Kryetari i LVV-së dhe kandidati i kësaj partie për kryeministër të Kosovës, Albin Kurti ka reaguar ndaj deklaratave të Vuçiqiit për mohim të masakrës së Reçakut.

Kurti ka thënë se ai nuk pranoi ta quante Srebrenicën një gjenocid, tani ai mohon edhe masakrën e Reçakut.

“Ai nuk pranoi ta quante Srebrenicën një gjenocid, tani ai mohon masakrën e Reçakut. Ai dëshiron të kalojë në një të ardhme paqësore, pa pranuar krime e së kaluarës. Por gjenocidi, varret masive dhe masakrat, janë e vërteta e Serbisë. Është koha për Vuçiqin të fillojë të merret me të”, ka shkruar Kurti në Twitter.