Arkivi Zëripress 2010

Publikuar: 12 Qershor 2010

Adnan Aliti duke bërë intervistë me Nijazi Muhamti (Kliko për shikuar intervistën për RTVZIK) Intervistë me Nijazi Muhametin,autorin e librit \”Maqedonia Shqiptare\”

Në disa qytete dhe shtete amerikane ka vazhduar karvani i promovimit të librit të mirënjohur “Maqedonia Shqiptare”, një enciklopedi me dëshmi dhe materiale faktike historike të bashkërenduar dhe të publikuar nga publicisti Nijazi Muhamedi.

Rrugëtimi i Muhamedit nga Tetova drejt SHBA-ve ishte tejet impresionues, sidomos pritja madhështore dhe pranimi me shumë ngrohtësi dhe interes të lartë të veprës “Maqedonia Shqiptare”. Muhamedi ka arritur që të shpalos përmbajtjen e kësaj vepre, e cila ishte publikuar me ndihmën e bashkautorëve të tjerë dhe me promocionin e bujshëm të agjencisë së lajmeve INA dhe gazetës “24 orë”.

Publikuar: 12 Qershor 2010

Prishtinë, 12 qershor – Policia e EULEX-it dhe ajo e Kosovës ende nuk kanë kurrfarë informacioni për veprimtarinë e Dragisha Antiqit, pjesëtar i Ministrisë së Punëve të Brendshme të Serbisë, i cili ka ikur nga policia, derisa këta të fundit po tentonin ta ndalonin të mërkurën mbrëma në Mitrovicë. EULEX-i, që ka të nënshkruar edhe protokoll policor për bashkëpunim me Serbinë, nuk ka dashur të komentojë asgjë, me arsyetimin se ende nuk kanë asnjë informacion nga Policia e Kosovës, edhe pse distinktivi dhe dokumente të tjera të tij janë publikuar në “Kohën Ditore”.
Sipas koordinatorit të Qeverisë për veriun e Kosovës, Ylber Hysa, EULEX-i dhe KFOR-i, të cilët kanë përgjegjësinë e plotë në veri, nuk duhet të qëndrojnë aspak indiferentë ndaj këtij akti.

Publikuar: 12 Qershor 2010

Presidenti i Kosovës, Fatmir Sejdiu, thotë në një intervistë për Zërin e Amerikës se Kosova ka shënuar përparime të mëdha që nga hyrja e forcave të NATO-s në qershor të vitit 1999. Por, në rrugën e shtet ndërtimit, thotë ai, ka ende punë për të bërë, posaçërisht në fushën e sundimit të ligjit. Në intervistën dhënë korrespondentit tonë në Prishtinë, Besim Abazi, presidenti Sejdiu shpreh besimin se lufta kundër korrupsionit do të shkojë deri në fund, ndërsa tërheq vërejtjen se krimi ekonomik në veriun e Kosovës zhvillohet në bashkëpunim të ngushtë serbo-shqiptar.

Zëri i Amerikës: Zoti President. Kosova po shënon 11 vjetorin e çlirimit, përkatësisht 11 vjetorin e hyrjes së trupave të NATO-s me çka ju dha fund luftës gati dyvjeçare në Kosovë. Po t’i hidhni një vështrim kësaj periudhe, si do t’i vlerësonit zhvillimet e këtyre 11 viteve.

Publikuar: 12 Qershor 2010


	BE parajmëron se mosarritja e marrëveshjes rrezikon integrimin

Një draft për arritjen e marrëveshjes u është paraqitur palëve për miratim, ndërsa në të kundërt paralajmërohet se proceset integruese të Shqipërisë do të kenë pasoja.

Ndërkohë në terren pavarësisht disa deklaratave me tone të larta, palët po japin shenja bashkëpunimi.

Lajmi është bërë i ditur nga mediat shqiptare, të cilat i referohen më së shumti burimeve nga Brukseli, por edhe nga selitë e partive në Tiranë.

Sipas tyre, një takim i grupit të partive popullore europiane dhe atij të partive socialiste europiane ka konkluduar me një draft marrëveshje që duhet të firmoset nga dy krerët e politikës shqiptare, Rama dhe Berisha.

Në thelb të saj është formula tashme e njohur e hapjes së kutive të materialeve zgjedhore, kontestimi në Gjykatën Kushtetuese të Shqipërisë dhe ndihma në Komisionin e Venecias.

Publikuar: 12 Qershor 2010

Kirgistani kërkon ndihmë nga Rusia

Qeveria e përkohëshme e Kirgistanit ka kërkuar ndihmën e Rusisë në mënyrë që ti japë fund dhunës në qytetin e Oshit.

‘Kemi nevojë për ndihmën e forcave të armatosura nga jashtë në mënyrë që të qetësojmë situatën në vend’, tha udhëheqësja e përkohëshme Roza Otunbayeva.

Në një deklaratë zonja Otunbayeva tha se i kishte dërguar një letër presidentit rus Dmitry Medvedev duke i kërkuar atij të dërgonte përforcime ushtarake.

Ajo e përshkroi situatën në Osh si të dalë “jashtë kontrollit”.

Mijëra persona me prejardhje nga Uzbekistani të cilët jetojnë në qytetin e Oshit, po largohen pasi lufta mes kirgistanezëve dhe uzbekëve vazhdon për dy ditë rresht.

Publikuar: 12 Qershor 2010

Paqeruajtësit e KFOR-it në Kosovë.

Edona Peci

Hyrja e trupave të NATO-s në Kosovë dhe largimi i trupave ushtarake serbe nga territori i vendit cilësohet si “moment historik” nga liderët kosovarë, ndërsa legaliteti i vendimit për angazhimin e KFOR-it në Kosovë, edhe 11 vjet pas, mbetet temë e diskutueshme në Beograd.
Trupat e KFOR-it, që në vitin 1999 numëronin diku 50 mijë ushtarë nga vendet anëtare dhe joanëtare të NATO-s, që nga ajo kohë kanë kaluar nëpër disa faza reduktimi.

Në vitin 2002, numri i pjesëtarëve të KFOR-it u reduktua në 39 mijë, për të vazhduar në fazën e dytë të reduktimit në qershor të 2003-ës në 26 mijë, ndërsa në fund të po atij viti në Kosovë mbetën 17.500 ushtarë.

Aktualisht, në Kosovë janë të angazhuar më pak se 10 mijë ushtarë të KFOR-it, formacion ky që nga ushtarakë të lartë në NATO është paralajmëruar të pësojë reduktime të mëtejme në 5000 e më pak ushtarë.

Publikuar: 12 Qershor 2010

Statuja të tjera grandioze janë vendosur në anën e majtë të Urës së Gurit dhe lumit Vardar, e cila lidhet me Çarshinë e Vjetër në Shkup.

Statujat e vendosura të rilindasëve sllav Shën Kirili dhe Metodi dhe Shën Klimenti dhe Naum Ohridski janë pjesë e projektit “Shkupi 2014”.

Të dy statujat janë të shkrira në bronz të cilët kanë një çmim prej mbi 1 milion euro, të punuara nga agjencia italiane për arte Frokaro Arte Viçenca.

Publikuar: 12 Qershor 2010

Lideri i Lëvizjes ‘Vetëvendosje’, Albin Kurti është arrestuar para disa minutash nga Policia e Kosovës. Kurti, pak orë më parë në një konferencë për shtyp, ka njoftuar se do të marrë pjesë në zgjedhjet parlamentare.

Lajmin për arrestimin e Albin Kurtit e kanë bërë të ditur përfaqësues të kësaj lëvizjeje, të cilët kanë thënë se së bashku me Alin Kurtin janë arrestuar edhe disa aktivistë të tjerë.

Kurti u arrestua në selinë e Vetëvendosjes.

Publikuar: 11 Qershor 2010

Komunat vazhdojnë të zhyten në krizë dhe të punojnë me arka të zbrazëta ndërkohë që nuk kanë ndihmuar as masat anti-krizë të pushtetit qendror

Fitim KRYEZIU

Masat anti-krizë të miratuara nga Qeveria e Maqedonisë nuk kanë nxitur biznesmenët të investojnë në sektorin e ndërtimtarisë, gjë që do të kishte mbushur arkën e komunave nga të ardhurat që gjenerojnë pagesat e taksave komunale. Menaxhimi i tokës ndërtimore, thjeshtësimi i procedurave për ndërtim, lehtësimi i procedurës për thithjen e investitorëve nëpër komuna, janë vetëm disa nga masat anti-krizë, të cilat i ka marrë Qeveria e vendit për t’u dalë në ndihmë komunave që të shpëtojnë nga kolapsi financiar. Por, çdo lloj mase anti-krizë, e cila hartohet apo promovohet nga Qeveria, shihet me shumë skepticizëm nga ana e drejtuesve të komunave sepse, sipas tyre, deri më tani të gjitha masat e deritanishme të promovuara kanë qenë vetëm gënjeshtra dhe demagogji të hartuara nga Qeveria aktuale.

Publikuar: 11 Qershor 2010

As në Kabinetin e kryeministrit Gruevski, e as nga Kabineti i Ivanovit nuk dëshirojnë të komentojnë arsyet e vizitës së tij përveç arsyetimit se takimi ka qenë joformal dhe pa ndonjë agjendë të përcaktuar. Që ironia të jetë më e madhe për blic-vizitën e Tadiqit nuk janë informuar as partitë politike shqiptare. Kanë reaguar edhe analistët shqiptarë

Bekim MURATI

Vizita e papritur e Presidentit serb, Boris Tadiq në Shkup dhe takimi me Presidentin Gjorge Ivanov dhe kryeministrin Nikolla Gruevski, ka hapur dilema. Të gjitha informacionet çojnë në atë se Tadiq ka hyrë në lëkurën e ndërmjetësit Metju Nimic për kontestin e emrit me Athinën. Por pyetja që lind është nëse Presidentit serb ka kredibilitet të ndihmojë në kontestin që ka shteti me Athinën, kur merren parasysh problemet e brendshme që ka ky shtet në oborrin e vet.

Page 51 of 74

Prev
1
…
48
49
50
51
52
53
54
…
74
Next