Protestuesit në Tel Aviv brohoritën “lufta nuk është e shenjtë, jeta është”, me disa që akuzuan kryeministrin Benjamin Netanyahu se synon të zgjasë konfliktin.Kjo erdhi pasi një delegacion i Hamasit u takua me ndërmjetësit në Egjipt të shtunën.

Grupi tha se nuk kishte zhvillime të reja, por shtoi se “një raund i ri do të fillojë” të dielën.

Negociatorët kanë rifilluar negociatat e gjata në Kajro – të ndërmjetësuara nga Egjipti dhe Katari – për ndalimin e ofensivës së Izraelit në Gaza në këmbim të lirimit të pengjeve.

Problemi kryesor duket se është nëse marrëveshja do të jetë e përkohshme apo e përhershme.

Mendohet se formulimi që po diskutohet përfshin një pauzë 40-ditore në luftime ndërsa pengjet lirohen dhe lirimin e një numri të burgosurish palestinezë që mbahen në burgjet izraelite.

Një këshilltar i udhëheqësit të Hamasit, Ismail Haniyeh, tha se grupi po e shikonte propozimin e fundit me “seriozitet të plotë”.

Por ai përsëriti një kërkesë që çdo marrëveshje duhet të përfshijë në mënyrë eksplicite një tërheqje izraelite nga Gaza dhe përfundimin e plotë të luftës, shkruan BBC, transmeton Klankosova.tv.