A PO RELATIVIZOHET PESHA E SHQIPTARËVE NË MAQEDONINË E VERIUT?
Sa herë që politikanëve maqedonas u shtrohet një çështje që lidhet me përfaqësimin e shqiptarëve në institucionet e Maqedonisë së Veriut, në përgjigje shpesh përmenden edhe komunitetet turke, rome, serbe dhe komunitete të tjera.
Në parim, kjo nuk ka asgjë të gabuar. Në një shtet demokratik, të gjitha komunitetet duhet të kenë të drejta, respekt dhe mundësi të barabarta.
Por pyetja që shtrohet është tjetër: a po përdoret vazhdimisht përmendja e komuniteteve shumë më të vogla për ta relativizuar peshën demografike dhe politike të shqiptarëve?
Rasti i fundit lidhet me Shkollën e Mesme të Policisë “7 Maji”.
I pyetur lidhur me përfaqësimin jashtëzakonisht të ulët të shqiptarëve, kryeministri Hristijan Mickoski deklaroi se Ministria e Punëve të Brendshme duhet të përcaktojë se kur mund të hapet paralelja në gjuhën shqipe. Por ai shtoi se, nëse plotësohen kushtet, mund të hapen paralele edhe në gjuhën turke dhe rome.
Madje, sipas raportimit të medias, Mickoski reagoi ndaj interesimit të gazetarit për shqiptarët duke ngritur pyetjen pse interesimi përqendrohet vetëm tek ata dhe jo edhe tek komunitetet e tjera.
Pikërisht këtu lind debati.
Shqiptarët nuk janë një komunitet prej një apo dy për qind në Maqedoninë e Veriut. Sipas regjistrimit zyrtar të vitit 2021, ata përbëjnë 24.3% të popullsisë rezidente të vendit, ose pothuajse një në çdo katër banorë. Nëse merret popullsia e përgjithshme e regjistruar, përfshirë jorezidentët, përqindja e shqiptarëve arrin në 29.52%.
Në krahasim, turqit përbëjnë 3.86%, romët 2.53%, ndërsa serbët 1.30% të popullsisë rezidente.
Sigurisht, edhe këto komunitete duhet të kenë të gjitha të drejtat që u takojnë. Të kërkosh përfaqësim proporcional për shqiptarët nuk do të thotë t’ua mohosh të drejtat turqve, romëve, serbëve apo kujtdo tjetër.
Por një komunitet që përbën rreth një të katërtën e popullsisë nuk mund të trajtohet politikisht sikur të ishte thjesht një nga një varg pakicash të vogla.
Kur pyetja është pse shqiptarët janë të përfaqësuar vetëm simbolikisht në një institucion shtetëror, përgjigjja nuk mund të jetë vetëm: “Po turqit? Po romët?”
Sepse kjo nuk i përgjigjet pyetjes themelore.
Nëse shqiptarët përbëjnë rreth 24% të popullsisë rezidente, pse në institucione të caktuara përfaqësimi i tyre mbetet shumë larg kësaj peshe?
Ky është debati që duhet bërë.
Respektimi i komuniteteve të vogla është standard demokratik. Por respektimi i tyre nuk duhet të shërbejë si instrument për të zvogëluar, relativizuar apo fshehur peshën reale të shqiptarëve në Maqedoninë e Veriut.
Në fund, barazia nuk është t’i trajtosh si të njëjta dy situata që numerikisht dhe politikisht janë krejtësisht të ndryshme.
Shqiptarët nuk kërkojnë që të tjerëve t’u merret asnjë e drejtë. Kërkojnë që pesha dhe përfaqësimi i tyre të mos reduktohen në nivelin e një pakice simbolike.
ZËRI NEWS
🇦🇱 MIRA MURATI NË MESIN E 100 FIGURAVE MË ME NDIKIM NË BOTËN E INTELIGJENCËS ARTIFICIALE
Shqiptarja Mira Murati shënon një tjetër sukses të jashtëzakonshëm në arenën ndërkombëtare, duke u përzgjedhur nga revista prestigjioze TIME në listën TIME100 AI, mes 100 figurave më me ndikim që po formësojnë të ardhmen e Inteligjencës Artificiale.
Murati ka marrë një vëmendje të veçantë duke u shfaqur edhe në kopertinën globale të TIME, përkrah disa prej emrave më të fuqishëm të botës së teknologjisë.
Ky vlerësim vjen ndërsa ajo vazhdon rrugëtimin e saj me Thinking Machines Lab, kompaninë e inteligjencës artificiale që themeloi pas largimit nga OpenAI.
Nga Shqipëria në majat e teknologjisë botërore, suksesi i Mira Muratit mbetet një krenari e veçantë për shqiptarët kudo që ndodhen. 🇦🇱🌍
Dita e fundit e merkatos po sjell lëvizje të mëdha në klubet më të fuqishme të Evropës. Liverpooli ka realizuar goditjen më të shtrenjtë të verës, Barcelona ka marrë një sulmues me përvojë, ndërsa Manchester City po punon për një tjetër transferim rekord.
🔴 Bradley Barcola | PSG → Liverpool 💰 123 milionë £ Liverpooli ka kompletuar transferimin e francezit, duke bërë një investim gjigant për repartin ofensiv. (SBS)
🔵🔴 Gabriel Jesus | Arsenal → Barcelona 💰 Rreth 8.6 milionë £ Sulmuesi brazilian ka firmosur kontratë trevjeçare me Barcelonën. Një transferim me kosto relativisht të ulët për një futbollist me përvojë të madhe në Premier League. (Reuters)
🟣 Ibrahim Mbaye | PSG → Aston Villa 💰 Rreth 47 milionë £ Vetëm 18 vjeç, por Villa ka investuar fuqishëm te një prej talenteve më premtuese të PSG-së. (Ahram Online)
🟣 Taylor Harwood-Bellis | Southampton → Aston Villa 💰 25 milionë £ Unai Emery forcon edhe mbrojtjen. Aston Villa është ndër klubet më aktive në orët e fundit të merkatos. (The Guardian)
🔴 Fabio Vieira | Arsenal → Hamburg 💰 Rreth 8.6 milionë £ Mesfushori portugez largohet përfundimisht nga Arsenali dhe nis një aventurë të re në Bundesligë. (VAVEL.com – Live Sports)
⏳ Enzo Fernández | Chelsea → Manchester City 💰 125 milionë £ Manchester City ka arritur marrëveshje me Chelsean, ndërsa raportimet e fundit e vendosin vlerën në 125 milionë paund. Nëse procesi përfundon, bëhet një nga transferimet më të mëdha të merkatos. (Global Banking & Finance Review)
🔥 Dita e fundit e merkatos vazhdon dhe priten ende zhvillime.
📲 Zëri News do t’ju mbajë të informuar për transferimet e fundit dhe shifrat e marrëveshjeve.
Hezbollahu konfirmon se lideri i saj suprem, Hassan Nasrallah, është vrarë, shkruan Reuters.
Në një deklaratë, grupi shkruan se do të vazhdojë luftën kundër Izraelit.
SHBA kërkon që “disa” staf të ambasadës të largohen nga Libani
Departamenti Amerikan i Shtetit po kërkon që “disa nga stafi” në ambasadën e vendit në SHBA, si dhe familjet e tyre, të largohen nga Libani. Kështu shkruan agjencia e lajmeve Reuters.
Nuk dihet menjëherë se sa dhe cila pjesë e stafit do të largohet nga vendi.
Reuters gjithashtu shkruan se stafi i ambasadës amerikane në Bejrut nuk lejohet të shkojë në udhëtime private pa leje.
Biden dëshiron të de-përshkallëzojë konfliktin
Presidenti Joe Biden thekson më tej se shpresa e tij është të zbusë konfliktet në Gaza dhe Liban përmes diplomacisë.
Kështu shkruan Reuters.
SHBA mbështet Izraelin
Presidenti i SHBA Joe Biden thotë, sipas Reuters, se vdekja e Hassan Nasrallah është një shprehje e drejtësisë “në lidhje me viktimat që kanë kërkuar veprimet e tij” – viktima amerikane, izraelite dhe libaneze, thuhet në të.
Ai gjithashtu thotë se “Shtetet e Bashkuara mbështesin të drejtën e Izraelit për t’u mbrojtur kundër Hezbollahut, Hamasit, Houthis dhe grupeve të tjera të mbështetura nga Irani”.
Vritet një tjetër anëtar i lartë i Hezbollahut
Një tjetër anëtar i rangut të lartë të Hezbollahut është vrarë, thotë ushtria izraelite, sipas agjencisë së lajmeve Reuters.
Agjencia e lajmeve shkruan se emri i personit të vrarë është Hassan Khalil Yassin, dhe ai është pjesë e degës së inteligjencës së Hezbollahut.
Rusia dënon vrasjen e liderit të Hezbollahut
Rusia distancohet fuqishëm nga vrasja e liderit të Hezbollahut, Sayyed Hassan Nasrallah nga Izraeli dhe i bën thirrje vendit të ndalojë sulmet ndaj Libanit. Këtë e bën të ditur Ministria e Punëve të Jashtme ruse në një deklaratë, shkruan Reuters.
Në të njëjtën kohë, ministri thekson se veprimet e Izraelit kanë “pasoja për Libanin dhe gjithë Lindjen e Mesme”.
Më shumë se 50.000 janë larguar nga Libani
Më shumë se 50,000 kanë ikur përtej kufirit nga Libani në Siri, sipas shefit të OKB-së për refugjatët Filippo Grandi në X. Ai sjell gjithashtu dy fotografi të refugjatëve – njëra tregon radhë të gjata makinash dhe tjetra tregon refugjatët në këmbë.
Ai thotë gjithashtu se më shumë se 200,000 janë të zhvendosur brenda vendit në Liban.
Erdogan dënon sulmet në Liban – i bën thirrje OKB-së
Presidenti turk Erdogan thotë, sipas agjencisë së lajmeve Reuters, se Libani është bërë objektivi i ri i politikës izraelite të “gjenocidit, okupimit dhe pushtimit”.
Në të njëjtën kohë, ai kërkon nga Këshilli i Sigurimit i OKB-së dhe organet e tjera që të ndalojnë sulmet izraelite në Liban, Gaza dhe Ramallah në Bregun Perëndimor, shkruan Reuters.
Turqia dënon sulmet në Liban dhe dërgon ngushëllime për të vrarët në sulme.’
Një anëtar i lartë i Gardës Revolucionare të Iranit raportohet se është vrarë
Zëvendës komandanti i Gardës Revolucionare të Iranit, Abbas Nilforoushan, është raportuar i vrarë në një sulm në Bejrut.
Kjo është raportuar nga media shtetërore iraniane sipas Reuters dhe AFP.
Ministri izraelit i Mbrojtjes: Ne nuk jemi në luftë me popullin libanez
Ministri i Mbrojtjes i Izraelit, Yoav Gallant, thotë, sipas agjencisë së lajmeve Reuters, se Nasrallah, lideri i Hezbollahut, ishte një kërcënim dhe lufta e Izraelit nuk është me popullin libanez.
– Ai (Nasrallah, red.) ishte vrasësi i mijëra izraelitëve dhe të huajve. Ai ishte një kërcënim i menjëhershëm për jetën e mijëra izraelitëve dhe qytetarëve të tjerë, tha Gallant në një deklaratë, sipas Reuters, duke shtuar:
– Popullit libanez i them: Lufta jonë nuk është me ju. Është koha për ndryshim.
Një libër i botuar nga ish- kryetari i Bashkësisë Islame të Maqedonisë së Veriut Sulejman Rexhepi përmban një sërë dëshmish të rënda, kundër ish- presidentit Ilir Meta dhe disa bashkëpunëtorëve të tij, përfshi Fahri Balliun, si dhe disa gazetarë dhe të vetëquajtur diplomatë, që i kanë shitur atij dekorata nga ish- presidenti Trump, si dhe “Urdhrin e Skënderbeut” nga ish- presidenti i Shqipërisë.
Libri ka filluar të botohet pjesë pjesë në vitin 2018, dhe i plotë në pdf gjendet online:
Më poshtë po botojmë pjesën ku vet ish kryetari i Bashkësisë Islame të Maqedonisë së Veriut tregon se si i shitën dekoratën e presidentit Trump, Ferdinand Samarxhiu dhe një i vet shpallur diplomat, Ylli Paja.
Pas botimit të pjesës së parë të mënyrës se si ky person ka blerë dekoratën e “Urdhrit të Skënderbeut” tek Ilir Meta përmes negociatave me Fahri Balliun, tani po botojmë pjesën kur ka blerë dekoratën nga presidenti Trump.
Pas botimit zoti Rexhepi ka deklaruar se ai nuk ka bërë kurrë deklarata apo shkrime të tilla. Në fakt libri është online, i pandryshuar prej datës 17.02.2020, dhe ai ka pasur kohë ta korrigjojë ose përgënjeshtrojë. E vetmja arsye që na shkon në mendje është se ndoshta e ka bërë për shantazh që këta që e kanë mashtruar ti kthejnë lekët. Sidoqoftë po botojmë pjesën tjetër që në libër është nga faqja 103 deri në faqen 105. Ndoshta ja kthejnë lekët pas botimit.
Unë njeriu i Amerikës
Faqe 103
Loja e shërbimeve intelegjente maqedonase më kishte lodhur në shpirt. Një jetë të tërë në bashkëpunim, në shërbim, në kundërshtim, në përndjekje dhe sërish në bashkëpunim më këtë shërbim! Dhe në fund, kapak i dhanë këta mangupë, “puçistët”! Po ndjeja se po më shterronin fuqitë, se pleqëria më kishte mbështetur për muri, se sëmundjet e ndryshme që më kanë kapur në këtë moshë po më bëjnë të dukem si një foshnje që mezi pret të thithë. Nuk po gjejë ndonjë faktore cicëmadhe ku mund të thithë e të më kthehen fuqitë. Këtë ndiesi të pakëndshme ia pata shprehur në një ditë ramazani, njëfarë gazetari nga Shqipëria që Maqedoninë e ka bërë teren përfitimi. Ferdinand Samarxhiu, kishte arrdhur për një emision për muajin e Ramazanit dhe, këtij ia shpreha këtë dhembje, duke kërkuar si i mjerë prej tij që të më caktojë një takim me presidentin shqiptar, z. Ilir Metën, meqë më tha se ishte bërë këshilltar i tij. Në bisedë e sipër, Ferdinandi më doli me një propozim shumë interesant.
Më tha se funksionojnë disa kanale që mund të më sjellin dekoratë nga presidenti Amerikan, z. Donald Tramp, si dhe nga ai i Shqipërisë z. Ilir Meta. Lobimet janë shumë të shtrenjta, por që përfundojnë me dekorime! Të dy kanalet funksionojnë në Shqipëri! Qenka një organizatë masonerike, e themeluar prej hebrenjëve, të cilët janë të lidhur me zyren presideenciale amerikane e cila shpërndanë mirënjohje në emër të presidentit anekënd botës, për secilin individ që është në përputhshmëri me politikat amerikane, në fakt, me politikat masonerike të hebrenjve. More, i thashë, Ferdinand Samarxhiut, jam në gjendje të bëhem edhe rabin, vetëm të marr mirënjohje që ka nënshkrimin e presidentit amerikan! Po, tha, Ferdinandi, mos u mërzit, sepse këtë mirënjohje deri më sot nga shqiptarët e ka marryr ky e ky, ky dhe ky dhe, në fund, edhe kryeministri i Kosovës, Ramush Haradinaj! Kur ma tha këtë, mu bënë sytë filxhan!
Në këtë bord të këtij fondacioni masonerik, më tha se është edhe Ilir Meta si dhe shumë ministra të tij, të partisë së tij! Sa kushton, e pyeta Samarxhiun. Po ja, më tha, Kyeministri ka paguar 180 mij dollarë. Për ty mund të kushtojë pak më shtrenjtë, sepse, asgjë nuk të lidhë me politikën amerikane, për dallim nga Ramushi! 250 mij euro vendosën që çmimin e Donald Trampit të ma sjellin në Shkup, madje të ma ndajë ndonjë përfaqësues amerikan! Pasi u morëm vesh mirë e mirë, pas një javë sërish erdhi Samarxhiu te unë dhe, më tha se, për kaq para nuk ka llogari të vie amerikani nga Florida e të ma dorëzojë dekoratën, plus që, manifestimi duhet të shoqërohet edhe me ndarje të disa dekoratave të tjera, që mos të del puna se nuk ka njerëz të tjerë proamerikanë. Më tha që t’i gjejë edhe nja dy-tre persona të tjerë, të cilët do të paguajnë nga nja 20-30 mij euro për të marrë dekoratë në emër të Universitetit të Floridas ku punon i tërë stafi që merret me këto lobingje. Fola me Qani Nesimin dhe me Shaqir Fetahun, të cilët, mezi kishin pritur që të dekorohen. Fol, thanë, sa duhet do të paguajmë, vetëm të dekorohemi bashkë me ty, do të jemi shumë të nderuar. Ju thashë që t’m’i sjellin nga 30 mij euro se do t’ua jap unë. Natyrisht, Samarxhiut ia dhashë nga 18 mij euro, të tjerat i futa në xhepin tim. I treti ishte Feriz Dervishi, njëfarë kinse bisnesmeni nga Kumanova.
Por, një muhabet i Ferdinandit sikur ma zbehu dëshirën për këtë dekoratë. Ai më tha se, funksionon edhe një lobing i cili mund të ma sigurojë dekoratën presdenciale të Shqipërisë, për të cilën do të duhej të paguaja 300 mij euro. Natyrisht, jo për Ilir Metën por, ato para do të përdoreshin për të paguar, rrymë, ujë, telefona, nxemje, freskim të hapësirës së Presidencës. Kështu po funksiononte në tërë botën. Përfitimet nga lobingjet nuk po hykan në xhep të presidentit por po shkuakan në fond të mirëmbajtjes së presidencës! 300 mij euro? Sikur ta kem këtë dekoratë do të piknin përdhe të gjitha ato pseudonime policore “Zhiko”, “Zharko”, “Sheriat”…
Në BFI ka plotë para, veçse tregoni ku ka dekorata
Kur erdhi Ferdinand Samarxhiu për t’i marrur paratë bashkë me një profesor, Ylli Pajën, i cili që nga barku vërehej se është shpirt i pangopur, dhe pastaj të ma sillnin dekoratën e Trampit, ma treguan edhe vendimin e zyres që paskësh vendosur të më dekorojnë por që, duhej të plotësohej edhe një kusht: të zhvilloja pak propagandë kundër mjekrrave, kundër xhihadistëve, kundër vehabistëve. Më thanë që presidenti Amerikan do ta shpallte si kryeqytet të Izraelit Jarusalemin dhe se ambasadën amerikane do ta dislokonte në këtë qytet. Unë duhej ta përshëndesja këtë gjest dhe të flisja, nëse jo publikisht, të paktën nëpër xhemat. Po more, si jo, ju thashë, flas unë sa të doni ju, sepse këta arabët janë popull injorant, as që marrin vesh se çka kam folur unë. I shikoni se çfarë populli janë, pa fije kulture, pa asnjë bagazh historik e kulturor, janë si kafshë që ju turren bustave e përmendoreve mijëravjeçare për t’i shkatërruar.
Ata janë të pacivilizuar e të paarsimuar, sepse, universitetet e tyre, sidomos ajo e Medines prodhojnë vetëm terrorista, radikalista dhe asgjë tjetër. Ja, më tha, profesor Ylli Paja, pikërisht këto gjëra t’i thonit, pse jo edhe publikisht, qoftë kjo edhe përmes ndonjë televizori lokal. Do t’ua bëni shumë qejfin amerikanëve. Po po, do ta flas këtë, ju thashë. Madje, edhe Jerusalemi! A e ka shpallur Pejgamberi vend të shenjtë, sidomos xhaminë aty, gjatë natës së Israsë dhe Miraxhit! Po myslimanët janë budallenj e nuk e kuptojnë politikën amerikane. Amerika futet aty për ta ruajtur atë qytet të shenjtë, atë vend që e bekoi Pejgamberi ynë.
Amerika ka respekt për Muhamedin a.s. e jo myslimanët e egër që janë në gjendje t’ia vënë flakën edhe Xhamisë ku u fal Pejgamberi ynë, vetëm e vetëm mos ta lënë në duart e hebrenjëve. E di unë, kjo është politika e Trampit që e dislokon amabsadën amerikane në këtë qytet, vetëm e vetëm që mos t’i lë mundësi askujt për ta dëmtuar apo për ta sulmuar Jerusalemin ku gjendet xhamia në të cilën Pejgamberi ynë për herë të parë u bë imam duke ju prirur në namaz të gjithë pejgamberëve të më parshëm. Ndaj kësaj mrekullie Amerika ka respekt të padiskutueshëm, prandaj edhe e merr nën mbrojtje dhe siguri të veten këtë qytet, dhe jo sepse këtë e paskan kërkuar hebrenjtë.
Pas kësaj ligjerate, u mrekullua Ferdinand Samarxhiu, kurse profesori Ylli Paja ngeli pa fjalë, duke më thënë se, jam diplomat karriere por, një ligjeratë kaq racionale e të mrekullueshme nuk e kisha menduar kurrë. Bravo “reis ulema”, më tha Paja! I morën paratë duke më premtuar se, vetëm sa të plotësohej edhe kjo fushatë proamerikane në CV-në time, menjëherë do të vinte dekoarata, por që nuk do të duhej të vonohej më shumë se nja një muaj.
Pas kësaj, nuk rreshta së foluri. Në të gjitha studiot ku me jepej rasti flisja për arabët si për popull të kotë, pa histori, pa kulturë, si të egër, vrasës. Dhe, me këtë e dija se po rrezikoja që ta humb tërë përkrahjen nga arabët por edhe nga turqët. Edhe ashtu nuk më kishte mbetur më interesimi për BFI-në të cilën po e shoh gjithnjë e më shumë tek fundoset, mendjen e kisha te dekoratat. Më duheshin edhe këto dy dekorata që të mbylleshin gojat e këqia që papushuar e theksojnë pseudonimin tim policor “Zharko”, “Zharko”, “Zharko”… Ta marr unë dekoratën e Trampit dhe të Metës e, pastaj, në rrotë t’samës le të shkojnë të gjithë, me gjithë BFI-në.
Qeveria Rama ka nisur një “projekt pilot” për ta testuar pagesat elektronike nga fatura e kafes e deri te pagesat utilitare si drita, ujë, gjoba etj. Rama tha se pagesat elektronike janë një përparësi për konsumatorët.
“Konsumatorëve një herë kjo iu jep një avantazh shumë të madh sepse nuk mbajnë lekë nëpër xhepa, kontrollon gjatë gjithë kohës financën dhe mbi të gjitha kjo bën që mos të ketë dhe evazion nga ana e bizneseve të Tvsh-së. Plus që kjo ka dhe të mirën që s’ka komision, domethënë është më e lirë sesa përdorimi i kartës dhe sesa transaksionet që bëhen nëpërmjet bankës. S’ndryshon asgjë. Vetëm ndryshon transaksioni nga “fut dorën në xhep, ver para merr para, i kam s’i kam” – u shpreh Rama.
Projekti Pilot do të zbatohet për periudhën kohore Maj-Gusht 2024 në Tiranë, Peshkopi, Përmet. Kryerja dhe konfirmimi i pagesës në kohë reale përmes portofolit elektronik që ofrojnë institucionet financiare, realizohet përmes QR code të faturës së fiskalizuar.
Përndryshe Danimarka nga data 31 maj 2025 largon nga qarkullimi 1.000 krunëshin prej letre.
Në Maqedoninë e Veriut, ish Advokat i Popullit akuzohet për korupcion
I dyshuari i dytë në aferën e pranimit të ryshfetit në shumë prej 10 mijë eurove, Ixhet Memeti, thotë se nuk është i përfshirë në këtë rast. Ai në një deklaratë për TV21 thotë se aspak nuk e njeh djalin i ish-kryetarit Boro Stojçev dhe deklaroi se nuk ka bë asgjë asgjë kundërligjore.
“Asnjëherë as se kam parë, as se njoh. Në këtë moment, jo vetëm që mendoj jam i bindur se nuk është korrekte që të flas unë më tepër në lidhje me këtë proces, sepse kjo duhet të lihet organeve të drejtësisë të cilët në mënyrë profesionale ta zbardhin deri në fund hetimin që duhet ta bëjnë. Unë kam besim të plot te organet, por ama morale dhe për mua shumë me rëndësi të ju informojë edhe juve edhe opinionin se me përgjegjësinë më të madhe deklaroj se asgjë kundërligjore nuk kam bë. Ajo do të vërtetohet gjat procedures”, tha për TV21, Ixhet Memeti – prokuror.
Seanca për këtë rast pritet të vazhdojë nesër në gjykatën penale, ku duhet të paraqitet Memedi.
TV21: A pritet që nesër të parqiteni në gjykatë, sepse janë kërkuar masa të sigurimit, konfiskim e pasaportës dhe paraqitjet e rregullta në gjykatë?
Ixhet Memeti: “Gjykata ka mundësi dhe ka të drejtë të kërkojë prezencë dhe ajo pa hezitim do t’i mundësohet”.
TV21: A kishte paraprakisht bastisje në shtëpinë tuaj dhe a u gjet dicka.
Ixhet Memeti: “Po është e vërtetë, por nuk është gjetur asgjë. Nuk është mirë që të flas më tepër”.
Ndërkohë i dyshuari i parë gjykatsi Nake Georgiev tashmë është në paraburgim.
Në Gjykatën Supreme dje në seancë kryetarja Besa Ademi i ka njoftuar kolegët e saj për procedurën penale të iniciuar ndaj Georgiev, për pezullimin e tij, aktivitetet e ndërmarra dhe bashkëpunimin me institucionet kompetente në lidhje me rastin. Prokuroria dyshon se dy zyrtarët e drejtësisë per 10 mijë euro përfitime kanë premtuar masa më të buta për Stojçevin, të akuzuar në rastin e njohur si Çibuk, për kontrabandë marijuanë.
Hoxha shqiptar, mos më përshëndet arabisht por në gjuhën e bekuar shqipe “TUNGJATJETA!”,
Hoxha shqiptar nga Maqedonia e Veriut, Zekerija Idrizi ka bërë thirrje që të ndalohen përshëndetjet turke e arabe, derisa kërkoi të përshëndetet në gjuhën e bekuar shqipe.
Këtë thirrje e bëri përmes një postimi në Facebook, derisa kërkoi për përshëndetje dhe komunikim në gjuhën shqipe.
“Poshtë kultura dhe bontoni arabo-aziatik lindor në komunikimin tonë të përditshëm!
Rroftë tradita dhe kultura kombëtare shqiptare!” – shkroi ndër të tjera Idrizi, transmeton “Bota sot”.
Postimi i plotë
PËRSHËNDET SHQIP – KOMUNIKO SHQIPTARISHT
“Selam alejkum” – “Merhaba”, mos më fol arabisht se nuk jam shpellar, as banor shkretire e as nga Anadolli. Më përshëndet në gjuhën e bekuar shqipe “TUNGJATJETA!”, “MIRËDITA!” e “PUNË E MBARË!”, sepse gjak arbëror/shqiptar kam në deje dhe jam banor e nënshtetas Arbërie …
Poshtë kultura dhe bontoni arabo-aziatik lindor në komunikimin tonë të përditshëm!
Rroftë tradita dhe kultura kombëtare shqiptare!
Vdiq astronauti Frank Borman, udhëhoqi misionin e parë drejt Hënës
Ish-astronauti i NASA-s, Frank Borman, i cili udhëhoqi misionin e parë hapësinor rreth Hënës në Apollo 8, ka vdekur.
Ai vdiq në Billings, Montana në moshën 95-vjeçare, tha agjencia, transmeton Telegrafi.
Borman dhe dy astronautë të tjerë ishin njerëzit e parë që kishin orbituar Hënën në kuadër të ekspeditës Apollo 8 në vitin 1968.
Administratori i NASA-s, Bill Nelson e kujtoi Borman si “një nga më të mirët e NASA-s” dhe “një hero të vërtetë amerikan” të përkushtuar ndaj punës së tij.
“Dashuria e tij e përjetshme për aviacionin dhe eksplorimin u tejkalua vetëm nga dashuria për gruan e tij Susan”, tha ai.
“Frank e dinte eksplorimin e fuqisë që kishte në bashkimin e njerëzimit kur tha: ‘Eksplorimi është me të vërtetë thelbi i shpirtit njerëzor’”.
Apollo 8 ishte një mision themelor pasi ishte hera e parë që njerëzit u larguan nga orbita e Tokës për të shkuar në orbitën e Hënës.
Forca e Diasporës (FeD) një lëvizje e re politike që synon Parlamentin e Kosovës
Se diaspora nuk dëshiron të jetë vetëm portofol parash por edhe faktor politik e dëshmon më së miri lëvizja FeD e shtrirë në të gjitha kontinentet ku jetojnë shqiptarët e cila jo larg do të trokas në dyert e elektoratit kosovarë.Për të mësuar më shumë rreth programit dhe orientimit të kësaj lëvizjeje po paraqesim një pjesë të konceptit politik të shpalosur nga drejtuesi i kësaj lëvizëje z.Mehmet Manovi:
Koncepti politik i FeD-it në skenën politike kosovare futet si opsion i një forcë e re politike që vjen si një lëvizje kreative, inovative dhe dinamike e diasporës dhe qytetarëve të Kosovës.
Bëhet fjalë për një organizim politik mbarëkombëtar që ka potencial multidimensional dhe multidisiplinar politik, ekonomik, financiar dhe kadrovik sepse ka vetëm një qëllim. përmbledhjen e ideve më avangardë, moderne dhe kreative të elitës intelektuale mbarëshqiptare dhe shndërrimin e tyre në një program bashkëkohor politik dhe strategjik i cili dallon në themel nga konceptet konvencionale, gjegjësisht tradicionale, shterpe, sterile e servile të subjekteve të deritanishme politike shqiptare, që ofrojnë programe aspak autentike, përkundrazi programe „cope paste“, apo edhe më saktësisht koncepte plagjaturash, për të mos thënë të vjedhura nga subjektet më të njohura politike europiane.
Ideja jonë është që kjo Lëvizje të shndërrohet në një opsion politik që qëndron jo vetëm mbi interesat e ngushta të politikës ditore por që e pasuron kohën dhe hapësirën ku jetojmë me ide, vlera dhe koncepte kreative, moderne e bashkëkohore, avangarde, racionale dhe pragmatike, e cila është mirëpritur shumë nga bashkëqytetarët tanë. Këtu bëhet fjalë për një koncept që i përshtatet natyrës sonë specifike njerëzore dhe nevojave kombëtare e shtetërore.
Ne jemi thellësisht të bindur se njerëzve të sinqertë, të ndershëm, të ditur dhe mirëdashës nuk iu duhet frymëzim apo inspirim i madh për të qenë shërbëtorë të palodhur të kombit, atdheut dhe shtetit sepse për të tillë është i vetëkuptueshëm raporti korrekt, etik, moral, i përgjegjshëm, ndërgjegjshëm dhe llogaridhënës ndaj familjes, popullit, atdheut dhe shtetit.
Duke pasur parasysh faktin se shumica e aktivistëve që e përbëjnë këtë lëvizje, potencialin e tyre iluminist, kreativ, human, dhe avangard e kanë thithur nga shoqëritë e qytetëruara ku jetojnë e veprojnë dhe ku sjellja e ndershme, e përgjegjshme, e ndërgjegjëshme dhe llogaridhënëse e politikanëve që prezantojnë popullin në pushtet dhe opozitë është e vetkuptueshme, atëhere jemi optimistë se të gjithë së bashku njohuritë dhe përvojat e tyre do t`i implementojnë në konceptin e ri politik, për ta kompletuar deri në detajet më të imta mënyrën e veprimit teorik dhe praktik. Në këto shoqëri, gjegjësisht shtete, ndodh pandalshëm një garë cilësore ndërmjet individëve, subjekteve, ideve dhe koncepti politik që prodhojnë vazhdimisht rezultate konkrete e cilësore ose thënë më saktësisht rezultate cilësore në të gjitha lëmitë, sferat dhe fushat e veprimit politik. Kjo ndodh, sepse pothuajse çdo individ që kyçet në politikën reale është skajshmërisht i sinqertë ndaj vetvetes dhe të tjerëve, ngaqë motivi i tij është i qartë dhe transparent: “Dua t`i realizoj interesat personale nëpërmjet kontributit për realizimin e interesave të përgjithshme shoqërore dhe shtetërore apo më konkretisht dua t`i realizoj interesat personale nëpërmjet kontributit për ngritjen e mirëqënies së përgjithshme sepse duke kontribuar për ngritjen e mirëqënies së përgjithshme, unë në fakt kontribuoj edhe për ngritjen e mirëqënies personale.
Ndërkaq ne jemi në këtë situatë të mjerë, sepse raporti i politikanit të zakonshëm shqiptar ndaj popullit, atdheut, shtetit, politikës, ekonomisë, financave, shoqërisë, natyrës, arsimit, shkencës, kulturës, sigurisë dhe edukatës, është i kundërt me raportin që kanë ndërtuar me shumë mund e sakrificë politikanët gjermanë, francezë, danezë, suedezë, e kështu me radhë, ndaj popujve dhe shteteve të tyre. Në anën tjetër fatkeqësisht të paktë janë ata shqiptarë që kyçen në politikën reale për t`i realizuar interesat e përgjithshme, përkundrazi, shumica e shohin politikën si një Eldorado të veprimtarisë përfituese, ku futen me synimin për të realizuar vetëm interesat puro egoiste, familjare, farefisnore, partiake dhe klienteliste.
Mirëpo tragjedia ndodh kur këta individë fillojnë t`i realizojnë interesat e tyre puro egoiste nëpërmjet dëmtimit të interesave të popullit dhe shtetit, apo më saktësisht nëpërmjet rrënimit të mirëqënies së përgjithshme. Prandaj Kosovës i duhet një koncept i ri dhe i drejtëpeshuar politik, ekonomik, financiar, arsimor, pedagogjik, filozofik, shkencor, psikologjik, sociologjik, etik, moral, edukativ, kulturor, klimatik që gjeneron shpresa, vlera dhe rezultate konkrete. Këtë koncept ne e kuptojmë si një ekuilibrizëm pragmatik dhe racional, që nuk barrikadohet në asnjë ideologji klasike, por që i përmbledh, selekton, sistemon dhe praktikon vlerat më të dëshmuara politike, filozofike, humane, shkencore, kulturore, dhe edukative që e kanë çliruar njerëzimin e qytetëruar nga kthetrat e varfërisë, primitivizmit, hipokrizisë, injorancës dhe dhunës multidimensionale.
Bëhet fjalë për një koncept që synon të rivendosë harmoninë dhe interpelancën ndërmjet njeriut, shoqërisë dhe natyrës, nëpërmjet drejtëpeshimit të nevojave të ndërsjella apo më saktë nëpërmjet marrjes dhe dhënies inteligjente kreative që nuk i dëmton reciprokisht palët. Më konkretisht bëhet fjalë për një koncept që e favorizon reciprocitetin e balancuar multidisiplinar ndërmjet njeriut, shoqërisë dhe natyrës. Nuk mund të ketë individë të shëndoshë pa shoqëri, atdhe, shtet dhe natyrë të shëndoshë.
Prandaj pa parakushtet e lartpërmendura, nuk mund të ketë as zhvillim të shëndoshë ekonomik që e favorizon një barazpeshë të domosdoshme sociale e cila është bazamenti për një shoqëri dhe shtet të balancuar dhe të përparuar, sepse çdo zhvillim i njëanshëm që favorizon vetëm një grup interesi dhe e anashkalon shumicën, del jashtë kornizave dhe koordinatave natyrore, në një botë e cila qysh moti i ka dalë nga binarët e drejtëpeshimit.
Koncepti ynë politik dallon nga konceptet e dështuara konvencionale europiane dhe ballkanike, jo vetëm pse nuk është barrikaduar në asnjë ideologji klasike, por sepse në fokus të vëmendjes ka dinjitetin e njeriut, bimëve dhe shtazëve. Ky program e çliron individin nga varësia prej konsumit të dëmshëm mbiproporcional dhe natyrën nga eksploatimi, gjegjësisht rrënimi i pamëshirshëm që prodhon zhdukje të botëve bimore dhe shtazore, që sigurojnë kushtet optimale për një jetë të shëndetshme.
Në një botë ku pritet një ngrohje globale mbi tre gradë celsius, nuk do të ketë as kushte elementare për një jetë kuptimplotë, prandaj prioriteti primar i konceptit tonë është vetëdijësimi i çdo individi indiferent ndaj dëmtimit të ekosistemit deri sa të arrihet vetëdijësimi i masës kritike të njerëzve me alarm të shkyçur. Këtë vetëdijësim ne nuk dëshirojmë ta ndajmë vetëm me shqiptarët, përkundrazi me të gjithë njerëzit dhe popujt kudo që jetojnë, sepse jemi të bindur se në kohën kur informatat shkëmbehen me shpejtësinë e dritës, përmes rrjeteve sociale, çdo ide që synon për ta bërë njeriun njësh me natyrën që e rrethon do të prodhojë jehonë. Mirëpo një koncept i tillë nuk mund të jetë i suksesshëm nëse nuk gjeneron vende të reja pune.
Për t`ia arritur këtij qëllimi është i nevojshëm një lobim modern deri në arritjen e një bashkëpunimi të ngushtë me të gjitha partitë dhe grupet e interesit në Europë dhe SHBA që kanë koncepte të ngjashme. Duke pasur parasysh faktin që këto koncepte po i imponon vetë natyra, gjegjësisht vetë ekosistemi i rrënuar nga ndotja e ujit, tokës dhe ajrit, atëherë nuk kemi pse të çuditemi që eksploatimi mbi proporcional i resurseve natyrore po e bën të pabanueshëm planetin tokë. Prandaj jemi shumë të bindur që gadishmëria jonë për bashkëpunimin me partitë dhe grupet e interesit që kanë koncepte të ngjashme politike, ekonomike dhe klimatike nuk do të hasë në sy të verbër dhe veshë të shurdhër, përkundrazi, Po ashtu jemi shumë të bindur që ky bashkëpunim do të rezultojë edhe në investime në sektorin e energjisë regenerative dhe riciklimit.
Mirëpo kjo nuk është e tëra: Tentativa për ta shndërruar Kosovën e pasur me resurse të jashtëzakonshme natyrore në një shtet ekologjik, nuk është një opsion i pamundur në programin tonë. Përkundrazi, jo rrallë resurset e jashtëzakonshme natyrore janë dëshmuar si një mallkim për popujt e vegjël që jetojnë me bark të uritur mbi to. Sepse jo vetëm që nuk ua shohim kurrë hajrin por me tonelata sherrin. Në anën tjetër programi ynë nuk lufton jo vetëm pasojat e krimit të organizuar dhe korrupsionit por sidomos burimin që është në kokat e pothuajse e secilit individ të papërgjegjshëm dhe pandërgjegjshëm.
Prandaj ky koncept parashikon një konfrontim permanent të individit dhe kolektivit me ndërgjegjen, edukatën, kulturën primitive dhe arkaike deri në vetëdijësim. Ky vetëdijësim duhet të realizohet nëpërmjet shumë projekteve kulturore, edukative, kreative dhe sociale kudo që frekuentojnë njerëzit më së shumti dhe sidomos nëpër shkolla dhe universitete.
Logo: FED
Prandaj është e dëshirueshme dhe e mirëseardhur që pjesë e këtij koncepti të bëhen edhe të gjitha format organizative të shoqërisë civile. Ne në fakt e kemi përpiluar një tabelë të prioriteteve që konceptin tonë e bëjnë autentik dhe të dallueshëm prej koncepteve copy paste të partive tona politike. Bëhet fjalë për një tabelë të prioriteteve që në fakt është një kornizë moderne me koordinata të qarta dhe kreative të veprimit që i nënshtrohen në njërën anë vlerave njerëzore, kombëtare dhe universale e në anën tjetër nevojave ekzistenciale të shumicës.
E dimë që dikjut mund t`i duket si një shpagat i pamundur por jo edhe neve. Ne na duket jo vetëm i mundur por para së gjithash i domosdoshëm. Të kesh prioritet për ndryshim të gjendjes së tërësishme është më tepër se një akt i pritur. Duhet të thekësohet se kjo lëvizje është formuar më 10 Gusht 2019 në qytetin e Hasan Prishtinës,Vushtrri me aktivistë nga shumë vende të botës si dhe nga Kosova dhe tani është në fazën e legjitimimit për çka ka caktuar edhe kuvendin zgjedhor i cili do të mbahet më 2 Prill 2021 në Prishtinë.
