Qeveria e Maqedonisë ka miratua dhe dorëzuar në Kuvend, propozimin për ndryshimet kushtetuese që kanë të bëjnë me ndryshimin e emrit.

Zëdhënësi qeveritar, Mile Boshnjakovski theksoi se i mbetet deputetëve që të hapin rrugën e integrimit të vendit drejt NATO dhe BE. Ai bëri të ditur edhe ndryshimet që do të bëhen dhe kjo nënkupton që emrit Maqedoni ti shtohet e Veriut, pra Maqedonia e Veriut.

Në preambulën e Kushtetutës do të përfshihen edhe dokumente konkrete të Kuvendit antifashist të Maqedonisë së çliruar popullore (ASNOM).

Në nenin 3 nënvizohen garancitë e kufijve territorial, ku theksohet se kufijtë janë të paprekshëm dhe se vendi nuk ka pretendime territorial ndaj fqinjëve.

Neni 4 përfshin përkujdesje për diasporën maqedonase dhe qytetarët e tjerë të Republikës së Maqedonisë Veriore që jetojnë jashtë shtetit.

Propozimi është publikuar në faqen e Qeverisë, por vetëm në versionin maqedonisht dhe jo shqip e anglisht.
Lexo më shumë në: https://www.gazetaexpress.com/lajme/ja-cfare-permban-propozimi-per-ndryshimet-kushtetuese-per-nderrimin-e-emrit-te-maqedonise-583347/?utm_source=referral&utm_medium=web&utm_campaign=copyright

Kryeministri i Maqedonisë, Zoran Zaev ka deklaruar se në rast në rezultati i referendumit, më 30 shtator, rezulton me një votë më shumë “kundër” se sa “për”, atëherë do të anulojë marrëveshjen me Greqinë për kontestin e emrit.

“Shumica e qytetarëve do të vendosë se si do të veprojnë deputetët. Do të vendosin ata që votojnë, ata që nuk votojnë nuk do të numërohen. Nëse do të ketë një votë më shumë kundër, ne do ta anulojmë marrëveshjen. Nëse shumica është ‘për’ duhet të presim që deputetëve pa dallim nëse janë në pushtet apo opozitë të vazhdojnë procesin sipas vullnetit të qytetarëve”, ka deklaruar Zaev.

Kreu i qeverisë tha se beson se referendumi do të jetë i suksesshëm, pasi bëhet fjalë për të ardhmen e shtetit dhe i bëri thirrje liderëve të të gjitha partive që të deklarohen se si do të veprojnë në ditën e referendumit.

“Vendimet tona, i imi, i (Nikolla) Dimitrovit nuk do të kenë asnjë vlerë nëse populli nuk i voton. Kjo është e bukura e referendumit. Premtimi që të organizohet referendum rrjedh nga VRMO-DPMNE-ja qysh para 12 vjetëve, dhe ne si LSDM e kemi pranuar dhe është mirë që këtë premtim ta mbajmë. Në faqen 295 të programit të VMRO-DPMNE-së shkruan se ‘vetëm qytetarë në referendum do ta sjellim vendimin’, dhe unë pajtohem 100 përqind me këtë. Unë pajtohem me VMRO-në dhe besoj se kështu do të veprojmë në ditën e referendumit. Unë do të votoj ‘për’. Edhe liderët e tjerë duhet t’i tregojnë qëndrimet e tyre, pasi udhëheqim subjekte politike, përgjegjësia jonë është që të marrim vendime dhe ato duhet ti dinë qytetarët”, ka deklaruar Zaev.

VMRO-DPMNE-ja opozitare mbetet në qëndrimin e deritanishëm që qytetarëve t’i lihet vet të vendosin se si do të veprojnë në referendum, duke mos i ftuar të votojmë apo të mos votojnë, më 30 shtator.

Teksa dita e referendumit historik në Maqedoni po afrohet, mbështetja e liderëve ndërkombëtarë sa vjen e shtohet.

Në vazhdën e vizitave të figurave më të rëndësishme të politikës europiane dhe asaj amerikane në Shkup, presidenti francez Emmanuel Macron zgjodhi që thirrjen pro votës popullore të 30 shtatorit ta japë përmes një videomesazhi.

“Kjo marrëveshje ishte e pashpresë pak muaj më parë. Kjo marrëveshje pritet prej 27 vitesh. Kjo marrëveshje u bë e mundur sepse drejtuesit tuaj dhe ata grekë u treguan kurajozë.

Dhe unë e mbështes plotësisht, me forcë. Mendoj se është në qendër të së ardhmes së vendit tuaj. Është në qendër të ambicieve të të rinjve tuaj dhe të asaj që ne mund të bëjmë bashkë në vitet e ardhshme”, u shpreh Macron.

Të premten kryeministri maqedonas Zoran Zaev u takua në Uashington me zv/presidentin amerikan Mike Pence. Numri 2 i Shtëpisë së Bardhë shprehu mbështetjen e fortë të SHBA-ve për referendumin, duke e quajtur një mundësi të artë për anëtarësimin e Maqedonisë në NATO e BE.

Ankesa e familjes së vogëlushit 4-vjeçar Almir Aliu, i cili u shkel me makinë nga personi Boban Iliq, për vendimin e shkallës së parë të Gjykatës së Kumanovës, që u dorëzua në fund të muajit qershor, ka arritur në Gjykatën e Apelit, shkruan Alsat-M, i cili njofton se seanca gjyqësore është caktuar me datë 1 tetor 2018.

Në korrik të vitit 2016-të, vogëlushi nga Kumanova Almiri, u shkel me makinë nga Iliqi, pasi që paraprakisht babai i vogëlushit dhe ai kishin pasur një zënkë banale në ambulancë.

Fillimisht, Iliq ndiqej për veprën vrasje me paramendim, megjithatë e njëjta më pas u rikualifikua nga Prokuroria duke e ndjekur për veprën penale “vepra të rënda kundër sigurisë së njerëzve dhe pronës në komunikacion nga neni 300 paragrafi 2 në lidhje me nenin 297 paragrafi 1 nga Kodi Penal”.

Për rastin në fjalë ka pasur reagime të ashpra në opinion, duke organizuar protesta masive nga qytetarët të cilët e dënuan aktin e Prokurorisë, për shkak të rikualifikimit të lëndës.

Gjatë gjykimit, pati reagime në lidhje me atë se janë bërë lëshime gjatë procedurës, gjegjësisht janë marrë për dëshmi ekspertizat neuropsikiatrike të ekspertëve me licenca me afate të skaduara. Pos kësaj, edhe pse në kamerat e sigurisë shihet qartë se vëllai i Bobanit, Bojan Iliq, ka qenë i përfshirë në rrahjen me Sedat Aliun, Sami Demirin dhe Abdulla Aliun, ai nuk u përfshi në akuzë, gjegjësisht nuk u dënua.

Sipas vendimit të shkallës së parë, Iliq u dënua me 6 vjet burg, babai i Almir Aliut, Sedat Aliu me 6 muj burg ndërsa Sedat Demiri dhe Abdullah Aliu me 9 muaj burg për “dhunë”

Ministri i Mbrojtjes i SHBA James Mattis në Shkup: “Referendumi që do të mbahet më 30 shtator në Maqedoni është vota më e rëndësishme në historinë e vendit”

“Bashkohuni me një Aleancë që angazhohet në zbatimin e standardeve për integritetin territorial dhe lirinë nga detyrimi i atyre që përpiqen të ulin këto vlera nga Siria deri në Ukrainë”, kështu u shpreh ministri i Mbrojtjes i SHBA James Mattis gjatë qëndrimit në Shkup. Sipas tijë referendumi që do të mbahet më 30 shtator në Maqedoni është vota më e rëndësishme në historinë e vendit.

“Të citoj kancelaren Merkel, përderisa votoni në referendum për anëtarësim në NATO, ju jepni votën më të rëndësishme në historinë e kombit tuaj. Ne e njohim procesin e zgjidhjes politike që qëndron para kombit tuaj. Ju mbështesim juve dhe miqtë tanë maqedonas në përgjegjësinë tuaj demokratike për të votuar”, ka deklaruar Mattis.

E njohim procesin kompleks politik, i cili qëndron përpara dhe j’u përkrahim  në realizimin e votës tuaj demokratike dhe përgjegjësinë të votoni, ka thënë Mattis.

“Jemi të gatshëm që t’ju dëshirojmë mirëseardhje si anëtare e 30-të në aleancë. Vota në referendum është vota më e rëndësishme historike e vendit tuaj”, ka theksuar Mattis, duke shtuar se këtë porosi do t’ia përcjell edhe kryetarit të shtetit Gjorgje Ivanov. Ai tha se anëtarësimi në NATO sjell siguri dhe zhvillim ekonomik më të fuqishëm për Maqedoninë.

“Duke iu bashkangjitur NATO-s, ju do të rrisni sigurinë e shtetit tuaj dhe kjo do të sjellë ekonomi dhe siguri më të lartë. Ashtu siç u rritën investimet në Mal të Zi, të njëjtat do të rriten edhe në Maqedoni”, ka thënë sekretari amerikan.

Marrëdhëniet në fushën e mbrojtjes midis Maqedonisë dhe SHBA-së, Mattis i vlerësoi të fuqishme dhe tha se SHBA e njeh udhëheqjen e vendit si fuqi të rëndësishme stablizuese në Ballkan dhe më gjerë. Maqedonia ka dëshmuar të jetë partnere i përgjegjshme dhe kontribuese e rëndësishme për paqen globale dhe sigurinë.

Zaev: Ballkani Perëndimor po integrohet në familjen evropiane

Kryeministri i Maqedonisë Zoran Zaev tha, se sekretari amerikan i Mbrojtjes vjen në Maqedoni në një periudhë të jashtëzakonshme kur qytetarët janë duke u përgatitur për të dhënë votën e tyre për pranimin e marrëveshjes për zgjidhjen e çështjes së emrit me Greqinë.

“Vendet e Ballkanit Perëndimor të integruar në familjen euro-atlantike janë një garanci për një parandalim të qëndrueshëm të përfshirjes së palëve të treta këtu në rajon. Vazhdimisht i inkurajojmë liderët tonë rajonal të bashkohen në arritjen e objektivave të përbashkët, paqe të qëndrueshme, bashkëpunim rajonal, zhvillim ekonomik dhe integrim të kombeve në familjen euro-atlantike”, është shpreh  Zaev.

Rusia dhe çështja e referendumit

Ministri i Mbrojtjes i SHBA Mattis, para ardhjes në Shkup paralajmëroi se do të vizitojë Maqedoninë për të shprehur mbështetje të qartë për referendumin e 30 shtatorit për çështjen e emrit, por edhe shqetësimin për shkak të involvimit të mundshëm të Moskës në proces. Ai ka dënuar përpjekjet e Rusisë duke përdorur paratë dhe ndikimin e saj për të forcuar palën opozitare ndaj referendumit në Maqedoni, që hap rrugën për anëtarësimin e vendit në NATO, një veprim që Moska e kundërshton.

Kryeministri i Maqedonisë, Zoran Zaev ka deklaruar se nuk ka informacione mbi ndikimet ruse në Maqedoni, por ka theksuar se Moska qartë ka bërë të ditur, që është kundër anëtarësimit të Maqedonisë në NATO, por jo edhe në Bashkimin Evropian.

“Nuk ka dëshmi për ndonjë ndikim rus. Federata Ruse është mike e Maqedonisë dhe ajo nuk ka asgjë kundër integrimit të Maqedonisë në BE, por është kundër anëtarësimit në NATO. Ketë e thonë shumë qartë. Ne po tentojmë të sqarojmë se për ne nuk ekziston alternativë, përveç integrimit të tërësishëm në NATO dhe BE. Duam të ndërtojmë miqësi me të gjitha vendet, edhe me Federatën Ruse. Mbetemi në këtë përcaktim”, ka deklaruar kryeministri Zaev. Ai këto komente i bëri një konferencë ndërkombëtare të organizuar nga BE-ja lidhur me lirinë e mediave në rajon.

Kancelarja Gjermane Angela Merkel kërkoi nga qytetarët që ditën e referendumit të mos qëndrojnë në shtëpi por të dalin dhe të mbështesin të ardhmen e tyre Evropiane. Pas takimit me kryeministrin Zaev, kancelarja gjermane Merkel tha se askush nuk i kërcënon qytetarët e Maqedonisë me izolim, ata vet munden dhe duhet të vendosin për ardhmërinë e shtetit.

Unë nuk jam për kërcënime. Ju si qytetarë të këtij vendi duhet të vendosni për ardhmërinë e vendit tuaj. Ardhmëria mund të jetë nëse referendumi del i suksesshëm, të bëheni pjesë e NATO-s dhe e BE-së dhe kuptohet se ka shumë parakushte që duhet të plotësohen. Ekzistonte kontest i cili ishte mes vendit tuaj dhe Greqisë dhe duhej patjetër që gjendej zgjidhje për ndryshe nuk do kishte pajtueshmëri për anëtarësim. Çështja e emrit dhe çështja e anëtarësimit janë dy gjëra të lidhura ngushtë me njëra tjetrën. Pa zgjidhjen e kësaj çështje nuk do të kishte anëtarësim në BE dhe NATO. Këtu nuk ka asnjë kërcënim. Njerëzit kanë mundësi që më 30 shtator të tregojnë a do të hapën dyert e BE-së dhe NATO-s njëjtë si para 27 vitesh kur vendosën që të pavarësinë Maqedoninë. Ky është shans historik që nuk vjen çdo ditë, ky është një rast që një gjeneratë e ka vetëm një herë. 30 shtatori është shans historik andaj nga aspekti im mund të them, mos qëndroni në shtëpi në këtë ditë historike, shfrytëzoni mundësinë tuaj demokratike ta tregoni atë që doni ta thoni për ardhmërinë e vendit tuaj”- theksoi Angela Merkel, Kancelare e Gjermanisë.

Kryeministri Zaev tha se vizita e parë e një kancelari gjerman në Maqedoni në momente historike tregon se fuqitë e mëdha mbështesin marrëveshjen për emrin dhe integrimin e vendit në strukturat euroatlantike.

Mbështetjen që e marrim nga Gjermania është e madhe dhe miqësore. Ky gjest i kancelares Merkel është shumë inspirues për ne dhe na ndihmon të ndërtojmë shoqëri prosperuese dhe me vlera Evropiane. Kjo vizitë është mesazh i fuqishëm dhe zgjim për ne qytetarët në prag të referendumit që në të cilin, qytetarët e vendit tonë do ta zgjedhin ardhmërinë e tyre. Kjo vizitë është edhe një inkurajim që fuqitë e mëdha mbështesin zbatimin e marrëveshjes së Greqisë nga të dyja palët dhe vërtetim se marrëveshja garanton ardhmërinë maqedonase dhe vendin tonë në BE dhe NATO”- deklaroi  Zoran Zaev, Kryeministër i Maqedonisë.

Merkel tha se Gjermania do t’i jep Maqedonisë 2,5 milion euro si ndihmë për zbatimin e reformave në Arsim si dhe do të dërgojnë Këshilltar për çështje Ekonomike i cili do të mund të koordinojë punën e Qeverisë dhe Odës Ekonomike, si ndihmë e vendit për të realizuar reformat e nevojshme. E pyetur për ndryshimin e kufijve në Ballkanin Perëndimor, Merkel tha se integriteti i vendeve të rajonit është pikë shumë e rëndësishme që Ballkani te mbetet ashtu siç është.

Prokurorja speciale Publike Katica Janeva njoftoi se së shpejti do të dorëzojë akuza të reja në gjykata. Kjo nuk ka të bëjë me rastet e hapura nga bisedat e përgjuara, për shkak se afati prej 18 muajsh për ato skadoi në korrik të vitit të kaluar, por për rastet që PSP i mori nga prokuroria e rregullt, siç është rasti “Aktor”.

Mendoj se kemi vendosur kompetencë për të gjitha rastet që i kemi marrë nga prokuroria publike ose nga krimi i organizuar dhe nuk kanë kaluar ato 18 muaj. Kjo do të thotë se ne do të jemi në gjendje ti përfaqësojmë vetë në gjykatë, por ende vazhdojnë ato 18 muaj dhe është e vërtetë se ka disa në fazën përfundimtare dhe se në periudhën tjetër, nuk do të jepen në gjykatë. Por në të ardhmen me siguri do ti japim në gjykatë, në vlerësim të gjykatës ose do të sjellim një tjetër vendim të prokurorisë publike- deklaroi Katica Janeva.

Janeva këtë deklaratë e bëri në kuadër të prezantimit të raportit të OSBE-së për punën e PSP-së. Me këtë rast, ajo kritikoi gjykatën penale në Shkup se po punon ngadalë me rastet që janë tani në gjykatë, krahasuar me rastin e 27 prillit, ku tashmë janë caktuar dhjetëra seanca gjyqësore. Njoftoi edhe raport mbi parregullsitë në gjykata, bashkëngjitur me raportin e rregullt të prokurorisë që duhet të jetë gati deri në mes të shtatorit.

Obstruksionet e gjykatave ndaj Prokurorisë Speciale, sidomos në fillimin e punës së Janevës, u nënvizuan edhe në raportin e OSBE-së. Në publikim paralajmërohet se gjykatat kanë standarde të dyfishta kur vendosin lidhur me kërkesat për paraburgim nga Specialja për dallim nga prokuroria e rregullt dhe se puna e ngadalshme mund të sjellë deri në vjetërsimin e veprave penale në disa lëndë. Por, kishte vërejtje dhe rekomandime edhe për PSP-në.

Është e drejtë diskrete e Prokurorisë Speciale t’i ndajë me opinionin shkaqet për të cilat ndërmerr apo nuk ndërmerr lëndë të caktuara nën kompetencën e saj, duke pasur parasysh profilin e lartë dhe ndjeshmërinë politike në këto raste që PSP i ka, OSBE këshillon Specialja të ketë qasje më transparente dhe mënyrë që t’ia sqarojë opinionit këto vendime- pohoi Mishel Prins- misioni vëzhgues i OSBE-së.

Në pjesën kritike për PSP-në në raportin e OSBE-së u ndërlidh vetëm kryetari i Këshillit të prokurorëve publik, Kole Shterjev. Publikisht pranoi se edhe Këshilli ka qenë ndër institucionet që ka penguar punën e Speciales, por shtoi se është mirë që tani ka situatë të kundërt. I bëri thirrje Janevës që ta kryerje punën siç duhet, që në fakt e ka bërë edhe deri më tani.

Alsat

Disa kërkesa qe dolën nga debati “Zëri i intelektualëve shqiptarë” për referendumin dhe Marrëveshjen e Prespës, ku u prononcuan rreth 30 intelektuale, organizuar nga IGFM -seksioni MAQEDONI.
Këto janë kërkesat e “Zëri i intelektualëve”, për të cilat tani është formuar një komision me nga një delegat nga çdo komunë ku ka shqiptarë, ku në afat një javor bashkë me ekspertë e juristë do të hartohet një platformë me një konkluzion, me të cilën do i drejtohemi qeveris dhe kryeministrit Zoran Zaev!
Kërkesat kushtëzuese dalë nga Zëri i Intelektualëve!
1. Shqiptarët komb shtetëformues.
2. Gjuha shqipe gjuhe zyrtare në tërë territorin .
3. Buxhet shtetëror proporcional.
4. Përfaqësimi adekuat i shqiptarëve në te gjitha institucionet shteterore.
5. Regjistrim i popullsisë me monitorim ndërkombëtar .
6. Te zgjidhet problemi për shqiptaret pa nënshtetësi qe jetojnë në IRJM.
7. Ligj shtetëror për familjet e dëshmorëve dhe te invalidëve të UÇK-së
8. Shqiptarët me identitet kombëtar dhe gjuhësor në dokumentet zyrtare, jo si sllavomaqedonas.
9. Proceset e montuara dhe të gjithë shqiptarët e pafajshëm të lirohen nga burgjet.
10. 28 Nëntori të shpallet Festë zyrtare për shqiptarët e IRJM-së.
11. Haptazi t’i thuhet qeverisë Zaev që shqiptarët janë autokton dhe nëse nuk pranohen kërkesat kushtëzuese do të dështojë referendumi dhe shqiptarët do të shpallin autonomi politiko-territoriale.
Shkup, me 18 Gusht 2018

Adil Mustafa

Kryeministri i Maqedonisë, Zoran Zaev e ka quajtur “ditë të madhe” vendimin e Këshillit të Ministrave të Jashtëm të vendeve anëtare të Bashkimit Evropian

Më në fund, pas 27 viteve do të përmbyllet një kapitull me shumë negociata, me shumë palë të përfshira dhe me shumë deklarata të dhëna se ”pritet zgjidhje”.