Vaid Sahiti –ish kryetar i degës së PPD-së në Likovë në PDSH

Vaid Sahiti – ish kryetar i degës së PPD-së në Likovë:“I bashkangjitem PDSH-së, të mirës së popullit shqiptar në Komunën e Likovë,”.
Zëvëndëskryetari i Partisë Demokratike Shqiptare, Menduh Thaçi bëri të ditur se rradhëve të partisë së tij do ti bashkangjiten edhe anëtarë të kryesisë së partisë shqiptare në qeveri Bashkimit Demokratik për Integrim. Këtë deklaratë z.Thaçi e bëri ne Likove, ku zyrtarisht anëtarë të kryesisë së deges së Partisë për Prosperitet Demkratik kanë kaluar në rradhët e Partisë Demokratike Shqiptare.

Menduh Thaçi – zv.kryetar i PDSH-së
" Ky proces do të vazhdojë edhe në Saraj edhe në degët tjera, nëse dikush e keqkupton këtë process më vjen keq ose se kupton ose ka patur qëllime tjera individuale , grupore, interesa të tjera.Informatat e mia flasin se janë disa anëtarë të kryesisë së BDI-së që do të bashkangjiten , disa nëndegë dhe disa degë.

Vaid Sahiti – ish kryetar i degës së PPD-së në Likovë
"Duke parë çështjen ekonomike , vuajtjen e popullit shqiptar në Komunën e Likovës , unë si kryetar i degës së Partisë për Prosperitet Demokratik , kam vendosur ti bashkangjitem të mirës së popullit shqiptar në Komunën e Likovë, PDSH-së. "


Javën e shkuar rradhëve të PDSH-së ju bashkangjitën anëtarët e kryesisë së Partisë për Prosperitet Demokratik, dega Kumanovë. Sipas Partisë Demokratike, qëllimi i këtij bashkimi është ardhja deri te një situatë të rikthimit të dinjitetit të shqiptarëve , rikthimit të sigurisë së tyre, perspektivës ekonomike sociale dhe përfundimisht realizimit të qëllimeve kolektive, realizimit të drejtave të shqiptarëve.