, 14 dhjetor – Gjatë të shtënave me armë në një shkollë në qytetin Newtown të shtetit Connecticut të SHBA-së, sot janë vrarë të paktën 27 njerëz, në mesin e të cilëve edhe 14 fëmijë, njoftoi rrjeti televiziv CBS, derisa agjencia amerikane e lajmeve AP raporton për 18 fëmijë të vrarë, duke iu referuar një burimi zyrtar por të paidentifikuar. Sipas të dhënave të para është vrarë edhe sulmuesi, një person madhor te i cili janë gjetur dy lloje armësh.
Sipas agjencisë britanike Reuters, shkollën në të cilën u krye sulmi i sotëm e ndjekin fëmijët e moshës nga 5-10 vjeçare.
Në xhirimet televizive shihen policët dhe autoambulancat në vendin e ngjarjes, si dhe prindërit duke ngarendur drejt shkollës.
Newtown ka 27 000 banorë dhe gjendet 130 kilometra në verilindje të New Yorkut.