Joe Biden është zyrtarisht presidenti i 46-të Shteteve të Bashkuara të Amerikës, pasi bëri betimin tradicional mbi Bibël.

Gjatë fjalimit të tij të parë si kreu i Shtëpisë së Bardhë, Biden u shpreh se sot festohet jo triumfi i një kandidati por triumf i demokracisë.

Biden u ndal edhe tek pandemia e Covid-19 teksa u shpreh se virusi ka marrë jetë në një vit më shumë se sa Lufta e Dytë Botërore.

“Sot festojmë triumfin jo të një kandidati, por të një kauze, të demokracisë. Kemi mësuar se demokracia është e brishtë, por në këtë moment miqtë e mi, demokracia ia ka dalë. Në këtë tokë të betuar, kur vetëm pak ditë më parë dhuna u mundua të shkundë themelet e Kapitolit, ne erdhëm të gjithë së bashku për të kaluar në mënyrë të paqtë pushtetin. Siç e kemi bërë gjithmonë ne amerikanët”, tha presidenti në fjalimin e tij.

“Falënderoj paraardhësit e mi, presidentët që janë këtu sot. I falënderoj vërtet shumë nga zemra. E di që Kushtetuta jonë është e fuqishme dhe shteti ynë është i fuqishëm. Kemi shumë për të rregulluar, shumë për të fituar. Pak njerëz në historinë e kombit tonë kanë pasur një kohë më sfiduese sesa kjo në të cilën gjendemi sot. Ky virus që ka marrë më shumë jetë në një vit sesa Amerika ka humbur në Luftën II Botërore.

Në një janar tjetër të vitit 1863, presidenti Abraham Lincoln nënshkroi aktin e emancipimit. Ai tha se kishte dhënë shpirtin e tij te ky vendim. Sot, në këtë janar, edhe unë jap shpirtin tim për të bashkuar kombin tonë. Dhe i kërkon çdo amerikani të më bashkohet në këtë kauzë. Të bashkohemi për t’u përballur me armiqtë e përbashkët, si urrejtja, sëmundja, mungesa e punës, përmirësimi i arsimit për fëmijët tanë, të kalojmë dasitë racore dhe të mposhtim këtë virus”.

Në fund, presidenti i 46-të i Shteteve të Bashkuara pati edhe një mesazh për të gjithë botën.

“Amerika është vënë në provë. Por do t’i riparojmë aleancat. Do të udhëheqim jo me shembullin e fuqisë sonë, por me fuqinë e shembullit tonë”.

Biden, 78 vjeç, është presidenti më i vjetër amerikan që merr detyrën. Ai i ka fituar zgjedhjet presidenciale të 3 nëntorit, 2020, kundrejt presidentit të deritanishëm, Donald Trump. Kongresi e ka miratuar fitoren e tij më 6 janar.

Dhoma e Përfaqësuesve e Kongresit amerikan pritet të votojë sot për ngritjen zyrtarisht të akuzave për shkarkimin e Presidentit Donald Trump.

Ngritja e akuzës mund të bëhet, dhe kjo është padyshim hera e parë në historinë amerikane që ndaj një presidenti ngrihen dy herë akuza për shkarkim gjatë mandatit të tij, por shkarkimi me gjasë nuk do ndodhë.

Por presidenti Trump duket se nuk është i shqetësuar. BBC shkruan se Presidenti po kalon një ditë të qetë në shtëpi ndërsa ligjvënësit në Capitol Hill po punojnë për ta fajësuar atë.

Ai ka qenë në rezidencën gjatë gjithë mëngjesit dhe pret të shohë se çfarë do të ndodhë më pas.

Në një pjesë tjetër të ndërtesës, Krahut Perëndimor, stafi i tij është përqendruar në detyrën që ka përpara: paketimin e gjerave në mënyrë që të mund të largohen.

Ngjarja që nuk ndodhte qe nga Lufta CIVILE

Natën e kaluar ishte hera e parë që nga Lufta Civile e SHBA që trupat federale flinin në Kapitol për ta mbrojtur atë nga dhuna e mundshme, thonë raportet.

Trupat nga Garda Kombëtare u panë duke fjetur pranë një busti të Abraham Lincoln, presidentit që udhëhoqi Bashkimin gjatë konfliktit 1861-1865 që mori 620,000 jetë amerikane.

Ndersa tani, mediat amerikane kanë publikuar pamjet jo vetëm të asaj që ndodh brenda Kapitolit ku po vijojnë diskutimet, por edhe jashtë, ku institucioni është i rrethuar dhe blinduar nga Garda Kombëtare, pasi i tremben një tjetër sulmi nga mbështetësit e Trump.

Ndërsa ligjvënësit debatojnë brenda për fajësimin e Presidentit Trump, forcat e armatosura janë rreth Kongresit. Trafiku është mbyllur plotësisht rreth Kapitolit.

Për të gjithë ata që kanë pyetur, unë nuk do të marrë pjesë në Inaugurim më 20 janar”, shkroi Trump në Twitter.

Ish-presidentët amerikanë, Barack Obama dhe Bill Clinton do të marrin pjesë në inaugurimin e presidentit të zgjedhur Joe Biden.

Sipas CNN, ata do t’iu bashkohen ish-presidentit George W.Bush, i cili gjithashtu planfikon të jetë në Washington për transferimin zyrtar të pushtetit.

Vendimet e raportuara të premten, erdhën në të njëjtën kohë kur presidenti në largim, Donald Trump, njoftoi se ai nuk do të marrë pjesë në ceremoninë më 20 janar.

“Për të gjithë ata që kanë pyetur, unë nuk do të marrë pjesë në Inaugurim më 20 janar”, shkroi Trump në Twitter.

Zëvendëspresidenti Mike Pence, po planifikon të marrë pjesë në inaugurim, por po pret një ftesë, konfirmoi të enjten një burim pranë tij për CNN.

Twitter ishte rruga më e rëndësishme e komunikimit të Donald Trump: Pas mësymjes së Kapitolit në Uashington, shërbimi i medias sociale merr vendimin e bllokimit të vazhdueshëm të presidentit në largim.

“Pas një verifikimi të kujdesshëm të tweet-eve të llogarisë @realDonaldTrump”, ajo është “bllokuar në mënyrë të vazhdueshme”, bëri të ditur Twitter. Arsyeja është “rreziku për një nxitje tjetër të dhunës”, bëri të ditur shërbimi i lajmeve të shkurtra. Në një argumentim të mëtejshëm, Twitter konkretisht iu referua dy mesazheve të presidentit Trump në largim, ditën e premte. Në njërin prej tyre Trump kishte shkruar, se të 75 milionë “patriotët amerikanë të shkëlqyer”, që kanë votuar për të në zgjedhje, do të kenë edhe më tej në të ardhmen “një zë vigan”. Ata nuk do duhet të nënvlerësohen apo të trajtohen pa të drejtë në ndonjë formë. Në një mesazh tjetër, Trump bëri të ditur, se ai nuk do të marrë pjesë më 20 janar në ceremoninë e dorëzimit të mandatit tek pasuesi, Joe Biden.

Presidenti i zgjedhur Joe Biden kur u pyet nëse beson se forcat e rendit do të jenë në gjendje të sigurojnë ceremoninë e tij të inaugurimit më 20 janar, kur ai zyrtarisht merr çelësat e Shtëpisë së Bardhë, tha se ai ka “besim të madh në Shërbimin Sekret” dhe komitetin e inaugurimit.

“Unë kam besim në planifikimin që ka qenë në proces”, tha Biden gjatë fjalimit të tij nga Delaware.

Por, kur u pyet se si ndihet që Trump e ka bojkotuar ceremoninë e inaugurimit, Biden e quajti një nga gjërat e pakta që ai dhe Trump bien dakord, duke shtuar se është diçka e mirë që ai s’do të jetë aty.

Ndërkaq, për Mike Pence që u nda përfundimisht nga Trump dhe që e certifikoi Biden president në Kongres të mërkurën pasi ligjvënësit rikthyen kontrollin e dhomës – është ende “i mirëpritur” për të marrë pjesë.

Kreu i Organizatës Botërore të Shëndetësisë tha të martën se ishte “shumë i zhgënjyer” që Kina ende nuk ka autorizuar hyrjen e një ekipi ekspertësh ndërkombëtarë për të shqyrtuar origjinën e koronavirusit, shkruan VOA.

“Sot, ne mësuam se zyrtarët kinezë nuk kanë nxjerrë ende lejet e nevojshme për mbërritjen e ekipit në Kinë,” tha Drejtori i Përgjithshëm i OBSH-së Tedros Adhanom Ghebreyesus në një konferencë shtypi në Gjenevë.

“Unë kam qenë në kontakt me zyrtarë të lartë kinezë dhe e kam bërë edhe një herë të qartë se ky mision është një përparësi për OBSH-në,” u tha ai gazetarëve.

Disa anëtarë të ekipit ndërkombëtar ishin nisur për në Kinë, ku shpërthimi i virusit u raportua për herë të parë në qytetin Wuhan, dhe pritej të fillonin punën të martën.

Kina ka mohuar se është përpjekur të fshehë lidhjet e saj me pandeminë që u shfaq në fund të vitit 2019, megjithëse disa analistë dhe personalitete, duke përfshirë Presidentin amerikan Donald Trump, kanë hedhur dyshime rreth veprimeve të Pekinit gjatë shpërthimit të koronavirusit, raporton VOA.

Mike Ryan, shefi i emergjencave në OBSH, tha se agjencia me seli në Gjenevë ua kishte theksuar në mënyrë të veçantë zyrtarëve kinezë natyrën e rëndësishme të misionit.

“Ne kemi besim dhe shpresojmë se kjo është vetëm një çështje logjistike dhe burokratike që mund të zgjidhet shumë shpejt,” tha zoti Ryan. “Ne kemi besim se me mirëbesim mund t’i zgjidhim këto çështje në orët e ardhshme,” tha ai.

Armenia dhe Azerbajxhani ranë dakord me ndërmjetësimin e Moskës për armëpushim, por ende jo për kushtet specifike.

Dy javë pas rinisjes së luftimeve mbi rajonin e Kaukazit, Nagorni-Karabah, Armenia dhe Azerbajxhani arritën një marrëveshje armëpushimi, njoftoi ministri i Jashtëm rus Sergei Lavrov, i cili ndërmjetësoi midis palëve në konflikt. Por ende nuk është e qartë për sa kohë do të zbatohet ajo, sepse “për kushtet specifike për armëpushimin nuk është rënë dakord ende,” tha Lavrov pas dhjetë orë bisedimesh me homologët e tij nga Armenia dhe Azerbajxhani. Gjithësesi të dy palët kishin dakord në parim për bisedime për paqe.

Armëpushimi pritet të nisë gjatë mesditës së ditës së sotme (10.10.) por të shtunën në mëngjes pati njoftime për luftime të vazhdueshme nga të dy palët.

Sipas marrëveshjes do të shkëmbehen gjithashtu edhe të burgosurit si dhe do të dorëzohen trupat e të vrarëve në luftime. Për zbatimin e armëpushimit do të ndihmojë Komiteti Ndërkombëtar i Kryqit të Kuq, tha Lavrov. Bisedimet e paqes do të zhvillohen nën kujdesin e Organizatës për Siguri dhe Bashkëpunim në Evropë (OSBE).

Qindra të vdekur

Në Nagorni-Karabah në Kaukazin Jugor jetojnë kryesisht armenë të krishterë dhe në vitin 1991 ky u shkëput nga Azerbajxhani, të ciliti takon sipas të ndrejtës ndërkombëtare civile.

Nga luftimet që shpërthyen në fund të shtatorit thuhet se kanë vdekur qindra vetë. Meqenëse Armenia është aleate me Rusinë dhe Azerbajxhani mbështetet nga Turqia, konflikti kërcënon të përhapet përtej rajonit me pasoja të mëdha për ekonominë, sepse nëpër Kaukazin e Jugut kalojnë gazsjellës të rëndësishëm dhe tubacione nafte.

Luftimet aktuale janë më të rëndat që nga lufta e viteve 1991-1994, gjatë së cilës u vranë rreth 30,000 vetë. Kjo luftë përfundoi me një armëpushim, i cili shkelet vazhdimisht.

Woody Johnson, ambasadori amerikan në Mbretërinë e Bashkuar, ka akuzuar Kinën për përfshirje në propagandë të ashpër dhe të rrezikshme për koronavirusin, duke thënë se bota mund të ishte kursyer nga ndikimi i plotë nëse zyrtarët kinezë nuk do t’i mbulonin faktet.

Në një pjesë opinioni të botuar në gazetën britanike The Times, Johnson thotë se Kina dështoi në detyrimin e saj ndaj bashkësisë ndërkombëtare për të shpërndarë informacione rreth shpërthimit në mënyrë transparente.

“Së pari (Kina) u përpoq të shtypë lajmin. Pastaj, ajo ka punuar për të mbrojtur popullsinë e vet duke shpërndarë në mënyrë selektive informacion kritik, të tilla si të dhëna për sekuencat gjenetike “ shkroi Johnson.

“Sikur Kina të kishte bërë gjërat e duhura në kohën e duhur, më shumë nga popullsia e saj dhe pjesa tjetër e botës, mund të ishte kursyer ndikimi më serioz i kësaj sëmundje.

Ai shtoi se kur kriza zvogëlohet, do të duhet të bëhet një vlerësim i kostove të “prishjes së bashkëpunimit ndërkombëtar” dhe veprimeve të Kinës herët.

Presidenti i SHBA-ve, Donald Trump nëpërmjet postimeve në Twitter është shprehur se njerëzit duhet të përdorin HYDROXYCHLOROQUINE dhe AZITHROMYCIN të marra së bashku pas kanë një shans të vërtetë për të qenë efekti sa i përket koronavirusit.

Trump shkruan:

HYDROXYCHLOROQUINE & AZITHROMYCIN, të marra së bashku, kanë një shans të vërtetë për të qenë një nga ndryshuesit më të mëdhenj të lojës në historinë e mjekësisë. FDA ka zhvendosur male – Faleminderit! Shpresojmë se ata të dyja (H punon më mirë me A)

…. të vihet në përdorim të menjëhershëm. njerëz po vdesin, lëvizni shpejt dhe zoti i bekoftë të gjithë.

Në Zvicër numri i personave të infektuar me virusin vdekjeprurës COVID-19 ka shkuar në 6,100 persona.

Mediat e huaja raportojnë se ky numër është rritur me 25% në krahasim me numrin e personave të testuar  dje, ndërsa numri i viktimave ka shkuar në 56, sipas ministrisë së shëndetësisë.

Spitalet që ndodhen në kufirin me Italinë, që ndodhen në Ticino po përballen me një presion të madh.

“Situata në Ticino është shumë e tensionuar,” tha Daniel Koch, zyrtar për komunikim në Zyrën Federale të Shëndetit.

Megjithatë, shërbimet shëndetësore kanë raportuar se ka ende disa shtretër të lirë në spitalin e Ticino-s.

“Worldometers”, e cila publikon në kohë reale të dhëna nga koronavirusi, bën të ditur se deri më tani në Zvicër 15 persona kanë arritur të shërohen, shkruan albinfo.ch.

Ndërkohë që edhe Gjermania, Austria dhe Franca po përbllen me numër të madh të të prekurve, numri i shërimit ka arritur në 180 persona në Gjermani, 1857 persona në Francë dhe nëntë në Austri.