Ndonëse u bënë 18 vjet që ka përfunduar lufta e fundit në Kosovë dhe një dekade që kur shpalli pavarësisë vendi vazhdon të përmendet si “katastrofë ekonomike”.

Situatës që zotëron vendin revista presticioze “The Economist” i ka kushtuar një artikull ku ndër të tjera shkruan së zyrtarët e Kosovës po fajësojnë Serbinë që ekonomia e vendit ka ngecur ngaqë po pengohen investimet.

“Zyrtarët e Kosovës thonë se ekonomia e vendit të tyre po çalon nga mosmarrëveshjet me Serbinë, e cila refuzon të pranojë pavarësinë e saj dhe kërcënon veprimin ligjor kundër firmave të mëdha të huaja që dëshirojnë të investojnë në të”, shkruan “The Economist”.

Sidoqoftë aty mes tjerash përmendet edhe pengesa që Rusia ka ndaj Kosovës që të mos bëhet anëtare e Kombeve të Bashkuara dhe ritheksohet se pesë anëtarë të BE nuk e njohin pavarësisë e vendit.

Duke lënë anash krizën dhe papunësinë “ The Economist” përmend edhe disa gjera të vogla që i japin jetë këtij vendi “me pamje të zymtë”, por nuk lë pa pë renditur vështirësitë që përballen bizneset dhe mos ofrimi i ndihmës nga ana institucionale. Aty përmendet edhe arsimi, thuhet se sistemi i arsimit në Kosovë është i vjetruar dhe qeveria nuk ka ndonjë planifikim për të modernizuar atë.

Nuk ngelet pa e përmendur edhe rritja ekonomike prej 3.5 % e ndihma nga diaspora që janë shpëtim për vendin. Madje, nuk harrohet as ëndrra e të rinjve që të largohen nga vendi në kërkim të një jete më të mirë.