Si pasojë e reshje të shumta dhe vërshimeve, rruga që lidhë fshatin Rud të Malishevës me fshatin Sferkë të Klinës, është dëmtuar rëndë.

Kjo rrugë është tërësisht e pakalueshme, pasi rruga është këputur dhe asfalti është larguar në tërësi.

Autoritetet lokale lusin të mos shfrytëzohet ky aks por rrugët e tjera alternative.

Gjatë javës së tretë të janarit, Shqipëria do të furnizohet me një kontingjent me vaksina anti-Covid. Kryeministri Edi Rama ka premtuar se një pjesë të tyre do ta dërgojë në Kosovë, si ndihmë për mjekët. Express mëson se janë 1 mijë e 900 persona pjesë e stafit mjekësor në Kosovë të cilët do të vaksinohen

Gazeta Express nga burime brenda Ministrisë së Shëndetësisë mëson se institucionet e Kosovës dhe ato të Shqipërisë tashmë kanë shkëmbyer informatat rreth numrit të mjekëve që do të marrin vaksinën anti-Covid në Kosovë.

“Tashmë kanë ndarë sasinë e nevojshme të vaksinës anti-Covid për mantelbardhët të cilët janë të inkuadruar drejtpërdrejtë në trajtimin e pacientëve me COVID-19 në Kosovë”, ka thënë ky burim.

Siç mëson Express, janë 1 mijë e 900 persona pjesë e stafit mjekësor të cilët do ta marrin vaksinën anti-Covid si ndihmë nga Shqipëria.

“Në tërë vendin, në kuadër të ShSKUK-së janë 1,900 mjekë që do të vaksinohen me këto vaksina që do të na vijnë si ndihmë”, thonë nga MSh.

Ndërkohë, se Shqipëria do t’i dhurojë Kosovës vaksina kundër koronavirusit e ka bërë të ditur vetë Kryeministri i Shqipërisë, Edi Rama, para pak ditësh në një konferencë për media.

“Kosovës do t’i dhurojmë një sasi për vaksinimin e bluzave të bardha të spitalit COVID të Prishtinës, në mënyrë që heronjtë e vijës së zjarrit në Kosovë ta nisin vaksinimin në të njëjtën kohë me heronjtë tanë”, ka deklaruar Rama.

Dozat e para, gjithsej 10,750, do të mbërrijnë në Shqipëri “në fillim të javës së tretë të janarit”, tha Rama, ndërsa dozat e tjera “gjatë muajit shkurt”.

Ministri i Shëndetësisë, Armend Zemaj, ka deklaruar para pak ditësh se një kontingjent i vaksinave anti-Covid do të vije në Kosovë gjatë muajit shkurt.

“Sapo me erdhi emaili zyrtar se kontigjenti i parë i vaksinave do të vijnë në muajin shkurt. Ky është lajm i jashtëzakonshëm për qytetarët e Kosovës”, ka thënë Zemaj.

Vaksinimi kundër sëmundjes COVID-19 në vendet e Bashkimit Evropian ka nisur fundjavën e kaluar.

Ndërkohë, më 7 dhjetor Kosova ka aplikuar zyrtarisht në programin COVAX për sigurimin e vaksinës kundër COVID-19.

Në një intervistë për Express, Ministri i Shëndetësisë, Armend Zemaj, pati thënë se kjo aleancë ku bëjnë pjesë OBSH, UNICEF, Banka Botërore, fondacione të ndryshme, shoqëri civile dhe industria e vaksinave, ka listuar Kosovën në mesin e 92 vendeve që vaksinat për 20% të popullatës do t’i marrin falas.

Ministri i Shëndetësisë në Serbi, Zlatibor Loncar, ka folur sot për prapaskenat e arritjes së vaksinës Pfizer në veri të Kosovës, aty ku u vaksinuan qindra qytetarë me vaksinën për Cocid-19.

Loncar ka thënë se ishte presidenti serb Aleksandar Vuçiq, ai i cili i ka propozuar atij që gjatë kontingjentit të dytë të janarit të sjellë edhe për komunitetet tjera në Kosovë, vaksinën për COVID-19, (Pfizer, produkt amerikano-gjerman).

”Udhëheqësit e Republikës se Serbisë janë përkushtuar për kujdes ndaj të gjithë qytetarëve pa asnjë dallim. Veçanërisht në kohë pandemie e cila tashmë një vit po e terrorizon mbarë botën, ndërsa ka marrë jetën e afro 2 milionë vetave”, ka thënë ai.

”Duke pasur parasysh këtë fakt jemi të parët në rajon dhe të dytët në kontinent si pjesë e Evropës, që e kemi siguruar vaksinën Pfizer kundër Covid-19. Ndaj kështu kemi nisur imunizimin e pjesës së popullatës më të rrezikuar dhe kjo në harmoni me vlerësimet profesionale të OBSH-së. Prandaj konsiderojmë se është interes yni i të gjithëve, të mundësojmë që numri sa më i madh i banorëve të mbrohet nga pandemia. Dhe, kështu të shpëtojmë çdo jetë njeriu, i cili mund të rrezikohet me fatalitet nga prekja me koronavirusin”, ka thënë më tutje ai.

Ministri serb tha se gjatë janarit në Kosovë do të sjellin edhe vaksina të tjera.

“Kryetari Vuçiq na ka propozuar që nga kontingjenti i ardhshëm i vaksinës kundër Covidit-19 që pritet të na mbërrijë në fillim të janarit, të sigurojmë sasi edhe për kombësitë e tjera në Kosovë”.

Tutje , Zlatibor Loncar, ka përmendur edhe vaksinimin e qytetarëve të veriut të Kosovës.

”Para dy ditësh, në Kosovë, janë vaksinuar qindra qytetarë të cilëve u është ofruar preventiva kundër infektimit vdekjeprurës. Me këtë gjë janë mbrojtur edhe nga pasojat potenciale nga pandemia. Besojmë se qëllimi i secilës Qeveri përgjegjëse në botë është që çdo personi t’i ofrohet ndihma maksimalisht, në mënyrë që të shpëtohet të paktën një jetë njeriu. E të mos themi qindra mijëra vetave”, ka thënë Loncar.

Vaksinat e Covid-19 kanë arritur në Kosovë, por jo nga institucionet kosovare.

Me urdhër të Qeverisë së Serbisë në Komunat Veriore janë vaksinuar qindra qytetarë të komunitetit serb./

Natasha Kandiq, ish-drejtoreshë e Fondit për të Drejtën Humanitare, ka thënë se gjykimet e Speciales dhe ato në Serbi duhet të shkojnë paralelisht. Ajo ka theksuar se do të duheshin 100 vjet që ushtria serbe të spastrohej nga të gjitha krimet e luftës.

“Deri në vitin 2011 prokuroria tentonte që t’i gjykojë krimet e luftës dhe kishte edhe familje nga Kosova që përcillnin gjykimet. Nga viti 2010-2011 këtu absolutisht asgjë nuk ndodhë krahasuar me ato që ishin konstatuar nga Tribunali i Hagës. Tribunali kishte pasur dy gjykime të mëdha të gjeneralëve të ushtrisë e policisë. Aq kishte dëshmi e fakte të konstatuara saqë do të duheshin 100 vjet që ato vërtet të zgjidhen dhe që ushtria e policia të spastrohen nga të gjitha krimet e luftës. Megjithatë, në 2011-n këtu ndalen aktakuzat dhe gjykimet janë minimale, pothuajse s’ka asgjë me çka Serbia mund të thotë se do të konfirmojë përgjegjësinë e ushtrisë e policisë”, ka thënë Kandiq në “Interaktiv” të KTV-së.

Ajo ka shtuar se në Kosovë me arsye ka pakënaqësi kur do të gjykohen pjesëtarët e UÇK-së e që në anën tjetër në Serbi u ndal procedimi i krimeve të luftës që ishin kryer në Kosovë. “Këto dy gjëra duhet të shkojnë bashkë. Gjykimet në Hagë dhe gjykimet në Serbi duhet të shkojnë bashkë. Kosova duhet të ballafaqohet me përgjegjësinë e vet, por edhe Serbia sepse nuk përfundoi me faktin që Tribunali i Hagës dënoi gjeneralët. Serbia ka kuadër të madh të ushtarëve e policëve që janë përgjegjës e assesi kjo çështje të përfundojë me dënimin e urdhëruesve të vrasjeve. Askush në Kosovë nga përbërja e ushtrisë dhe policisë nuk ka shtënë si njeri i lirë, por sepse kjo ishte e lejuar dhe e zgjeruar që krim nuk është të vritet një shqiptar”, ka thënë Kandiq.

Kandiq ka theksuar se ky është momenti i fundit që gjykimet të fillojnë sepse dëshmitarët po zhduken. “Nosha i ka mbuluar ata që do të mund të flisnin me bindje në gjykatë. Ky është momenti i fundit sepse ndaj gjykimeve në Hagë, Serbia duhet të përgjigjet me gjykime në vend sepse normalizim të raporteve ndryshe nuk mund të ketë mes dy vendeve”, ka thënë Kandiq.

Ish-kreu i Shërbimit Informativ Shtetëror (SHISH), Fatos Klosi, ka qenë i ftuar në emisionin  “Personale” me Krenare Vokshi-Shala në RTV Dukagjini.

Klosi thotë se Shqipëria nuk ka ndonjë ligj që lejon zbulimin e disa sekreteve pasi kalon një kohë e caktuar ashtu si e kanë disa vende tjera.

“Edhe nëse hapen ato dokumente, ato nuk duhet të influencojnë në situatat e tanishme”

Fatos Klosi thotë se ishte kyçur në politikë në vitin 1996 në kohën kur në Shqipëri kishte trazira të mëdha.

“Një grup intelektualësh u kyçem në Partinë Socialiste (PS) për të treguar se kjo parti nuk është ajo siç perceptohej si trashëguese  e komunistëve”.

Klosi tregon se në vitin 1997 ai ishte emëruar kryetar i Shërbimit Informativ Shtetërorë në Shqipëri.

Pak kohë pasi ishte emëruar në këtë detyrë në Shqipëri ishte vrarë një prej eksponentëve më të rëndësishëm të PD-së, Azem Hajdari.

“Nuk kishim informacion për ditën kur do vritej, por se ishte i kërcënuar Azem Hajdari kemi pasur informacione dhe për këtë gjë edhe e patëm njoftuar”, tha ai, përcjell Telegrafi.

Klosi thotë se personi i parë nga Kosova që ka takuar ka qenë Xhavit Haliti.

“Unë isha i ri ato vite në shërbim dhe në disa raste kosovarët kishin më shumë informacione se unë, pasi ishin përballur me shërbimet jugosllave”.

Fatos Klosi: FARK-u nuk kishte ushtarë por vetëm oficerë, nuk ishin të gatshëm për sakrificë

10 tetor23:46

Ish-kreu i Shërbimit Informativ Shtetëror (SHISH), Fatos Klosi, ka qenë i ftuar në emisionin  “Personale” me Krenare Vokshi-Shala në RTV Dukagjini.

Klosi thotë se Shqipëria nuk ka ndonjë ligj që lejon zbulimin e disa sekreteve pasi kalon një kohë e caktuar ashtu si e kanë disa vende tjera

“Edhe nëse hapen ato dokumente, ato nuk duhet të influencojnë në situatat e tanishme”

Fatos Klosi thotë se ishte kyçur në politikë në vitin 1996 në kohën kur në Shqipëri kishte trazira të mëdha.

“Një grup intelektualësh u kyçem në Partinë Socialiste (PS) për të treguar se kjo parti nuk është ajo siç perceptohej si trashëguese  e komunistëve”.

Klosi tregon se në vitin 1997 ai ishte emëruar kryetar i Shërbimit Informativ Shtetërorë në Shqipëri.

Pak kohë pasi ishte emëruar në këtë detyrë në Shqipëri ishte vrarë një prej eksponentëve më të rëndësishëm të PD-së, Azem Hajdari.

“Nuk kishim informacion për ditën kur do vritej, por se ishte i kërcënuar Azem Hajdari kemi pasur informacione dhe për këtë gjë edhe e patëm njoftuar”, tha ai, përcjell Telegrafi.

Klosi thotë se personi i parë nga Kosova që ka takuar ka qenë Xhavit Haliti.

“Unë isha i ri ato vite në shërbim dhe në disa raste kosovarët kishin më shumë informacione se unë, pasi ishin përballur me shërbimet jugosllave”.https://gjc.gjirafa.com/Home/Index?type=3&gjid=54503147&v=2.1&guid=592301cf584e4893a8c4bb1ada677a74fcf37b5b35e3430a9bb8af3cdf307bf9

Ish-kreu i Shërbimit Informativ Shtetëror thotë se me ish-pjesëtarët e UÇK-së arritën të merrenin vesh shumë shpejt.

Fatok Klosi ka dhënë edhe këndvështrimin e tij për dallimin mes UÇK-së dhe krahut të FARKU-t.

“FARK-u kishte ardhur para UÇK-së në Shqipëri. Ajo ishte një ushtri e formuar nga qeveria e Bukoshit dhe kishte qëllim që të jepte një mesazh se jemi gati për luftë. Por ajo ushtri nuk kishte ushtarë. Kishte vetëm oficerë. Oficerët ishin të shkolluar në ish-Jugosllavi. Ata ndoshta ishin të gatshëm por lufta nuk bëhet vetëm me dëshira. Lufta bëhet me sakrifica. Ata nuk ishin të gatshëm për sakrificë. Sakrificë që ishin të gatshëm të bënin ushtarët e UÇK-së. Ushtarët e UÇK-së ishin të rinj, ata të FARKU-t  ishin në moshë. FARK-u kishte armatim të sofistikuar, ndërsa UÇK-ja kishte kryesisht armatim të lehtë. Ata blenë edhe raketa që ishin vjedhur nga kazermat shqiptare”.

Klosi thotë se oficerët e FARKU-t shëtisnin me uniforma në Tiranë dhe kishin dëshirë të mburreshin./Telegrafi

Komisioneri për Fqinjësi dhe Zgjerim i BE-së, Oliver Varhelyi, ka thënë sot gjatë vizitës në Sarajevë se iniciativa e “mini-shengenit” do të mundësojë shtimin e investimeve dhe lehtësira në transaksionet e pagesave si dhe gjithashtu përshpejtimin e kalimit të mallrave dhe njerëzve.

Pas takimit me zyrtarët boshnjakë, Varhelyi tha se Komisioni Evropian është duke punuar që nga dita e parë për ta bërë të qartë se Ballkani Perëndimor është prioritet për Komisionin.

“Jo vetëm kjo, ne shohim Ballkanin Perëndimor si pjesë të Evropës dhe në një afat të afërt të integruar në Bashkimin Evropian”, ka thënë Varhelyi.

Kryetari i Lëvizjes për Bashkim, Valon Murati ka thënë se ripërcaktimi i kufijve është e vetmja mënyrë që zgjidh problemet mes Kosovës dhe Serbisë.

Ai ka thënë se tri komunat shqiptare në Luginë të Preshevës duhet t’i bashkohen Kosovës, ndërsa ato me shumicë serbe në veri, Serbisë.

“Platforma e Lëvizjes për Bashkim është shumë e qartë. Ne mendojmë se e vetmja zgjidhje e plotë e problemit shqiptaro-serb, në këtë radhë e cila shkon përmes zgjidhjes së problemeve midis Kosovës dhe Serbisë është ripërcaktimi i kufijve. Sipas Lëvizjes për Bashkim ne mendojmë që tri komunat shqiptare në Kosovën lindore, Presheva, Medvegja dhe Bujanoci, atje ku shqiptarët janë shumicë dhe kanë vazhdimësi territoriale duhet të bashkohen me Kosovën. I njëjti parim duhet të vlejë edhe për tri komunat me shumicë serbe të cilat kanë vazhdimësi territoriale me Serbinë kanë të drejtë të bashkohen me asaj”, ka thënë Murati.

Ai ka thënë se marrëveshja për ripërcaktim të kufijve do të nënkuptonte ndryshim të disa prej parimeve të pakos së Ahtisarit që janë pjesë e Kushtetutës, e të cilat Kosovën do ta bënin të pavarur nga dy të tretat e votave të pakicave për ndryshime kushtetuese.

“Kjo marrëveshje që do të rezultonte për ripërcaktimin e kufijve do të nënkuptonte edhe një ndryshim të disa prej parimeve themelore të pakos së Ahtisarit që janë pjesë e Kushtetutës së Kosovës në mënyrë që Kosova të bëhet shtet funksional dhe të mos varet nga dy të tretat e votave të pakicave për të ndryshuar kushtetutën në këtë radhë të serbëve të cilët e bllokojnë vazhdimisht ndonjë reformë kushtetuese që Kosova të bëhet shtet funksional dhe të mos varet nga lista serbe. Unë mendoj që vetëm projekti i ripërcaktimi të kufijve e largon Serbinë nga Kosova”, shtoi Murati.

Sipas Muratit, marrëveshja e Washingtonit nuk është e dëmshme për Kosovën, por  është e rëndësishme të realizohen projektet që kanë të bëjnë me infrastrukturën dhe ato ekonomike.

Ndërsa, sa i përket liqenit të Ujmanit thotë se do të menaxhohet nga të dyja vendet, mirëpo shumica i takon Kosovës.

“Marrëveshja e Washingtonit nuk është e dëmshme për Kosovën. Rrjedhimisht ajo që është e rëndësishme është nëse një pjesë e asaj marrëveshje realizohet, sidomos projektet që kanë të bëjnë me infrastrukturën dhe projektet e tjera ekonomike. Atëherë nëse ato vërtet do të realizohen sidomos nëse realizohet projekti i hekurudhës që do ta lidhë Kosovën me Durrësin edhe me Nishin, do të ishte e jashtëzakonshme në interesin e popullit shqiptar. Sot deri në 20% të liqenit të Ujmanit është në pjesën e Serbisë. Do të jetë e domosdoshme që të kemi marrëveshje për menaxhim të përbashkët qoftë të mirëmbajtjes së Liqenit. Në marrëveshje flitet për një studim fizibiliteti, pra do të bëhet një studim fizibiliteti edhe nga departamenti i SHBA-së se si mund të shfrytëzohen potencialet e liqenit të Ujmanit nga pjesa e Kosovës dhe Serbisë”, shtoi ai

Ai vlerëson se mini-shengeni nuk është i dëmshëm për Kosovën, ndonëse sipas tij, ende nuk ka një dokument të qartë i cili mund të vlerësohet.

Murati thotë se me një bashkëpunim më të thellë ndërmjet Kosovës dhe Shqipërisë mund të forcohet ekonomia e Kosovës.

 “Marrëveshjen për mini-shengen edhe pse nuk ka ende një dokument të cilin ne mund ta vlerësojmë ka më shumë disa parime të cilat janë biseduar në takimet ndërmjet presidentëve. Unë nuk e shoh të dëmshme për interesat jetike të Kosovës. Mendoj me një bashkëpunim më të thellë ndërmjet Kosovës dhe Shqipërisë shumë shpejt të hiqet edhe ai kufiri fizik dhe ta shfrytëzojmë që ne ta forcojmë ekonominë tonë përmes këtij bashkëpunimi”, tha Murati.

Sa i përket dialogut me Serbinë dhe mundësisë për një marrëveshje për njohje reciproke, ai thotë se aktualisht nuk sheh vullnet nga Serbia që ta njoh Kosovën. Madje ai shprehet se as nga BE-ja nuk ka ndonjë presion ndaj Serbisë për ta bërë një gjë të tillë.

“Në këto rrethana nuk shoh vullnet që Serbia ta njoh Kosovën. Ndoshta në asnjë rrethanë nuk do ta njohë Kosovën. Serbia po i shfrytëzon rrethanat ndërkombëtare që ta zvarrisë sa më shumë çështjen e njohjes që të fut në marrëveshje sa më shumë interesat e veta, qoftë përmes zbatimit të Asociacionit dhe unë nuk po shoh asnjë interesim të BE-së që ta detyrojnë Serbinë që ta njoh Kosovën, dhe duke qenë se nuk do të ketë njohje dhe procesi i negociatave shumë shpejt mund të dështojë mendoj që në një të ardhme në tryezën e bisedimeve si opsioni më real do të jetë projekti i ripërcaktimit të kufijve”, u shpreh ai.

Qeveria e Kosovës dhe ajo e Shqipërisë kanë mbajtur javën e kaluar mbledhjen e përbashkët ku janë nënshkruar edhe disa marrëveshje të reja.

Ai thotë se marrëveshjet e arritura nga mbledhjet e kaluara kanë rritur bashkëpunimin mes dy vendeve. Sipas tij duhet të krijohen mekanizma të përbashkët dhe një këshill bashkëpunimi ndërmjet Kosovës dhe Shqipërisë e cila do të ishte një administratë që merret vetëm me çështjen e bashkëpunimit Kosovë- Shqipëri.

“Kjo ishte mbledhja e gjashtë ndërmjet dy qeverive dhe kemi një sërë marrëveshjesh të cilat janë nënshkruar dhe kemi një sërë marrëveshjesh të cilat janë realizuar. Mendoj që në esencë këto marrëveshje kanë qenë të dobishme e kanë ngritur në nivel më të lartë bashkëpunimin ndërmjet Kosovës dhe Shqipërisë. Bindja ime është që nga ky partneritet strategjik ne duhet të kalojmë në integrimet dhe për të ndodh kjo nuk është vetëm e mjaftueshme që të kemi vetëm dy mbledhjet e qeverive. Unë mendoj që duhet të krijojmë mekanizma të përbashkët dhe të krijojmë një këshill të bashkëpunimit Kosovë-Shqipëri e cila do të ishte një administratë e cila merret vetëm me çështjen e bashkëpunimit Kosovë- Shqipëri”, shtoi Murati për Ekonomia Online.

Sa i përket presidentit ai tha se kjo çështje i takon partive politike të cilat janë në Kuvendin e Kosovës dhe realisht duhet ta gjejnë një kandidat i cili do të ishte më i përshtatshmi.

“Sa i përket zgjedhjes së presidentit është çështje që i takon partive politike të cilat janë në Kuvendin e Kosovës . Ato duhet të diskutojnë dhe të bëjnë përpjekje që ta gjejnë kandidatin më të përshtatshëm për president. Ne kemi ende një president i cili së paku ka mandat deri në marsin e vitit të ardhshëm. Sigurisht që hija e gjykatës e Dhomave të Specializuara dhe e mundësisë së ngritjes së aktakuzës apo konfirmimit të aktakuzës është aty. Derisa jemi në këtë situatë sigurisht që ai është në detyrë. Ndërsa në anën tjetër i takon partive politike që ta zgjedhin kandidatin e duhur”.

Deputeti i Vetëvendosjes Mefail Bajqinovci edhe një herë ka kritikuar Lidhjen Demokratike të Kosovës. Nëpërmjet një shkrimi në Facebook, Bajqinovci thotë se kryetari i kësaj partie Isa Mustafa e ka zhvatur buxhetin e qytetarëve, duke marrë pagë nga Universiteti i Prishtinës, pa shkuar asnjëherë në punë.

Thotë se në zgjedhjet e ardhshme Vetëvendosja do të dalë fituese dhe “shumë prej tyre (politikanët aktual në pushtet) do të tërhiqen prej jetës politike.