Author: admin

Tërmeti i 21 shtatorit dhe 26 nëntorit, eksperti: Nuk do ketë të tretë

Published: 3 december 2019

Profesori i njohur, Shyqyri Aliaj garanton se nuk do të ketë një tërmet të tretë të ngjashëm me tërmetin e 21 shtatorit dhe me atë të 26 nëntorit, ndërsa jep edhe faktet shkencore ku bazohet në këtë konkluzion të tij.

Sizmologu thotë se të gjitha pasgoditjet që pasuan tërmetin e madh të 26 nëntorit po shkojnë drejt shuarjes.

“Jo nuk do të ndodhë një i tretë! Çdo tërmet ka një zonë vatre, ka volum, ka shtrirje… Vatrat e vendit tonë janë vatra në koren e tokës që shkojnë nga 50 deri në 70 km. Vatra e tërmetit të fundit ishte me shtrirje të vogël, 40 km nga Durrësi deri në Gjirin e Drinit. Në këtë segment 40 km do kohë që të përpunohet e gjitha. Pra këto pasgoditje që kanë ndodhur këto ditë kanë ardhur pasi po përpunohet vatra. Tashmë pasgoditjet po shkojnë drejt shuarjes. Aktiviteti sizmik po shuhet. Në ditët në vijim Tirana nuk duhet të shqetësohet. Pasgoditjet mund të ndjehen pak në zonat bregdetare. Në ditët në vijim këto do të rrallohen, mund të jetë ndonjë me magnitudë më pak se 4, por më të mëdha nuk do të ketë.

Është një zonë që akumulon energji dhe vjen koha që një energji e akumuluar që bëhet aq e madhe që është në mes dy pllakave afrikane me pllakën europiane. Kur përplasen këto pllaka, pllaka afrikane zhytet futet poshtë pllakës euroaziatike, e saldojnë shkëmbin dhe gjenerohet tërmeti. Është një lëvizje e kontinenteve. Ky ndërveprim gjeneron tërmete në ultësirën perëndimore të Shqipërisë”, është shprehur Shyqyri Aliaj.

Hoteli u shemb me eksploziv, pronari kishte planifikuar të shtonte kate

Published: 3 december 2019

Në Durrës, ditën e sotme u shemb me eksploziv një objekt 6-katesh, pasi kolonat u shkatërruan nga tërmeti që ra ditën e martë.

Por në momentin që u shemb me eksploziv doli në dritë një tjetër fakt.

Pronari i hotel “Gostivari” kishte lënë fijet e hekurit të kolonave duke planifikuar që shtesa e kateve të vijonte.

Pallatet që u shembën në Durrës nga tërmeti erdhën si pasojë e faktit që kishin shtesa katesh të planifikuara, teksa fillimisht godinat ishin ndërtuar me llogari për dy apo tre kate po me kalimin e viteve shtesat vijuan, duke kaluar edhe parashikimet e si pasojë nga lëkundja e tërmetit u rrëzuan.

Hoteli në momentin e shembjes me tritol
Hoteli në momentin e shembjes me tritol

Konjufca: Koalicioni nuk u bë sepse LDK’ja e kushtëzoi marrëveshjen me postin e presidentit

Published: 3 december 2019

Nënkryetari i Lëvizjes Vetëvendosje, Glauk Konjufca, në emisionin Pressing të T7, ka thënë se marrëveshja e koalicionit mes Lëvizjes Vetëvendosje dhe Lidhjes Demokratike të Kosovës nuk ndodhi sepse kjo e fundit e kushtëzoi marrëveshjen me postin e presidentit.

“Marrëveshja për koalicion nuk u lidh sepse Lidhja Demokratike e Kosovës e kushtëzoi marrëveshjen me pozitën e Presidentit”, është shprehur Konjufca në Pressing.

Tutje, Konjufca tha se VV’ja nuk e priste këtë kushtëzim.

“Ne nuk e kemi pritur këtë gjë sepse siç e dini ju, këto zgjedhje kanë qenë zgjedhje parlamentare dhe pas konstituimit del qeveria nga Kuvendi dhe pozita e presidentit është diçka krejt tjetër”, ka thënë Konjufca.

“Pozita e presidentit është krejtësisht e pavarur”, shtoi Konjufca.

Bebe Rexha:Jam lindur në New York por zemra ime ka gjak shqiptari

Published: 3 december 2019

Bebe Rexha ka arritur në Shqipëri për të ndihmuar nga afër të prekurit nga tërmetet.

Këngëtarja me famë botërore, Bebe Rexha, ka arritur në Shqipëri sot dhe ka folur për herë të parë pas ardhjes nga Amerika.

“Nuk jam e lumtur që kam ardhur në Shqipëri në këto rrethana por jam e lumtur që mund t’i ndihmoj njerëzit e mi. Kjo është shumë me rëndësi për mua”, ka thënë Bebe për T7 sapo ka arritur.

“Kur i kam dëgjuar lajmet, zemra më është thyer pasi që unë jam shqiptare, babai im është shqiptar dhe është shumë me rëndësi për mua që të mbështesë vendin prej nga jam”.

Bebe ka treguar edhe cilët janë planet e saj për të mbështetur të prekurit nga tërmetet.

Ajo thotë: “Plani im kryesor është që të vetëdijësoj njerëzit në gjithë botën për atë se çfarë ka ndodhur, mendoj se kjo është shumë me rëndësi. Gjithashtu kam mbledhur para me disa nga fansat e mi dhe qëllimi im është që të ndërtoj disa shtëpi dhe të ndihmoj disa njerëz. Pra, të jem pjesë e gjithë procesit, të siguroj që paratë po shkojnë në vendin e duhur derisa njerëzit kanë shtëpi në të cilat mund të jetojnë”.

Në fund këngëtarja ka thënë se ndihet shumë krenare dhe falëndreuese për Kosovën, pasi ata kanë ndihmuar shumë dhe ishte diçka shumë e bukur në gjthë këtë tragjedi, të shikojmë se si ata kanë hapur duart për shqiptarët.

Ajo gjithashtu shton se, megjithëse është lindur në New York, zerma e saj ka gjak shqiptar dhe gjithmonë do të mbështesë njerëzit e saj, pa marrë parasysh ku gjendet./Gazeta Express/

Fondacioni i hapur nga Bebe Rexha,After the earthquake, Help Albania

Macron sulmon Turqinë : Ata bashkëpunojnë me ndërmjetës të ISIS’it

Published: 3 december 2019

Presidenti i Francës, Emmanuel Macron, ende vazhdon të jetë i mendimit se NATO ende është në gjendje të ‘vdekjes klinike’. Veçoi ndaras Turqinë si anëtare të aleancës që bashkëpunon nganjëherë me ndërmjetës të ISIS.

Ai kështu deklaroi duke zhgënjyer anëtarët e aleancës në prag të nisjes së samitit të NATO’s në Londër. Ky samit shënon 70 vjetorin e aleancës veri atlantike.

“Ende ashtu mendoj”, tha Macorn në konferencën e përbashkët për gazetarë me Presidentin Amerikan, Donald Trump, që ishte i pakënaqur me deklaratat e muajit kaluar të presidentit francez për ‘vdekje truri’’.

Presidenti i Francës sot tha se Turqia nganjëherë bashkëpunon me ndërmjetësit e radikalëve islamik ISIS dhe shtoi se ende ia zë për të madhe Turqisë pasi lufton kundër kurdëve në veri të Sirisë, pasi që ata luftuan kundër xhihadistëve.

“Turqia lufton kundër atyre që luftuan krah nesh. E nganjëherë bashkëpunojnë me ndërmjetës të shtetit islamik”.

Trump thotë se komenti i Macronit ishte shumë i ulët

Published: 3 december 2019

Trump është në një vizitë zyrtare në Londër, për të festuar 70-vjeotrin e Aleancës së Atlantikut të Veriut.

Ai tha se NATO i ka shërbyer një qëllimi madhor, dhe se komentet e Makronit kanë qenë vërtet fyese.

Ai shtoi gjithashtu se nuk i dukej e papërfytyrueshme që Franca të shkëputej nga NATO-ja, por nuk e shpjegonte dot se pse.

Megjithatë, Trump i zbuti tonet kur doli në një konferencë të përbashkët me Makronin, dhe tha se të dy vendet kanë bërë shumë gjëra të mira së bashku, si partnerë.

Makroni e pranoi që komentet e tij në lidhje me NATO-n kanë tronditur shumë njerëz, por tha se ai vazhdon t’i qëndrojë asaj që ka thënë.

Albin Kurti njofton grupin e ri parlamentar të VV’së për sfidat me LDK’në

Published: 3 december 2019

Lëvizja Vetëvendosje ka njoftuar se sot është mbajtur mbledhja e parë e grupit parlamentar të Lëvizjes Vetëvendosje. Në këtë takim, kryetari i VV’së dhe njëkohësisht kandidati për kryeministër, Albin Kurti, i njoftoi deputetët e grupit parlamentar për sfidat e reja për krijimin e koalicionit qeverisës me Lidhjen Demokratike të Kosovës.

Kurti në këtë mbledhje i uroi fitoren deputetëve të Vetëvendosjes.

“Nën kryesimin e kryetarit, Albin Kurti, sot u mbajt mbledhja e parë e Grupit të ri Parlamentar të Lëvizjes VETËVENDOSJE!, të dalë nga zgjedhjet e 6 tetorit. Me këtë rast u shpreh urimi i fitores të gjithë deputetëve si grupi më i madh parlamentar në përbërjen e re të Kuvendit të Kosovës”, ka shkruar Lëvizja Vetëvendosje.

Gjithashtu, Kurti i njoftoi deputetët e grupit më të madh parlamentar për sfidat për krijimin e koalicionit me LDK’në.

“Pjesë e diskutimit të mbledhjes ishte edhe procesi negociator për krijimin e qeverisë, me ç’rast kryetari Kurti i njoftoi deputetët me arritjet dhe sfidat për krijimin e koalicionit të ri qeverisës”, ka njoftuar Vetëvendosje.

Të dhënat pas tërmetit, ja sa pallate, shtëpi e hotele janë dëmtuar

Published: 3 december 2019

Zyra Operacionale për menaxhimin e fatkeqësive natyrore që drejtohet nga ministri në perimetrin e zonave të prekura, Bledi Çuçi jep disa të dhëna për pasojat e tërmetit që ndodhi më 26 nëntor në Durrës dhe Thumanë. Në qarqet Durrës, Tiranë, Lezhë, Kukës dhe Dibër, bilanci paraprak operativ deri tani (ora 12:00) është si më poshtë:

1),Shtëpi të shembura: 1183 (Durrës 1050, Tiranë 131, Dibër

2), Shtëpi të dëmtuara rëndë: 5497 (Durrës 1311, Tiranë 3821, Lezhë 168, Kukës 150, Dibër 13, Elbasan 34),

3)Shtëpi të dëmtuara lehtë: 3520 (Tirana 3199, Dibër 73, Elbasan 248), Pallate të dëmtuara rëndë: 558 (Durrës 35, Tiranë 461, Lezhë 56, Kukës 4, Dibër 1, Elbasan 1),

4)Pallate të dëmtuara lehtë: 335 (Tiranë 328, Elbasan 7),

5) Shkolla të dëmtuara: 28 (Tirana 11, Lezha 5, Kukës 3, Elbasan 9),

6) Kabina elektrike të dëmtuara: 15 (Tiranë),

7) Biznese të dëmtuara: 146 (Tiranë),

8) Qendra shëndetësore: 2 (Tiranë 1, Kukës 1).

9) Persona të evakuuar, strehuar në hotele, çadra, qendra sociale e familje: a.Të evakuuar:……………………3224,

b. Hotele:……………………………1961,

c. Çadra:…………………………….964,

d. Qendra sociale:………………..867,

e. Familje:………………………….2525.


Vijon ndërkohë, me intensitet puna në terren për inspektimin e të gjithë dëmeve në banesa nga ekipet vendase dhe ndërkombëtare në të gjithë qarqet e prekura. Duke falënderuar partnerët dhe të gjithë miqtë tanë ndërkombëtarë, grupit të 55 ekspertëve nga Greqia, Turqia, SHBA, BE, Zvicra, Maqedonia e Veriut dhe Franca, që i’u janë bashkuar 74 ekspertëve shqiptarë, dëshiroj të njoftoj se sot i janë bashkuar edhe 30 inxhinierë nga Kosova, duke e çuar numrin gjithsej, në 159.

Ndërkohë, kemi një përditësim të bilancit paraprak të inspektimeve, dhe situata për prishjen e objekteve në zonat e prekura nga tërmeti i 26 Nëntorit 2019, është si në vijim: Në qarkun Durrës për periudhën 29 Nëntor-2 dhjetor janë shembur nga rreth 17 objekte, prej të cilave: Durrës – 9 objekte, Thumanë – 8 objekte. Janë në proces prishje në total në shkallë Qarku 6 objekte: 5 në Durrës dhe 1 pallat në Thumanë.

Moti i ftohtë ndikon në uljen e imunitetit

Published: 3 december 2019

Dhjetëra persona mbetën të vdekur e qindra të tjerë të lënduar nga tërmetet që e goditën Shqipërinë që nga orët e para të mëngjesit të 26 nëntorit.

Por, shumica e të mbijetuarve nga tërmeti humbën shtëpitë e tyre, duke bërë gjumë në tenda e në qiell të hapur, në këto ditë të ftohta të nëntorit.

E këta persona të cilët bartin me vete traumën, stresin e frikën, mund të rrezikohen nga disa sëmundje.

Duke theksuar se të ftohtit ndikon negativisht te shëndeti i njeriut, drejtoresha e Klinikës së Pulmologjisë në QKUK, Rukije Mehmeti, thotë se temperaturat ndikojnë edhe në uljen e imunitetit dhe paraqitjen e disa problemeve të tjera.

Mehmeti këshillon që këta persona të veshin rroba të trasha, duke treguar kështu se edhe çfarë ushqimesh të konsumojnë.

Ndërkaq, infektologu Izet Sadiku bën thirrje që të tregohet kujdes i veçantë në ushqim, të shikohet afati i përdorimit të tyre, në të kundërtën mund të preken nga ndonjë epidemi.

Fati i atyre që kanë mbetur pa kulm mbi kokë është ende i papërcaktuar.

Ushqimet që duhet t’i hani pas ushtrimeve të palestrës

Published: 3 december 2019

Çka hani pas ushtrimeve mund ose të ju ndihmojë, ose të ua prish rezultatin tuaj

Jacueline Howart, autore e artikujve të shëndetësisë në CNN, ka treguar se çka saktësisht duhet të hamë pasi që kemi ushtruar.

Ajo tregon se ushqimet të cilat përmbajnë proteina dhe ushqyes apo “nutrition” si qumështi, djathi, vezët e ziera, arrat, etj, ju ndihmojnë të riktheni energjinë që e keni humbur në palestër.

Ushqimeve mund t’u shtoni proteina, varësisht çfarë i pëlqeni, qoftë edhe fruta dhe jogurt.

Nëse shqetësoheni apo edhe keni dhimbje të muskujve, mund t’u shtoni ushqimeve xhenxhefil, apo edhe të pini lëng bostani dhe lëng vishnje apo qershie.