Rozeta Rapushi

 

Ashpersohet gjuha mes pozites dhe opozites ne Parlament. Nga foltorja e Kuvendit, deputeti socialist Taulant Balla, kercenoi se PS do t’i hape kutite me 30 prill, do apo nuk do kryeministri Sali Berisha, duke e cilesuar ate si nje “kryehajdut kavalier” qe manipulon zgjedhjet dhe vjedh votat. “Zoti Kavalier, me 30 prill ne do t’i hapim kutite, do apo s’do ti. Ne do t’i hapim kutite me 30 prill per te nxjerre ne drite jo vetem mekanizmin e vjedhjes se votave, por edhe per te cliruar Shqiperine nga skllaveria e keqqeverisjes dhe per te hapur nje here e mire rrugen e mireqenies”, tha Balla, pa detajuar qendrimin e selise roze, se si do t’i hape kutite e votimit. Duke shkuar me tej, deputeti socialist akuzoi drejtperdrejte kreun e qeverise dhe kabinetin e tij se po vjedh gjithcka, nga prona deri tek vota. “Sot kemi nje qeveri qe vjedh gjithcka. Vjedh parate e rrugeve te pambaruara dhe te tuneleve qe shemben pa u hapur. Vjedh toka dhe troje. Trafikon arme e barut; dhe vret jete te pafajshme. Blen e shet energji, por mbyt nen uje popullin e vet. Ja pse kryehajduti Kavalier manipulon zgjedhjet duke vjedhur votat. Qytetaret shqiptare do te ushtrojne me 30 Prill te drejten dhe detyrimin per te rimarre ne dore fatet e tyre, sepse fatet e vendit jane marre peng nga nje pushtet i dale jashte vullnetit te popullit”, akuzoi Balla. Duke nenvizuar se “do te doja t’i beja thirrje Berishes ta ndjeke me mire seancen ketu ne salle, se nga zyra e zonjes Jozefine. Si mund te gjesh kurajen, te tallesh sot ne kete salle per rritje ekonomike, kur buxhetoret ende nuk kane marre rrogen e marsit”. Fjala teper kritike e socialistit, irritoi jo pak kryetaren e Kuvendit, Jozefina Topalli, e cila kerkoi nga protokolli zbardhjen e fjales se Balles dhe mbledhjen e menjehershme te Byrose se Kuvendit, pasi me kercenimet dhe trillimet e bera ne seance, shkeli rregulloren. “Ju zoteri shkelet rregulloren e Kuvendit, me kercenime e trillime per personalitete te larta te shtetit. Byroja do te mblidhet menjehere per te marre masa, per shkeljen flagrante”, tha Topalli, duke paralajmeruar ndeshkimin e Balles. Ne replike me kryetaren, deputeti socialist, tha se nuk terheq asnje fjale nga ato qe ka thene ne Kuvend. “Kam gjithe te drejten dhe provat per kryehajdutin. Nuk i heq asnje presje fjales time. Ky person eshte i lidhur drejtperdrejte me aferat publike ne vend, me tragjedine e Gerdecit, me abuzimet ne rrugen Durres-Kukes qe shkojne deri ne 500 milione euro”, replikoi Balla. I njejti tension mes kryetares Topalli dhe deputeteve te opozites, u perserit me Sajmir Tahirin. Ky i fundit duke e cilesuar nje turp per kryeministrin qe vjen ne seance sa per te mbajtur fjalen dhe iken, i tha Topallit, qe te mbaje gojen mbyllur kur flasin deputetet. “Me mire transkripto fjalen e Berishes, dhe mos e deno, se e denojme ne dhe shqiptaret”, tha Tahiri. “Ah i mjeri ti. Nese nuk e meson rregulloren edhe ti nuk vjen me ne seancen tjeter apo ne disa seanca, qe ta mesosh mire ate, se fjala turp nuk thuhet”, reagoi Topalli. Basha Ne mungese te kryeministrit Berisha ne salle, ishte ministri i Brendshem, Lulezim Basha, ai qe i ktheu pergjigje akuzave te Balles, per nje qeveri hajdute qe merret me trafikime. “Doni apo nuk doni ju, ne pune kemi bere. Megjithese kemi ende shume pune, sepse ka edhe ndonje trafikant qe ka perfunduar ne Parlament”, tha Basha.

 

Marre nga gazeta”Koha Jone”