TIRANE-Sipas studimit katërvjeçar Gallup World Poll publikuar më pas nga revista Forbes, danezët janë njerëzit më të lumtur, ndërsa pas tyre radhiten qytetarët e Finlandës, Norvegjisë dhe Suedisë.

Më të palumturit janë banorët e Togos, në perëndim të Afrikës dhe shumë shtete të tjera afrikane e aziatike.

Në bazë të studimit, paratë dhe kujdesi social janë kriteret më të rëndësishme për qytetarët, ndaj nuk është e rastësishme që vendet skandinave radhiten në krye të listës si popujt më të lumtur në Botë.

Studimi pati parasysh 155 shtete në Botë që u studiuan ndër vitet 2005-2009.

Sa i përket Shqipërisë, vendi jonë konsiderohet ndër popujt jo të lumtur, ku nga 155 shtete në anketë, renditet e 103-a sa i përket shkallës së lumturisë.

Ndërsa në kontinentet amerikane, 3 popujt më të lumtur janë renditur, ata të Kosta Rikës, Kanada dhe Panama.

Në Afrikë, vendin e parë e zë Malawi, Libi dhe Botswana, ndërsa nga kontinente të tjera, vijnë Zelanda e re, Izrael, Australia.

Kurse nga vendet e dala nga ish-Jugosllavia, prijnë qytetarët e Kosovës, në vendin e 54-të, për t’u pasuar nga sllovenët, kroatët, malazezët, boshnjakët, serbët dhe maqedonasit.