Sqarim i Drejtorisë Juridike të Institucionit të Presidentit të Republikës.

Lugj Shkodrani-Lajme nga Shqipëria-data 23 prill 2010

Nisur nga disa keqinformime apo keqinterpretime, pas dekretit të djeshëm të Presidentit të Republikës “Për falje dënimi”, Drejtoria Juridike e Institucionit të Presidentit të Republikës sqaron procedurën ligjore që Kreu i shtetit ndjek për të ushtruar të drejtën e tij kushtetuese të dekretimit të faljes: Në mbështetje të nenit 92, pika “b” dhe 93 të Kushtetutës së Republikës së Shqipërisë, nenit 70 të Kodi Penal të Republikës së Shqipërisë, nenit 1 të ligjit nr.6299, datë 27.03.1981 “Për faljen”, të ndryshuar me ligjin Nr.7682, datë 09.03.1993“Për disa ndryshime në ligje”, me propozime të shumta të organeve të pushtetit vendor dhe të institucioneve të tjera si Drejtoria e Përgjithshme e Burgjeve, Avokati i Popullit, Grupi Shqiptar i të Drejtave të Njeriut, shoqata të tjera të angazhuara për mbrojtjen e të drejtave të njeriut dhe me mbështetjen e disa deputetëve të Kuvendit të Shqipërisë, me dekretin nr.6516, të datës 22.04.2010 është aplikuar falje e plotë dhe / ose e pjeshme nga vuajtja e dënimit të mbetur për 367 të dënuar.

Pas një vlerësimi të kujdesshëm mbi plotësimin e kritereve ligjore dhe disa kritereve të veçanta si: qenia i mitur në kohën e kryerjes së veprës penale, gjendja e rënduar shëndetësore dhe mosha e thyer, e cila nuk justifikonte vazhdimin e mëtejshëm të vuajtjes së dënimit, si dhe fakti se disa të dënuar, sidomos gra ishin nëna të fëmijëve të mitur, një pjesë e të cilëve kishin mbetur pa kujdesin prindëror të asnjërit prind, gjithashtu edhe masën e dënimit të mbetur për të vuajtur si dhe duke marrë parasysh se sipas referimit të bërë nga ana e institucioneve përgjegjëse mbi edukimin dhe rehabilitimin social të të dënuarve e pasi u bë e qartë se këta persona me sjelljen, punën dhe veprimet e tyre kishin provuar se me vuajtjen e dënimit e kishin përmbushur qëllimin për edukimin dhe rehabilitimin shoqëror, ndaj tyre u aplikua falje tërësisht / ose pjesërisht e dënimit të mbetur për të vuajtur.

Përsa u përket dy të dënuarve Vehbi Alimuça dhe Fitim Kërxhaliu, vlerësojmë se opinioni publik duhet sqaruar se ndaj tyre, sipas propozimit të bërë nga organet e pushtetit vendor dhe referimit nga institucionet e ekzekutimit të vendimeve penale, është aplikuar falje e pjesshme e dënimit dhe se ata do të vazhdojnë të vuajnë pjesën e mbetur të dënimit në burg sipas vendimeve përkatëse gjyqësore.

Nga Faqja e Presidentit

Kryeministri Berisha: Objektivi, në këto tre vite, është tejkalimi i mesatares së BE-së për shtrirjen e IT-së

Qeveria ka përcaktuar si drejtim themelor ndërtimin e një infrastrukture të shoqërisë së informacionit, ndër më modernet, të standardeve më të larta.

Qeveria ka një zotim elektoral dhe unë i qëndroj, kompjuter për çdo të ri. Ky është një premtim që do të mbahet.

Kryeministri Berisha thirri sot një forum të gjerë, të shkëmbimit të mendimeve dhe propozimeve, me komunitetin e biznesit në fushën e teknologjisë e informacionit dhe komunikimit (ICT) dhe përfaqësues të universiteteve, në kuadër të nismës së qeverisë “Shqipëria dixhitale”. Takimi, ku ishin të pranishëm ministri i Inovacionit dhe Teknologjisë së Informacionit e të Komunikimit Genc Pollo dhe drejtues të Agjencisë së Kombëtare të Shoqërisë së Informacionit, u fokusua në prioritetet, sfidat, projektet dhe veprimin e përbashkët për një zhvillim sa më të shpejtë të ICT-së në Shqipëri.

Kryeministri Berisha, pasi u ndal në rezultatet e arritura në katër vitet e shkuara në këtë fushë, si shtrirja e internetit në çdo shkollë, dixhitalizimi i sistemit të gjendjes civile dhe i procedurave të tjera administrative, harta dixhitale e vendit etj., theksoi se objektivi në këto tre vite është tejkalimi i mesatares së Bashkimit Europian përsa i përket shtrirjes së IT-së.

“Ne jemi komb i ri dhe asgjë nuk mund të bëjmë më shumë për këtë vend, sesa të zgjerojmë me shpejtësi më të madhe shoqërinë e informacionit në shoqërinë shqiptare”, tha Kryeministri.

Kryeministri Berisha propozoi krijimin e një forumi kombëtar, të përbërë nga përfaqësues të qeverisë e sektorit publik, të botës akademike dhe të biznesit, si dhe krijimin e një fond kombëtar për ‘Shqipërinë dixhitale’. Këto propozime u mirëpriten dhe u mbështetën nga komuniteti i biznesi, të cilët shprehën mbështetjen e plotë për nismat dhe projektet e qeverisë për zhvillimin e shoqërisë së informacionit në vend.

Kryeministri ngriti gjatë fjalës së tij edhe domosdoshmërinë e përgatitjes së burimeve njerëzore në fushën e IT-së. Kompanitë në vend, fakultetet e shkollat e tjera profesionale, tha Kryeministri, duhet të nxiten, stimulohen dhe mbështeten për Inovacion dhe kërkim në këtë fushë.

Gjatë takimit, Ministri Pollo u ndal gjithashtu në disa nga projektet e përfunduara dhe në përfundim e sipër, duke përmendur shtrirjen e internetit në shkolla, projekt që përfundoi vitin e shkuar, gov-net, rrjetin qeveritar që, pas Tiranës, po shtrihet edhe në Durrës, pikat e aksesit publik, një projekt i rëndësishëm i postës shqiptare. Ambicia jonë, tha ministri Pollo, është që të jemi një qendër rajonale të ICT-së dhe kjo arrihet duke zhvilluar resurset njerëzore, kapacitet e tyre që prodhojmë dhe të shërbejmë në tregun tonë dhe më gjerë.

Ky ishte takimi i parë me komunitetin e biznesit që operon në fushën e teknologjisë së informacionit dhe universiteteve, që do të pasohet nga takime të tjera, për të vendosur një bashkëpunim gjithnjë e më të ngushtë midis qeverisë dhe tyre, në funksion zhvillimit të teknologjisë së informacionit në Shqipëri.

Në fjalën e tij, Kryeministri Berisha u shpreh:

“I nderuari zoti ministër,

Të nderuar përfaqësues të bizneseve të komunitetit, publik dhe privat të shoqërisë së informacionit,

Kemi thirrur këtë takim, dua ta theksoj që në fillim, me vonesë, për një çështje më themelore të zhvillimit të vendit që është zhvillimi i shoqërisë së informacionit. Qeveria ka përcaktuar si drejtim themelor ndërtimin e një infrastrukture të shoqërisë së informacionit, ndër më modernet, të standardeve më të larta, si kusht vendimtar për të ndjekur orën globale, e cila, para së gjithash e mbi të gjitha, është orë dixhitale, si kusht vendimtar për të shkëputur Shqipërinë nga prapambetjet e saj të trashëguara.

Në katër vitet që shkuan, ritmet e ecjes në këtë drejtim, kanë qenë në disa raste edhe më të shpejtat në Europë. U krijua një rrjet i tërë institucionesh publike; u shtri interneti dhe kabinetet e informatikës në çdo shkollë; u dixhitalizua tërësisht sistemi i gjendjes civile, regjistrimti të bizneseve, pagesës së taksave, prokurimeve publike; harta fotografike e vendit është dixhitale dhe po ecet në një seri shërbimesh të tjera.

Disa tregues kanë pasur rritje shumë të shpejtë si ai i penetrimit të internetit, nga 4.8 përqind në vitin 2005, në 32 përqind në vitin 2009. Po të shohësh rrugësh dhe ta krahasosh me objektivin, ne kemi bërë gjysmën e rrugës, por gjysma e dytë kërkon përpjekje shumë më të mëdha. Detyrat që duhet të përmbushim në gjysmën e dytë janë për të tejkaluar mesataren europiane. Ambicia jonë duhet të jetë tejkalimi i mesatares europiane. Nuk mund të them që, në tre vjet, të kapim mesataren e Shteteve të Bashkuara të Amerikës, por ne duhet të tejkalojmë mesataren europiane. Këtu fillon problematika e madhe, që ne sëbashku duhet të zgjidhim. Ajo çka ne kemi arritur është inkurajim i madh për të kapur finishin, në këtë maratonë që nuk mbaron kurrë.

Në këto katër vite, janë realizuar, në një mënyrë të sforcuar do të thosha, këto tregues, duke përcaktuar praktika si interneti në çdo shkollë apo dixhitalizimi me shpejtësi i gjithë sistemit të gjendjes civile, por midis hard-it dhe soft-it ka një disnivel të papranueshëm. Kilometrat e gjysmës së dytë për këtë shkak dhe nëse nuk kapërcehet kjo, bëhen shumë të vështirë.

Komuniteti i shoqërisë së informacionit në Shqipëri është një komunitet i vogël, i cili duhet të shohë përreth dhe të rritet me shpejtësi të madhe. Përndryshe, edhe sikur ta mbushin të gjithë Shqipërinë me hard, do të gjejmë shumë shpejt se kemi grumbulluar veçse hekurishte.

Ne jemi mbrapa në drejtim të përgatitjes së burimeve njerëzore. Ndaj mendoj se në konkluzionet e këtij takimi shumë të rëndësishëm duhet të jetë një qëndrim i ri në përgatitjen me shpejtësi të burimeve njerëzore për të përballuar plotësisht moshën dixhitale të shoqërisë e të vendit. Ministri i Arsimit, që gabimisht nuk është ftuar, ka marrë porosi të qarta që vitin e ardhshëm të dyfishojnë numrin e studentëve në të gjitha degët, si dhe të hapen degë të reja. Në rast nevoje, nëse nuk mjaftojnë burimet ekzistuese, të merren edhe pedagogë edhe nga vendet e tjera. Po ashtu të shqyrtojnë me shpejtësi curriculat dhe është e domosdoshme t’i standardizojmë ato. Duhet të nxisim tek shqiptarët si pasionin e përdorimit të ICT-së, edhe pasionin e kërkimit e të studimit. Kompanitë në vend, fakultetet e shkollat e tjera profesionale duhet të nxiten, stimulohen dhe mbështeten për Inovacion dhe kërkim në këtë fushë. Kompanitë e vendit duhet të ndihmohen, pasi nuk ka të ardhme pa zhvillimin e të gjitha potencialeve të tyre, në mirëmbajtje, avancim dhe zhvillim të sistemeve.

E theksoj edhe një herë se pjesën e parë të rrugës e kemi bërë, por e dyta do të jetë shumë e vështirë, në rast se nuk veprojmë me shpejtësi të madhe, me shpejtësi dixhitale. Nuk mund të pretendojmë se do të zhvillojmë dhe do të arrijmë aty ku duhet, në rast se nuk marrim masa për të zhvilluar me shpejtësi rrjetin kombëtar të eksesit në internet apo kurrizoren kombëtare. Qeveria po punon dhe së shpejti do të dalë në treg për ndërtim e saj. Ndërtimi i këtij rrjeti do të jetë tërësisht mbi bazën e partneritetit publik privat. Do të aplikohen të gjitha rrugët e mënyrat, në mënyrë që, me një objektiv ambicioz, të synojmë që në tre vite, çdo familje shqiptare të marrë internet me bandë të gjerë dhe teknologjitë e lejojnë plotësisht. Në shumëllojshmërinë e tyre, është e rëndësishme që ne të përdorim një parim, liberalizimin. Bazuar në këtë parim, ne mund të arrijmë në një kohë të shkurtër të çojmë në çdo familje shqiptare, aty, ku është drita elektrike, edhe internetin me bandë të gjerë. Qeveria ka një zotim elektoral dhe unë i qëndroj, kompjuter për çdo të ri. Ky është një premtim që do të mbahet. Ne po studiojmë se në çfarë drejtimi do të ecim, drejt projektit Lap Top 100 dollarë, të Negropontes, i cili në disa vende konsiderohet sukses, por ka edhe kritikat e tij, apo një variant tjetër është në spektrin e lirë, një prodhim i Intel për Portugalinë, më i kushtueshëm, por duket shumë më kompakt. Të shpresojmë se tipi tjetër do të dalë me çmim të përshtatshëm, të xhepit tonë. Sidoqoftë ne do të bëjmë çdo përpjekje që të rinjtë të kenë kompjuter. Në një mënyrë apo një tjetër, ne do të mbajmë premtimin tonë.

Sërish jemi shumë mbrapa në edukimin e qytetarëve shqiptarë me përdorimin dhe shfrytëzimin e potencialeve të internetit. Është e domosdoshme që bashkërisht të ndërmarrim një edukim masiv të qytetarëve. Ministria, Agjencia Kombëtare e Shoqërisë së Informacionit po punojnë me bankat dhe duhet të lançojnë së shpejti M-Banking (Mobile-Banking), transfertat me celular. Do të ishte e domosdoshme një edukim masiv dhe këtë radhë, mund të fillonte me pensionistët e të kapte më pas të gjitha shtresat. Ne duhet të arrijmë që çdo qytetar të mund ta shfrytëzojë internetin dhe shërbimet e ofruara dixhitale.

Unë dua t’ju dëgjoj juve, por mendoj se nga ky takim duhet të vendosim të krijojmë një forum kombëtar, të cilin mund ta quajmë bord, këshill apo qoftë një emërtim tjetër, të përbërë nga përfaqësues të qeverisë dhe sektorit publik, përfaqësues të botës akademike dhe të biznesit.

Nga ky takim, ne duhet të vendosim të krijojmë një fond kombëtar për Shqipërinë dixhitale, mundësisht nga qershori apo korriku. Nga ky takim, le të përcaktojmë përparësitë e veprimit të përbashkët, por objektivi është Shqipëria, në tre vite, mbi mesataren e Bashkimit Europian dhe kjo sepse na përket. Ne jemi komb i ri dhe asgjë nuk mund të bëjmë më shumë për këtë vend, sesa të zgjerojmë me shpejtësinë më të madhe shoqërinë e informacionit në shoqërinë shqiptare. Ne jemi vend i vogël, me një shoqëri të re në moshë dhe i kemi të gjitha mundësitë të përmbushim ambiciet tona në këtë fushë.

Gjatë këtyre tre viteve, ne ecim paralelisht në dy drejtime kryesore, njëri është infrastruktura rrugore dhe tjetri infrastruktura dixhitale. Këto janë përparësitë absolute të qeverisë sime dhe këtu ne duhet të operojmë me vendosmëri, agresivitet, me mençurinë më të madhe.

Edhe një herë ju falënderoj për praninë këtu dhe shpresoj që ky takim i parë të ketë çelur rrugën e një serie takimesh të tjera, që bashkërisht të kemi mbushur një objektiv, më të rëndësishmin e të gjithë objektivave të tjera.”

Nga faqja e Kryeministrit

Rama: Protesta ne 30 Prill, beteje, por, jo e dhunshme

TIRANE-Kryetari i Partisë Socialiste, Edi Rama deklaroi sot në një komunikim me median se protesta e datës 30 Prill nuk duhet parë si “akt force, por forca e arsyes së vendosur përballë një pushteti që funksionon mbi arsyet e forcës”.Duke deklaruar se opozita nuk do tu ndahet protestave për transparencën e zgjedhjeve dhe krizën ekonomike që sipas Ramës ka pllakosur vendin, sipas kreut të Ramës, askush nuk mund të përfytyrojë një përplasje të dhunshme, pasi 30 Prilli do të jetë data kur protestat do të përshkallëzohen.
“Askush të mos përfytyrojë përplasje të dhunshme, pasi beteja jonë nuk do të jetë një akt force, ndaj mos përfytyroni përplasje të dhunshme”, u tha rama gazetarëve.
Rama u fokusua edhe në aspektet politike, ekonomike në vend ku rivlerësoi dhe njëhere se vendi po varfërohet nga keqqeverisja.

Në vlerësimin e tij, edhe raportet e fundit mes të cilave ai i FRIDA-s konstatoi se zgjedhjet në Shqipëri vazhdojnë të jenë me probleme dhe demokracia është e brishtë. “Bazuar edhe në këtë vlerësim kompetent ajo çka kemi thënë është e bazuar mbi të vërtetën dhe mbetet alarmante. Problemet që e rëndisin Shqipërinë kaq keq në këtë klasifikim kanë të bëjnë me borxhin tejet të lartë publik”, u shpreh Rama.

Sipas tij borxhi ka arritur shifra të patolerueshme dhe është dy herë më i madh se totali i të ardhurave që mbledh qeveria. “Futja e mëtejshme në borxhe për të larë borxhet është një spirale që thellon gropën që nuk ka shanse të ndryshojë nëse nuk ndryshon skema e modelit ekonomik çka është arsyeja e një prag falimentimi të ekonomisë”, u shpreh Rama.

(d.b/BalkanWeb)

Shqipëri, Bosnje, liberalizimi i vizave mund te shtyhet

Nga:SUELA GERA

TIRANE- Shqiptarët dhe boshnjakët bëjnë mirë të shuajnë shpresat se do të mund të udhëtojnë pa viza brenda vendeve shenjen për pushimet verore. Nga Strasburgu vijne te tjera sinjale.Liberalizimi i vizave për shqiptarët dhe boshnjakët ka gjasa të shtyhet deri në fund të vitit ka thënë eurodeputeti slloven Jelko Kacin, i cili në muajin mars vizitoi Shqipëri së bashku me një grup ekspertësh të PE.
Kacin deklaron se propozimi i KE për liberalizimin e vizave ka shumë gjasa që të përfshihet në agjendën e Parlamentit Europian në shtator dhe efektet e saj të nisin në dhjetor. Një vit pas liberalizimit të vizave me qytetarët e Maqedonisë, Malit të Zi dhe Serbisë. Faqja online European Voice.com, citon eurodeputetin slloven.
Raporti
Pesimist dhe raporti i vlerësimit të Komisionit Europian, i cili është zbuluar këto ditë nga disa media. Raporti ( iu dërëzua të premten e kaluar vendeve anëtarë te BE-së) vëren se me gjithë plotësimin e pjesës më të madhe të kritereve Shqipëria dhe Bosnja nuk kanë plotësuar të gjitha kushtet për liberalizimin e vizave.
Raporterja e PE-së për liberalizimin e vizave duke komentuar raportin ka thënë se ai është provë se të dy vendet do të humbin mundësinë e liberalizimit të vizave, para verës dhe se një vendim i mundshëm mund të merret vetëm më vonë gjatë vitit.
Tanja Fajon thotë se pret që për ty vendet të ketë një vlerësim pozitiv, “por një mission tjetër do të jetë i nevojshëm”.
“Ka mundësi që ekspertë të ri të vizitojnë Shqipërinë, cka, sigurisht nënkupton kohë shtesë, dhe ne nuk do të arrijmë të përfundojmë procesin para pushimeve të verës”- ka thënë Fajon, citon agjencia e lajmeve Balkan Insight.
Fajon pret që Brukseli të paraqesë një propozim legjislativ për liberalizimin e vizave dhe të kërkojnë kushte shtesë që do të duhet për të përmbushur para përfundimit të procesit të plotë të liberalizimit vizave. Rekomandimet pritet të bëhen publike në fund të muajit maj ose në fillim të javës së parë të qershorit, cka përkon dhe me samitin e Sarajevës.
“Unë pres që rekomandimi i KE të jetë për liberalizimin e vizave për të dy vendet, por kjo vazhdon të varet nga qeveritë e dy vendeve për të finalizuar kushtet e nevojshme” tha Fajon dhe
paralajmëron se “Është shumë e rëndësishme që autoritetet të vazhdojnë të punojnë shumë sepse ka muaj vendimtare para nesh dhe ata duhet të mbeten përgjegjës”
PE mblidhet të martën
Të martën pasdite (27 prill) Komiteti per te Drejtat civile, drejtesine dhe çeshtjet e familjes i Parlamentit Europian do të mblidhet për të dhënë vlerësimin e saj se sa është e gatshme Shqipëria dhe Bosnja për liberalizimin e vizave. Vlerësimi do të bëhet në bazë të raportit të përgatitur nga grupi i ekspertëve të Parlamentit Europian të cilët ishin të pranishëm në Shqipëri muajin e kaluar. Mbledhja konfirmohet nga axhenda që Parlamenti Europian publikon në faqen e saj zyrtare por edhe nga eurodeputeti Jelko Kacin.
Që nga nisja e procesit për liberalizimin e vizave mes Bashkimit Evropian dhe Shqipërisë, vendin tonë e kanë vizituar 3 grupe ekspertësh, raportet e të cilëve ishin pozitive. Nuk dihet si do të jetë qëndrimi i grupit të tretë, duke iu referuar zhvillimeve politike në vendin tonë, kur sa vjen e thellohet kriza politike mes mazhorancës dhe opozitës. Kjo krizë, sipas autoriteteve ndërkombëtare dhe shqiptare ndikon jo vetëm në liberalizimin e vizave, por edhe për anëtarësimin e Shqipërisë në BE.
(BalkanWeb)

Eliza Dushku me të dashurin milje të tëra për një gjyq?!

Eliza dhe Rik Fox gjate seances gjyqesore dje

Lidhja Eliza Dushku Rick Fox është tepër serioze, cifti së bashku dhe në proceset gjyqësore. Sajti TMZ komenton sot se aktorja me origjinë shqiptare ka marrë mbështetjen e te dashurit dhe së bashku kanë udhëtuar për 115 milje me makinë drejt Los Anxhelosit për të marrë pjesë në seancën gjyqësore ndaj vëllait të madh të Elizës, në shkretëtirën e Mojave. Nathaniel Dushku. Vëllai i Elizas u kap nga policia pasi kishte përshkruar mbi shpejtësinë e lejuar autostradën në shkretëtirën e Barstow. Procesi ndaj tij nisi dje, dhe Eliza nuk ngurroi ti shfaqë vellait suportin duke marrë dhe të dashurin me vete, lojtarin e njjohur amerikan Rick Fox.

Eliza dhe Rick Fox ne nje shetitje ne plazhin e Majamit

Marre nga BallkaWeb

“Dritat e Kuqe”, kapen prostitutat e klasit të lartë

TIRANE-Pesë persona janë vënë në pranga sot në mëngjes nën akuzën e “shfrytëzim Prostitucioni në rrethana rënduese” në bashkëpunim dhe ”Prostitucion”. Operacioni i koduar “Red Lights” (dritat e kuqe) Seksionit Kundër Trafiqeve të Paligjshme në Drejtorinë e Policisë së Qarkut Tiranë është kryer mbrëmë.Policia informon se të ndaluarit janë Besim Fahri Lami, 33 vjeç, lindur në Krujë e banues në Tiranë, i akuzuar për ”Shfrytezimit të Prostitucionit në rrethana rënduese me shumë se njëherë të disa shtetaseve dhe Gentjan Buzi, 33 vjeç, lindur në Lezhë e banues në Tiranë,i akuzuar për ”Shfrytëzimit të Prostitucionit” dhe të ”Moskallëzimit të krimit”.
Arrestimi është bërë pas një hetimi 4 mujor, pasi këto shtetas dyshohen se në bashkëpunim midis njëri tjetrit, kanë shfrytëzuar për qëllime prostitucioni në hotele të ndryshme në Kryeqytet, tre shtetase. Ndaj tre vajzave, studente me inicialet G.M, 24 vjeçe, O.C, 22 vjeçe dhe F.Ll, 23 vjeçe është marrë masa e arrestit në flagrancë për veprën penale të ”Prostitucionit”.
Operacioni u krye në orët e vona të mbrëmjes së të enjtes në një hotel në luksoz në Tiranë, duke ushtruar prostitucion me klientë të ndryshëm kundrejt shumës që varionte nga 200 deri më 400 Euro.

Policia thotë se dy të arrestuarit ”Besim Lami dhe Gentian Buzi për një periudhë 4 mujore kishin ndërtuar një rrjet të sofistikuar për shfrytëzimin e shumë femrave, ku pasi realizonin rekrutimin duke shfrytëzuar, vështirësitë ekonomike dhe problemet familjare të tyre, i rekrutonin ata dhe më i pas i shfrytëzonin në hotele lluksoze në Tiranë, duke i siguruar klientë të huaj dhe Vip. ”

Aktualisht vazhdon puna hetimore në bashkëpunim me Prokurorinë e Rrethit Gjyqësor Tiranë, për të dokumentuar më tej këtë aktivitet kriminal.
Për shtetasit Besim Lami e Gentian Buzi po pregatiten materialet për t’i referuar edhe ne Prokurorinë e Krimeve të Rënda për hetim pasuror duke hetuar mbi asetet e përfituara nga kjo veprimtari kriminale.

(s.g/BalkanWeb)

Raporti: Shqipëria dështoi me standardet, probleme me zgjedhjet dhe presionin ndaj medies

Nga “Faktori Plus”

Zgjedhjet parlamentare pa standarde, qe sollen dhe bojkotin 6-mujor te opozites ne Kuvend, dobesia e institucioneve, sidodomos te Gjyqesorit, korrupsioni i perhapur dhe liria e manget e medies per shkak te presionit te qeverise,jane problemet kryesore qe nenvizohen ne raportin e FRIDE, nje organizate joftimprurese me qender ne Madrid, qe merr ne analize nivelin e demokracise ne Shqiperi.
“E gjithë Shqipëria dështoi në arritjen e standardeve që kërkohen nga një vend anëtar i NATO-s. Si OSBE-ja ashtu edhe BE-ja, shprehen shqetësim rreth disa çështjeve proceduriale të zgjedhjeve dhe politizimin e procesit të numërimit të votave. Siç vëren edhe OSBE-ja në raportin e qershorit, përmirësimet e arritura në regjistrimin e votuesve, u zbehën nga politizimi i aspekteve teknike të procesit nga partitë politike dhe dhuna e vërejtur gjatë fushatës elektorale, që uli besimin e publikut në procesin zgjedhor”,- thuhet ne raport.
Por debati u perqendrua me shume ne numerimin e votave. Kodi Elektoral autorizonte Komisionin Lokal Zgjedhor, per te deklaruar nje kuti votimi te pavlefshme duke e perjashtuar nga tabela e rezultateve. Sipas OSBE, partite politike filluan te nderhynin ne numerim dhe procesi u ngadalesua sidomos ne ato qytete, ku dukej qarte nje shperndarje favorizuese e mandateve per njeren pale. Ky rast u vu re ne Fier, ku votat e panumeruara besohej, se do te ngushtonin garen mes koalicionit, qe kryesohej nga demokratet dhe atij, qe kryesohej nga socialistet. Se fundmi, nje kerkese e socialisteve per te marre parasysh rezultatin ne dy qendra votimi, qe ishin numeruar, por nuk ishin shtuar ne tabelen e rezultateve, u hodh poshte nga shumica ne KQZ. Ky vendim u apelua ne kolegjin zgjedhor, por u rrezua nga gjyqtaret, te cilet ishin nen nje presion te pashoq politik. Per me teper, kur ky raport po publikohej, dolen ne pah prova te reja, si rasti i kutise se Ruzhdies, qe nxori ne drite fakte te kundeshtueshmne vjedhjeje. Mbajtja e zgjedhjeve te lira dhe te ndershme ne fakt eshte nje nga tiparet kryesore te demokracise.

Megjithate qe nga 1992 asnje nga zgjedhjet e mbajtura ne Shqiperi, nuk eshte cilesuar nga OSBE brenda standardeve evropiane. Per me teper, pothuajse te gjitha proceset elektorale jane kontestuar nga partia humbese. Piket e Shqiperise ne raportin e “Freedom House” per 2007-2008 ishin shume te uleta, madje shqetesuese, dhe standardet e zgjedhjeve ishin po ashtu te uleta, krahasuar edhe me vendet fqinje. Shqiperia kaloi ne dy etapa te rendesishme te ndryshimit te legjislacionit zgjedhor ne 2008. E para ne prill, qe kishte te bente me paketen e ndryshimeve Kushtetuese, ku sistemi zgjedhor u zevendesua me ate Proporcional Rajonal me lista te mbyllura. Pjesa e dyte e legjislacionit ishte kodi elektoral, i miratuar ne fund te 2008 nga dy partite e medha. Kodi elektoral u kritikua ashper nga partite e vogla, por nderkombetaret argumentuan, se ai lejonte nje sistem politik me te thjeshte ne Shqiperi. Shqetesimi me i madh i nderkombetareve iu adresua mungeses se transparences ne menyren se si u miratua legjislacioni. Komisioni i Venecias iu kujtoi autoriteteve vendase se kodi duhet te ndryshohet dhe t`i perafrohet linjes se standarteve te OSBE dhe Komisionit Evropian. Gjate fushates elektorale nje drejtues lokal i partise demokristiane u vra ne veri te Shqiperise, kur makina e tij shpertheu ne afersi te Shkodres. Nje deputet i opozites, gjithashtu u ekzekutua ne jug te vendit. Duke pare keto incidente, nderkombetaret apeluan qe fushata te ishte e qete, ndersa OSBE verejti qe ajo po zhvillohej ne nje mjedis te acaruar politik dhe ashtu si edhe ne zgjedhjet e meparshme, ishte karakterizuar nga nje numer i larte akuzash drejtuar partise ne pushtet per dhune elektorale, disa nga te cilat ishin konfirmuar.
Per sa i perket korrupsionit dhe funksionimit te sistemit gjyqesor, ne raport citohen specifikisht rastet e ish-ministrit te Mbrojtjes Mediu dhe ish-ministrit te Transporteve Basha, dosjet e te cileve u mbyllen nga drejtesia, por pa u perballur me akuzat…
“Shumë çështje korrupsioni janë shtyrë apo pezulluar në mënyrë të dyshimtë. Një ndër shembujt, është gjyqi ndaj ish-ministrit të mbrojtjes Fatmir Mediu në lidhje me shpërthimin e fabrikës së municioneve në Gërdec në vitin 2008, ku humbën jetën 26 persona. Pavarësisht faktit se zoti Mediu dha dorëheqjen në 17 mars të 2006 dhe iu hoq imuniteti parlamentar, çështja ndaj tij u pezullua pas emërimit si ministër në kabinetin “Berisha” në shtator të 2009, duke luajtur me kartën e imunitetit. Gjykata e Lartë hoqi akuzat kundër Mediut, duke argumentuar se nuk kishte mjaftueshëm prova për ti kërkuar parlamentit heqjen e imunitetit për të dytën herë. Një tjetër proces është ai i ish-ministrit të Transporteve Lulzim Basha në lidhje me korrupsionin në ndërtimin e rrugës Durrës-Kukës. Kjo çështje u pezullua për shkak procedurash, vendim ky që u kundërshtua nga ekspertët ndërkombëtare, të cilët e cilësuan si mjaft subjektiv”,- thuhet ne raport.
Liria e medies, thuhet ne dokument, eshte e kufizuar mjaft, si pasoje e ushtrimit te presionit qeveritar. Ne raport evidentohen raste si nxerrja jashte ambienteve te redaksise te gazetareve te “TemA”, dhuna ndaj gazetarit mero baze apo edhe gjobat ndaj disa televizioneve.
“Gazetarët ankohen se nëse një media refuzon t’i bindet qeverisë, atëherë shumë shpejt ajo është jashtë loje përmes mekanizmave të tjera, siç janë rritja e taksave. Një shembull i ngjashëm është ai me gazetën “TemA”, e cila në vitin 2008 nisi një seri investigimesh rreth korrupsionit qeveritar. Në janar gazetarët janë nxjerrë jashtë ambienteve të redaksisë nga policia, pavarësisht se kishte një urdhër gjykate, që e ndalonte këtë. Në një rast të ngjashëm, Top Media u gjobit me një shumë prej 13 milion eurosh në vitin 2007, ndërkohë që presioni përmes gjobave është kryer edhe me mediet e tjera. Këtu mund të përmendet gjoba ndaj News24, i cili transmetoi një insert satirik për kryeministrin Berisha”,- thuhet ne raport.
Raporti per demokracine ne Shqiperi eshte realizuar permes 40 intervistave dhe konsultave me zyrtare te huaj, gazetare, analiste, eksperte ligjore si dhe duke u bazuar ne raportet e Komisionit Evropian, Reportereve pa Kufij dhe OSBE-ODIHR.

TEMA

Liberalizimi ne korrik, Rama lobon per levizjen e lire te shqiptareve ne vendet “Shengen”

Nga “Vizion Plus”

Shqiperia dhe Bosnja mund te perftojne liberalizimin e vizave qe ne korrik te ketij viti. Keshtu thuhet ne deklaraten e partive socialiste europiane, pjese e se ciles eshte edhe Partia Socialiste e Shqiperise, e nenshkruar ne sarajeve, ne kuader te integrimit te vendeve te ballkanit perendimor ne bashkimin europian. Me heret gjate ketij takimi kreu i PS-se Edi Rama, i kerkoi partive te majta europian të mbështesin Shqipërinë në liberalizimin e vizave. Duke lobuar për këtë proces Rama ka pohuar se udhëtimi pa viza do ta bënte më të mundur projektin politik për anëtarësim në BE.
Më tej Rama ka dhënë arsyen pse duhet të mbështeten vendet e Ballkanit Perëndimor në këtë process, i cili sipas tij, do të sjellë dhe një perspective të re për axhendën europiane.
Në cilësinë dhe të bashkëkryetarit të komitetit ndërministror për Europën Juglindore, Rama ka ftuar të pranishmit, që konferncën e ardhshme ta organizojnë në Tiranë, duke shprehur bindjen së në atë kohë qytetarët e Sarajevës dhe të Shqipërsië do të jenë të lirë të udhëtojnë në Europë.

TEMA

Berisha, peng i mekanizmit që e mban në pushtet

Nga Mero Baze, “Faktori Plus”

Ajo çfarë është e përbashkët në të gjithë raportet serioze ndërkombëtare që analizojnë situatën në Shqipëri, përfshi dhe raportin e organizatës prestigjioze FRIDE, i cili është bërë sot publik, ka të bëjë me faktin se liritë njerëzore, politike dhe ekonomike në Shqipëri janë përkeqësuar më së shumti pas procesit të deformuar zgjedhor të 28 Qershorit të vitit të kaluar. Ky dimension që shoqëron gjithë vlerësimet serioze për situatën politike në Shqipëri, tregon qartë se njeriu që ka humbur më shumë lirinë për t’iu përmbajtur detyrimeve si kryetar i qeverisë së Shqipërisë është Sali Berisha. Nëse kryeministri i vendit, nuk do të ishte i përfshirë në deformimin e procesit elektoral të qershorit të vitit të kaluar, atëherë ai do të ishte një kryeministër i lirë për të vepruar dhe për ta tejkaluar krizën që prodhoi ky deformim. Por sic vëren dhe ky raport, qeveria shqiptare ka hyrë në spiralen e betejës me çdo faktor politik, mediatik apo juridik në vend, që tenton të jetë i lirë, jashtë kontrollit qeveritar.

Kështu, të gjitha liritë e tjera në vend, kanë mbetur peng te mungesa e lirisë së kryeministrit për të mbajtur distancën e duhur ndaj njerëzve dhe fenomeneve që prodhuan pushtetin e deformuar të tij. Kështu kryeministri e ka të vështirë të lërë në baltë zyrtarë të tillë problematikë si Fatmir Mediu apo Lulëzim Basha, pasi kjo liri do të inkurajonte drejtësinë të vazhdonte më tej hetimet që mund të shkatërronin pushtetin e tij. Duke dhënë shembullin e mbrojtjes së tyre nga drejtësia, Sali Berisha ka garantuar çdo hajdut në krye të qeverisë për paprekshmërinë që ka, në rast se ai i shërben pushtetit të tij personal. Rasti i të pandehurve Basha dhe Mediu, që tashmë janë ende pjesë e qeverisë dhe jo e kontingjentit të burgjeve shqiptare, është një inkurajim për çdo kënd që vjedh dhe vret në këtë vend dhe një shuplakë e fortë për këdo që do të zbardhë krimin dhe korrupsionin në emër të ligjit. Arroganca, me të cilin Berisha e ka bërë këtë gjest për zyrtarët e tij në raport me drejtësinë, do të jetë një shembull jetëgjatë ilustrues për kapjen e shtetit dhe pushtetit gjyqësor në një vend pjesërisht të lirë.

Berisha po ashtu ka forcuar kontrollin mbi medien kritike pas 28 Qershorit. Raporti në fjalë citon rastet e gazetës “TemA” dhe TV “Top Channel”, ndërkohë që Berisha po udhëheq personalisht një fushatë edhe më radikale deri te segmentet e fundit të shtypit të lirë që kanë mbetur në këtë vend, duke përdorur kulaçin dhe kërbaçin ndaj pronarëve të saj, në shkëmbim të mbylljes së emisioneve televizive kritike apo ndryshimit të politikës editoriale të redaksive. Kontrollet tendencioze joprofesionale dhe gjobat e papërgjegjshme që po shqiptohen në adresë të pronarëve të këtyre medieve, po shënojnë një fazë të re vdekjeprurëse për lirinë e medies në Shqipëri. Edhe sikur sot të mos kishim para sysh kutitë e Ruzhdies, edhe sikur të mos kishim asnjë raport kritik për zgjedhjet e 28 Qershorit, mënyra se si Sali Berisha po investohet personalisht kundër lirive politike, ekonomike dhe lirisë së fjalëve ndaj kujtdo që nuk e ka nën kontroll, do të na mjaftonte të dyshonim se ai është i frikësuar nga liria jonë, pasi ai fsheh një krim të rëndë ndaj saj. Ky raport që hedh dritë mbi humbjen e lirive tona nën këtë qeveri, është një dëshmi se njeriu që ka humbur më shumë se kushdo tjetër lirinë për të qenë kryeministri i një vendi që është anëtar i NATO-s dhe që tenton të jetë kandidat për anëtar të BE-së, është kryeministri i këtij vendi. Ai tanimë është peng i mekanizmit që përdori për të mbajtur pushtetin dhe do të vazhdojë ta thellojë spiralen e tij antidemokratike në ditët që vijnë

TEMA

Shefi i NATO-s, vizite ne Tirane

Denis Dedej

Sekretari i Pergjithshem i NATO-s, Anders Fogh Rasmussen, do te zhvilloje javen e ardhshme vizite zyrtare njeditore ne Shqiperi. Lajmi konfirmohet nga burime zyrtare te Ministrise se Puneve te Jashtme. Vizita e zyrtarit te larte te Aleances se Atlantikut te Veriut koincidon nje dite perpara protestes se paralajmeruar nga opozita shqiptare ne Tirane. Do te jete data 29 prill, kur ne aeroportin e vetem ne Rinas “Nene Tereza”, ne oren 10:00 te paradites, do te mberrije funksionari me i larte i NATO-s. Vizita e Rasmussen ne Shqiperi eshte vizita e pare zyrtare ne vendin tone. Delegacioni qe do te prese zyrtarin e larte do te perbehet nga ambasadori i Republikes se Shqiperise ne NATO Artur Kuko, drejtori i Pergjithshem Spiro Koci, drejtori i Protokollit te Shtetit, Ridi Kurtezi dhe specialisti i Protokollit te Shtetit, Ermal Dredha. Pas pritjes zyrtare qe do t’i zhvillohet ne aeroport, delegacioni i NATO-s sebashku me ate shqiptar do t’i drejtohen Ministrise se Puneve te Jashtme. Pas mberritjes ne seline e diplomacise shqiptare, do te zhvillohet nje takim “koke me koke” midis zevendeskryeministrit dhe ministrit te Puneve te Jashtme, Ilir Meta dhe sekretarit te Pergjithshem te NATO-s, Anders Fogh Rasmussen. Pas ketij takimi qe do te zgjase perreth 10 minuta, do te kete nje takim te dy personaliteteve midis dy delegacioneve. Ky takim, sipas axhendes se vizites zyrtare te shefit te NATO-s ne Shqiperi, do te zgjase perreth 45 minuta. Mendohet qe ne kete takim do te flitet per rolin e Shqiperise si vend anetar i Aleances se Atlantikut te Veriut ne rajon, per ceshtjen e Kosoves, si edhe angazhimin e Shqiperise si vend anetar i kesaj organizate etj,. Pas bisedimeve dypaleshe do te kete nje konference te perbashket per mediat, Meta-Rasmussen, te cilet pervec zbardhjes se bisedes se tyre, do t’u pergjigjen edhe interesit te mediave per ceshtje te ndryshme, qe do te zgjase rreth gjysme ore. Me pas, zyrtari i lart i cili do te vizitoje diten e enjte vendin tone do te niset per ne ministrine e Mbrojtjes, ku do te zhvilloje nje takim me ministrin Arben Imami. Pas takimit 30-minutesh, Rasmussen do te niset per ne Kryeministri ku do te zhvilloje takim me kreun e qeverise, Sali Berisha. Pas takimit qe do te zgjase rreth 35 minuta, do te zhvillohet nje deklarate per shtyp. Me vone, do te kete nje dreke te ofruar nga zevendeskryeministri dhe ministri i Puneve te Jashtme, Ilir Meta, per sekretarin e Pergjithshem te NATO-s. Rreth ores 15:00, ky i fundit, do t’i drejtohet Kryesise se Kuvendit ku do te zhvilloje nje takim me kryeparlamentaren Topalli. Pas takimit me te, Rasmussen do te takohet gjithashtu me Presidentin e Republikes, Bamir Topi. Ne fund te kesaj vizite, zyrtari i lart i NATO-s, perfundon serine e takimeve ne vendin tone dhe do t’i drejtohet aeroportit. Atje ai do te zhvilloje edhe intervista me media edhe ne oren 17.30 do te largohet nga vendi yne.

Koha Jone

Basha: Vizat, nuk ka vonesa per shqiptaret

Rozeta Rapushi

Ministri i Brendshem, Lulezim Basha, beri te qarte dje se Shqiperia nuk rrezikon liberalizimin e vizave. Duke hedhur poshte te gjitha zerat dhe akuzat e selise roze, se per shkak te mos permbushjes se kritereve, vendi yne rrezikon te mos perfitoje nga liberalizimi i vizave, Basha tha se Shqiperia pret shume shpejt nje propozim pozitiv nga Komisioni Evropian. “Ka nje keqperdorim te disa mediave nga zoti Rama, i cili ka nxjerre prape nga sirtari endrren e tij se Shqiperia do te penalizohet. E kunderta eshte e vertete. Presim se shpejti nje propozim pozitiv nga Komisioni Evropian qe do t’i hape rrugen nje vendimmarrjeje pozitive, per heqjen e vizave per qytetaret shqiptare”, siguroi dje ministri i Brendshem. Basha permendi te gjitha takimet e zhvilluara prej tij jave me pare ne Bruksel, ku Shqiperia u vleresua nga komisioneret evropiane per arritjet dhe permbushjen e te gjitha kritereve te kerkuara ne udherrefyesin per liberalizimin e vizave me vendet e Bashkimit Evropian. Duke iu referuar edhe deklarates publike te vetem pak diteve me pare te Komisioneres per Punet e Brendshme dhe Drejtesine, Malstrom dhe eurodeputeteve Kukan dhe Fajon, tha se Komisioni Evropian do te kete nje raport pozitiv per Shqiperine dhe se do te mbahet premtimi per marrjen e vendimit per heqjen e vizave brenda vitit te pare te mandatit te dyte qeverises. Sipas Bashes standardet e vendosura nga Shqiperia, si per sa i perket dokumenteve te identifikimit ashtu edhe ne sigurine e kufijve, jane me te lartat ne rajon. “Shqiperia i ka plotesuar te gjitha kriteret e vendosura per liberalizmin e vizave dhe pretendimet per te kunderten, jane vetem deshira keqdashese te inspiruara nga kreu i PS-se, Edi Rama”, theksoi ministri, duke siguruar edhe njehere se shume shpejt pritet nje vendim i Komisionit Evropian, per liberalizimin e vizave. Keto qendrime ministri Basha i paraqiti ne nje komunikim me median pas takimit me prokurorin e Antimafias se Leces, Cataldo Motta. Basha dhe Motta, ndersa vleresuan bashkepunimin e deritanishem qe ka konsistuar edhe ne finalizimin me sukses te disa operacioneve te rendesishme kunder tentativave per trafik nga grupe te krimit te organizuar, shprehen gatishmerine dhe vendosmerine per intensifikimin e bashkepunimit ne fazen e re te luftes kunder krimit te organizuar qe ka te beje me goditjen dhe konfiskimin e aseteve ekonomiko-financiare te krimit te organizuar. Gjate vizites se zhvilluar ne Bruksel, pak dite me pare, si ministri Basha ashtu edhe kryeministri Sali Berisha, u vleresuan per arritjen dhe permbushjen e kritereve te udherrefyesit per liberalizimin e vizave. Kreret e shtetit shqiptar, u shprehen optimiste se vendimi do te merret brenda dy muajve nga Komisioni Evropian, pavaresisht faktit se kur do te hyje ne fuqi ai. Madje ministri Basha, u shpreh dite me pare se Shqiperia jo vetem qe brenda nje periudhe te shkurter kohore, i ka permbushur te gjitha kerkesat e udherrefyesit per liberalizimin e vizave, por edhe i ka tejkaluar ato. Duke shtuar keshtu se shume shpejt edhe shqiptaret e pajisur me pasaporta biometrike do te mund te levizin pa viza ne te gjitha vendet e Bashkimit Evropian.

Koha Jone