Presidenti i SHBA Joe Biden tha se administrata e tij është “gati të ndërmarrë veprime të mëtejshme” pas sulmeve nga grupet e lidhura me Iranin kundër trupave amerikane të vendosura në Irak dhe në Siri.

Një deklaratë të tillë, ai e bëri në një letër drejtuar kryetarit të ri të Dhomës së Përfaqësuesve, Mike Johnson.

Letra del në dritë pasi Pentagoni njoftoi se avionët luftarakë amerikanë kishin nisur sulme në dy objekte të përdorura nga Garda Revolucionare, një organ elitar i ushtrisë iraniane dhe “organizatat e lidhura me to” në Sirinë lindore.