Zvicër, 4 shqiptarë nga Maqedonia kapen me drogë

Policia zvicerane gjatë një operacioni anti-drogë të realizuar në qytetet Schaffhausen dhe Neuhausen ka arrestuar katër shqiptarë nga Maqedonia të përfshirë në shpërndarjen e drogës.

Njëri prej shqiptarëve të kapur ka poseduar një pasaportë të falsifikuar bullgare dhe se ata po shisnin drogën rrugëve klientëve të tyre.

Tre prej të ndaluarve menjëherë janë ekstraduar për në Maqedoni, duke marrë një ndalesë prej 10 viteve për hyrje në Zvicër, ndërsa ekstradimi i të katërtit pritet të ndodhë gjatë ditës së sotme. Vonesa e tij ka ndodhur, pasi që autoritetet zvicerane kanë siguruar të dhënat nga ambasada e Maqedonisë në Bern, lidhur me identitetin dhe historikun e plotë të shtetasit të ndaluar.

Vendimi ekstradimin e tyre u dha nga Enti për Migracion me bashkëpunim me gjykatën kantonale të Schaffhausen-it pas një gjykimi të shpejtë. Që të gjithë të arrestuarit kishin një shumë të parave pranë vetës, e cila i është konfiskuar