Ngjarjet tragjike të kësaj fundjave në Kumanovë, pritet të diskutohen në Ministerialin e NATO-s pas dy ditësh në Antalia të Turqisë. Këtë e konfirmoi gjatë konferencës së posaçme për shtyp Sekretari i Përgjithshëm i NATO-s, Jens Stoltenberg, kur u pyet nëse Aleanca do të angazhohej pas zhvillimeve të fundit në Maqedoni.

Të hënën diplomatë të vendeve të Bashkimit Europian dhe ai i Shteteve të Bashkuara në Shkup u takuan me kryeministrin Nikolla Gruevski ku janë diskutuar ngjarjet e Kumanovës dhe përgjimet e publikuara nga opozita maqedonase.

Edhe përkundër apeleve të shumta për ndihmë, asnjë funksionarë shtetëror ose lider politik shqiptar, nuk ka vizituar familjet në nevojë në Lagjen e Trimave në Kumanovë. Politikani i parë që vizitoi Kumanovën, familjet dhe pronat e dëmtuara ishte lideri i opozitës Zoran Zaev.

Ai theksoi se më e rëndësishmja për momentin është ndihma që u duhet këtyre banorëve të pastrehë dhe me pronë të shkatërruar.

Dyqane dhe shtëpi të demoluara, erë baroti e gëzhoja plumbash janë parë të kenë mbetur në rrugët dhe shtëpitë e Lagjes së Trimave në Kumanovë.

Kjo, krejt pas luftimeve që filluan dje në këtë vend mes policisë së Maqedonisë dhe një grupi të armatosur aty.

Policia maqedonase po bastis shtëpitë në Kumanovë

(E plotesuar) – Policia maqedonase ka filluar bastisjet shtëpi më shtëpi.

Në anën tjetër, një numër i madh civilësh janë duke i lëshuar shtëpitë e tyre dhe janë nisur në drejtim të Preshevës.

Ka nisur lufta, Kumanova e përfshirë nga flakët dhe krismat

Të shtëna të fuqishme të armëve të kalibrit të rëndë janë dëgjuar sërish në qytetin e Kumanovës. Lajmi bëhet i ditur nga mediat maqedonase, ndërsa nuk ka ende një version zyrtar. Mësohet se përleshja ka rinisur rreth orës 07:00 të mëngjesit të sotëm.

Sipas mediave, marrë shkas nga situata kaotike në këtë qytet, është shtuar prania e forcave policore, kryesisht forca speciale, ndërsa nga larg mbikëqyret nga helikopterë. Siç duket edhe kjo ditë nuk ka për të qenë e qetë për banoret e Kumanovës, të cilët u zgjuan të tmerruar ditën e djeshme nën breshërinë dhe sulmin e armëve. Ndërkohë, ngelet ende mister dhe ka të dhëna kontradiktore

Lidhur me këtë ngjarje dhe konfliktin e armatosur ka të dhëna kontradiktore. Dje, gjatë orëve të mbrëmjes, ministrja e Brendshme, Gordana Jankullovska deklaroi gjatë një konferencë për shtyp se grupi i armatosur i është dorëzuar policisë. Nga ana tjetër, pjesëtar të këtij grupi gjithashtu kanë deklaruar për mediat se qeveria e Maqedonisë ka përhapur dezinformata se janë arrestuar pjesëtarë të UÇK-së.

Në faqen e Facebook UÇK dje është hedhur një video e cila supozohet se është nga të shtënat në Kumanovë. Nuk dallohet se në cilën anë është sepse dëgjohen vetëm të shtëna.

Në Kumanovë vriten 7 policë, njëri është shqiptar nga Shkupi

Bilanci i policëve që kanë humbur jetën në përleshjet e djeshme në Kumanovë ka arritur në 7 policë. Informacionet flasin se njëri polic nga njësitet speciale është nga Studenicani i Shkupit.

MPB pritet të jap hollësi dhe të zbardh identitetin e dy policëve të vrarë nga pesë policët që dje u vranë në përleshjet e armatosura në Kumanovë. Deri tani është zbardhur identiteti i tre pjesëtarëve të policies.

Në Lagjen e Trimave po luftohet nga të njëjtat shtëpi ku dje ka pasur luftime

Informacionet më të fundit nga Lagja e Trimave në Kumanovë thonë se luftimet që ka nisur sot që nga ora 07, krismat dëgjohen nga të njëjtat shtëpi ku dje ka pasur të shtëna.Do të thotë luftimet bëhen nga të njëjtat shtëpi.

Lidhur me këtë ngjarje dhe konflikt të armatosur ka të dhëna kontradiktore.

Një polic i vrarë dhe dy të plagosur sot në mëngjes nga luftimet në Kumanovë?

Kanë rifilluar mëngjesin e sotëm luftimet në Kumanovë. Gazetari i Portalit Albeu.com nga Kumanova konfirmon se luftimet kanë rifilluar rreth orës 7:15 të mëngjesit ndërsa në orën 7:40 në Spitalin e Kumanovës janë dërguar 2 policë të lënduar dhe një tjetër i cili kishte ndërruar jetë nga plagët e marra.

Në Kumanovë, në këtë momente vazhdojnë të dëgjihen krisma ndërsa helikopterët fluturojnë mbi lagjen shqiptarë.

Vazhdojnë përplasjet e armatosura në Kumanovë

Rreth orës 7 të mëngjesit të së dielës janë regjistruar të shtëna dhe shpërthime të reja në Kumanovë, ku gjatë tërë ditës së shtunë janë zhvilluar luftime të ashpra ndërmjet forcave policore dhe një grupi të armatosur që prezantohet si Ushtria Çlirimtare Kombëtare.

Nuk ka të dhëna për pasoja në njerëz nga të shtënat e sotme, por dëshmitarët thonë se kanë parë lëvizjen e automjeteve të ndihmës së shpejtë. Mbi këtë lagje edhe sot kanë fluturuar edhe helikopterët e policisë.

Arrin në shtatë numri i policëve të vrarë, gjatë përleshjeve të djeshme mes forcave policore dhe grupit të armatosur. Në mesin policëve të vrarë është edhe një policë nga Studeniçani i Shkupit, varrimi i të cilit do të bëhet sot pas namazit të drekës.

Çdo situatë e pazakontë, përcillet dhe me pamje jo të zakonta, zakonisht prekëse, për shkak të forcës shprehëse që përcjellin. Kështu, për ngjarjet e 24 orëve të fundit në Kumanovë të Maqedonisë, është veçuar dhe portreti i kësaj vajze të vogël, tronditja e së cilës dallohet qartë në sytë e saj të njomëzuar.

Një pjesëtarë i Ushtrisë Çlirimtare Kombëtare ka rrëfyer atë që ndodhi mëngjesin e së shtunës n Lagjen e Trimave në qytetin e Kumanovës.
“Në mesin e djemve që ishin aty isha edhe unë”, rrëfen një pjesëtarë i Ushtrisë Çlirimtare Kombëtare për Gazetën Fjala.

Aktivistja Meri Nikolova reagoi ndaj luftimeve të sotme në Kumanovë, duke e fajësuar kryeministrin e Maqedonisë Nikolla Gruevski, transmeton zhurnal.mk

“Deri kur bre Gruevski shqiptarët do t’i bësh terrorist dhe të paarsimuar? Ata janë më të mençur dhe më dashamirës nga ti dhe mjaft më i nënçmuat para botës. Ju jeni terrorist, paguani terrorist

Në Kumanovë sot ka pasur luftime ndërmjet forcave policore dhe ushtarake maqedonase dhe dy grupeve shqiptare të paguara lehtë e lirë në shërbime të skenarëve antishqiptare, thonë burime të gazetës “Bota sot” nga Kumanova.