë reagur duke fshirë disa nga këto llogari.

‘’Ne kemi larguar disa nga këto llogari të rreme dhe të duplikuara që po shkelnin politikat tona. Ne gjithashtu kemi marrë aksione kundër disa faqeve që vazhdimisht kanë postuar informata të rreme”, ka thënë një zëdhënës i Facebook për CNN.

Më shumë se 350 milionë njerëz nga 28 vende anëtare të Bashkimit Evropian do të votojnë në zgjedhjet e Parlamentit Evropian.

Euroskeptikët dhe partitë e së djathtës pritet që të tregojnë sukses këto zgjedhje. Sondazhet kanë treguar që këto parti mund të fitojnë së paku 35% të ulësve në këto zgjedhje.

Avaaz thotë që faqet me lajme të rreme ishin ndjekur nga së paku 32 milionë njerëz, shumë më shumë se faqet zyrtare të partive të së djathtës ekstreme.

Zv/komandanti i Gardës Revolucionare Iraniane Mohammad Saleh Jokar ka paralajmëruar se flota amerikane në Gjirin Persik është brenda rrezes së veprimit të raketave me rreze të shkurtër të Teheranit.

Jokar tha se SHBA-të nuk mund ta përballojnë një luftë të re në rajon. “Edhe raketat tona me rreze të shkurtër mund të arrijnë lehtësisht luftanijet amerikane në Gjirin Persik”, tha ai, i cituar nga agjencia iraniane e lajmeve “Fars”.

Kjo deklaratë përbën përshkallëzimin e fundit në luftën e fjalëve mes dy vendeve teksa tensionet mes tyre janë rritur pas sanksioneve dhe presionit politik të SHBA-së, sëbashku me rritjen e prezencës së trupave amerikane në rajon.

“Irani nuk po përpiqet të hapë konflikt në rajon, por gjithmonë i ka mbrojtur fuqishëm interesat e tij dhe do të vazhdojë të bëjë të njëjtën gjë”, tha të enjten ministri iranian i Punëve të Jashtme, Mohammad Javad Zarif.

Luftanijet amerikane USS Gonzalez dhe USS McFaul iu bashkuan sëfundmi luftanijes USS Abraham Lincoln në brigjet e Omanit, duke rritur shqetësimet në Teheran.

Me simbole e fjalime nacionaliste serbomëdha, në Hërtkovci, fshat në Vojvodinë nga i cili janë dëbuar me dhunë kroatët, është mbajtur Kongresi i dhjetë i Partisë Radikale serbe, njofton b92.

Në Kongres, kryetar i radikalëve sërish është zgjedhur Vojislav Shesheli, i njohur me qëndrimet e tij antishqiptare dhe dikur bashkëpunëtor i afërt i diktatorit Slobodan Milosheviq.

Tubimi më i lartë i radikalëve serbë filloi me ekzekutimin e himneve të Serbisë e të Rusisë.

Para fillimit u kënduan këngët “Ko to kaže, ko to laže Srbija je mala”, “Sprem’te se, sprem’te”, (Kush po thotë, kush po gënjen që Serbia është vogël, Përgatituni, përgatituni), me të cilat ushtria, policia dhe forcat paramilitare serbe shkonin nëpër luftërat pushtuese nëpër ish-Jugosllavi e edhe në Kosovë.

Presidenti i Shteteve të Bashkuara të Amerikës, Donald Trump, ka kërkuar në mënyrë të drejtpërdrejtë nga ushtria e Venezuelës që ta përkrahë udhëheqësin e opozitës, Juan Guaido, dhe e ka bërë kërcënimin më të qartë deri tash nëse ushtria vazhdon ta mbajë anën e Nicolas Maduros.

“Nuk do të gjeni asnjë liman të sigurt, asnjë dalje të lehtë dhe asnjë zgjidhje. Do t’i humbni të gjitha. Ne kërkojmë tranzicion paqësor të pushtetit, por të gjitha opcionet janë të hapura”, tha Trump gjatë një fjalimi në Unversitetin Ndërkombëtar të Floridas në Miami, ku ishin vendosur dy flamuj të mëdhënj amerikan dhe venezuelas.

Në anën tjetër, përmes një paraqitjeje në televizionin shtetëror, Maduro e ka akuzuar Trumpin për gjuhën e përdorur. Sipas tij, gjuha e presidentit amerikan është pothuajse e njëjtë me gjuhën e nazistëve dhe se ai po mendon që mund ta urdhërojë ushtrinë e Venezuelës. “Kush është komandat i forcave të armatosura? Donald Trumpi nga Miami”, tha Maduro, duke shtuar se amerikanët po mendojnë se ata janë pronarë të Venezuelës.

Gjatë fjalimit në Universitetin e Floridas, presidenti amerikan tha se e vlerëson vendosmërinë e miliona banorëve të Venezuelës, patriotizmin e kuvendit kombëtar dhe guximin e jashtëzakonshëm të presidentit të përkohshëm, Juan Guaido. Sipas tij, populli i Venezuelës është ngritur për të kërkuar liri dhe demokraci dhe se Amerika është në anën e tyre, shkruan “The Guardian”, transmeton Gazeta Express.

Një Gjykatë në Francë refuzoi të ndalojë shfaqjen nëpër kinematë e vendit të një filmi që ndërlidhet me skandalet seksuale të Kishës Katolike.

Filmi “Grace a Dieu” i regjisorit francez Francois Ozon, fitoi çmimin kryesor në Festivalin e Filmit në Berlin.

Filmi portretizon priftin Bernard Preynat, i cili ka qenë i akuzuar për ngacmimin e dhjetra djemve gjatë viteve 1980 dhe 90-të.

Avokatët e Preynat thonë se filmi paraqet akuzat kundër klientit të tyre si fakte dhe se duhet të bllokohet sepse nuk respekton prezumimin e pafajësisë.

Sulmi i kryer nga grupi xhihadist, Boko Haram në qytetin Ran të Nigerisë, shkaktoi vdekjen e 60 personave, njoftoi “Amnesty International”, që kreu një hetim.

“Sulmi më i përgjakshëm i Boko Haram në Ran, qytet në verilindje të Nigerisë, shkaktoi vdekjen e të paktën 60 personave”, theksoi kjo organizatë e mbrojtjes së të drejtave të njeriut.

Sulmi është kryer të hënën e kësaj jave, por nuk ka pasur informata të plota për numrin e viktimave .

Nga ana tjetër rreth 30000 persona janë arratisur në drejtim të Kamerunit, për t’i shpëtuar këtij grupi xhihadist që kontrollon këtë zonë.