STOP NEGOCIATAT!

Shkruajnë: Blerim Namani
Mona Agrigoroaiei

Letër e hapur drejtuar «Grupit Negociator»
KUSH BËN “NEGOCIATA” ME SHKIJET, ËSHTË VET SHKA!!


Zotërinj të «Grupit Negociator»,


Duke mos mundur të rrimë indiferentë ndaj asaj çka po ndodh me atdheun tonë të
dashur, pjesë e të cilës është edhe Kosova heroike,
Duke parë parasysh se Kosova gjendet në një situatë dramatike, në një “rrugë kalimi”
shumë të rëndësishme për të ardhmen e saj, duke parë rreziqet e copëtimit të
Kosovës,
Duke parë padrejtësitë që po u bëhen popullit Shqiptar të Kosovës që po u mohohet pa
asnjë arsye të drejtën e vetëvendosjes e duke shpresuar se kjo letër e hapur do të
zgjojë nga “gjumi” diplomacinë shqipfolëse me qëllim e mbrojtjes vetëm e vetëm të
interesave kombëtare të popullit Shqiptar,
Ne vendosim të ju drejtohemi juve nëpërmjet kësaj letre të hapur, siç vijon:


1. Nuk pajtohemi e nuk do te jemi kurrë dakord me këto "negociata"

Ju keni sot rastin e nderin të hyni në librat e shenjta të historisë se Kosovës
heroike, duke i thënë JO çfarëdo formë të skllavërimit të sërishëm të Kosovës. Ju
keni rast të thoni JO pikë së pari “pavarësisë së kushtëzuar”, e cila nuk do të jetë
asgjë më shumë se një autonomi në kuadrin e Serbisë (lexo: ripushtim e rikolonizim
të Kosovës). Edhe atë autonomi më kufij të përgjysmuar! E quani ju këtë “pavarësi”?!


Ne kemi shumë pyetje e përgjigjen askund nuk mundemi ta gjejmë! Vallë, me kënd të
bisedoni e kënd do të përfaqësoni në ato negociata?! Bisedoni me armiqtë tonë
shekullorë, me pushtuesit e deridjeshëm, me Beogradin zyrtar, i cili e ka duart të
mbushura me gjak Shqiptari.

Ju, zotërinj, në këto negociata nuk përfaqësoni popullin e Kosovës! Po që se doni ta
përfaqësoni popullin e Kosovës duhet t’i ndërprisni menjëherë negociatat e të
dëgjoni vullnetin e popullit të Kosovës dhe të shtroni bashkësisë ndërkombëtare të
drejtën e tij të vetëvendosjes!!

Vallë, pyetni fqinjët se çfarë do të bëni në oborrin (kopshtin) juaj?! Apo pyetni
anëtarët e familjes?!
Pra, nuk pajtohemi e nuk do të jemi kurrë me këto “negociata”


2. Negociata PO! Mirëpo, me diplomatët Shqiptarë të të gjitha viseve Shqiptare


E vërteta është se ju, zotërinj, keni një obligim të madh në këto momente të
vështira e shumë të rëndësishme në të cilën po gjendet sot Kosova.

Po që se pranoni çfarëdo “pavarësie” të kushtëzuar, e cila do të pengonte
Ribashkimin Kombëtar, atëherë do t’i mbeteni borxh gjakut të dëshmorëve, të cilët
flijuan jetën e tyre për atdhe, do t’i shkelni idealet e tyre, do t’u mbeteni borxh
familjeve të dëshmorëve, të cilët dhanë bijtë e bijat e tyre për atdhe, do t’u
mbeteni borxh invalidëve të luftës dhe të gjithë popullit Shqiptar.

Ndërpriteni menjëherë bisedimet boçe me Beogradin zyrtar, sepse këta nuk do të çojë
tek ajo çka populli shqiptar nga Shqipëria e Veriut (Kosova) ka të drejtë –
vetëvendosja, nuk do të çojë popullin shqiptar të Kosovës atje ku dëshiron – në
bashkimin sa më parë më shtetin-amë, Shqipërinë, së bashku me të gjitha trojet
Shqiptare.

Jemi të mendimit se duhet të fillojnë sa më shpejt negociata me shtetin-amë,
Shqipërinë, së bashku më përfaqësuesit e të gjitha partive politike shqiptare nga
Lugina e Vardarit (nën Maqedoni), Malësia e Madhe (e pushtuar nga Mali të Zi),
Lugina e Preshevës (koloni e Beogradit), si dhe me një delegacion i shqiptarëve të
Çamërisë, të cilët edhe pse nuk jetojnë në trojet e tyre, duhet të përfaqësojnë atë
tokë Shqiptare në negociatat kombëtare shqiptare, si dhe në referendumin për
Ribashkimin e Shqipërisë! Dhe të rikthehen sa më shpejt në vatrat e tyre.

Këtu, negociatat kombëtare shqiptare do të kishin karakter vëllazëror e ribashkues.
Prej këtyre negociatave do të rezultohej një referendum gjithëkombëtar për
Ribashkimin Kombëtar Shqiptar.

Të drejtën për vetëvendosje nuk mund të na mohojë askush.

3. Karriget e politikanëve nuk janë të përjetshme!

Duke ditur se karriget e politikanëve kurrë nuk janë të përjetshme, atëherë
zotërinjtë të «Grupit Negociator», shfrytëzojeni rastin tuaj historik, tregohuni
trima, të vendosur e posaçërisht të mençur, në këtë kohë shumë të vështirë, si për
ju, ashtu edhe për popullin shqiptar të Shqipërisë Veriore (Kosovës).

Ne, shqiptarët, duhet të mësohemi të themi një JO! E jo të pajtoheni gjithmonë me
atë që na imponohet. Nuk jetojmë më në Mesjetë. Kaluan kohërat kur bota nuk ishte në
dijeni (apo më mirë thënë nuk donte të dinte) se çka është e vërteta e problemit
gjithëkombëtar shqiptar, pjesë e pashkëputshme e së cilës është edhe çështjen e
Kosovës. Tani bota ka dalë nga procesi i dekolonizimit duke parë mbështetje të fortë
në ligjet ndërkombëtare, në shumë rezoluta të OKB-së, që medoemos duhen respektuar.

Pra, shfrytëzoni rastin tuaj historik e përfaqësoni interesat tona kombëtare, me
dinjitet. Mos lëshoni pe, ashtu siç nuk lëshuan Luftëtarët e Lirisë në betejat
heroike. Ata nuk luftuan assesi për “pavarësi të kushtëzuar” (!).

Bëhuni diplomatë të vërteta, duke mos u përkulur, jo para armiqve, por as para
trysnive të huaja. Sepse dihet fortë mirë se “Fuqitë e Mëdha” ishin ata që së bashku
me armiqtë tonë shekullorë e copëtuan Shqipërinë. Dëshmorët tonë heroike nuk u
përkulën as para tankeve sllave. Pra, mos shkelni idealet e tyre dhe vazhdoni rrugën
e tyre drejt ribashkimit kombëtar.

Fati i Kosovës është sot në duart e juaja. E ju do të krijoni një karrierë politike
vetëm nëse mbroni vlerat tona morale e kombëtare. Vetëm atëherë do të kini
mbështetjen dhe përkrahjen e popullit të Kosovës..

Në qoftë se nuk do të veproni kështu, karriera juaj, politikanë, do të jetë e
shkurtër dhe revolta e popullit do te jete e madhe, me pasoja të paparashikuara.
Sepse populli shqiptar i Kosovës dëshiron vetëvendosje e nuk pranon asnjë lloj
kompromisi.


4. Nuk njohim kufijtë e Kosovës të sotshme!

Zotërinjtë, nuk e dimë nëse e bëni këtë pa vetëdije apo nga trysnia e jashtme, por
si duket, keni harruar tërësisht se Kosova po ripushtohet ende, tash në heshtje e pa
luftë. Fjalën e kemi për 30 hektar toke të Kosovës, të dhuruara “Maqedonisë”. Këtu
patëm fjalën edhe për ripushtimit e fundit të tokave të Kosovës, sepse dihet mirë se
edhe Lugina e Vardarit është tokë të Shqipërisë Veriore (Kosovës)
Vallë, a janë tokat Shqiptare “dhurata” për serbo-sllavo-maqedonasit!!??

Ju gaboni nëse shkoni edhe një herë në Vjenë!...
Atëherë përmirësoni gabimin (me një mesazh që ne e kemi për Serbinë) e bëhuni burra,
trima e diplomatë të vërtetë e tregohuni se më të vërtetë keni ardhur në Vjenë, jo
të bisedoni për Kosovën, por t’i jepni këtë mesazh serbomëdhenjve, mesazh që ata
shumë mirë e dinë, por duhet t’i rikujtoheni edhe ju një herë:

“Edhe Lugina e Preshevës është Kosovë(lexo Shqipëri!)…..

Kurse për malazezet kemi gjithashtu një mesazh të ngjashëm:

“Malësia e Madhe është e jona e nuk do të ketë kurrë shtet të pavarur e të qetë
malazez deri sa viset Shqiptare janë nën sundimin e Malit të Zi”.

T'i rikthehemi mesazhit për Serbinë…Mos të harrojmë kurrë se Kosova e ka kufirin e
vete te Molla e Kuqe. Se nuk i harrojmë kurrë shpërnguljet me dhunë të 714 katundeve
Shqiptare të cilat janë të spastruara etnikisht! Nuk heqim dorë kurrë nga kjo toke e
jona!

Pra serbët duhet të heqin dorën një here e përgjithmonë nga Kosova, serbët duhet t’i
kërkojnë falje popullit Shqiptar për masakrat e bëra me shekuj, serbet duhet ta
pranojnë se Toplica është toke shqiptare dhe se ajo duhet t'i rikthehet Kosovës.

Pra, nëse bëhen negociata me Beogradin, atëherë duhet të bëhen për rikthimin e
tokave shqiptare që janë ende nën sundimin e Serbisë, për dëmshpërblimin qe Serbia
duhet t’ua paguajë shqiptarëve për tokat e shfrytëzuara me shekuj, e jo te bisedohet
për “marrëveshje” se si do të bjerë Kosovën sërish nën sundimin të Beogradit!

Edhe Gjermania kërkoi falje dhe pagoi dëmshpërblimet e bëra gjatë Luftës së Dyte
Botërore.

Pra.....NUK JEMI DAKORD E NUK DO TË JEMI KURRË ME KUFIJTË E KOSOVËS TE SOTSHME TË
PËRGJYSMUAR, SIÇ ËSHTË EDHE TËRË SHQIPËRIA E PËRGJYSMUAR. Nuk do t'i pranojmë kurrë
këta kufij e mos të flasim për ricopëzime të reja.

Me fjalë të tjera, negociatat duhen t'i ndërpriteni menjëherë, sepse nuk kemi çka te
bisedojmë me armiqtë dhe pushtuesit tonë.

Zotërinj të Grupit Negociator e në veçanti ju, z. Hashim Thaçi,

Ju rikujtojmë fjalët e Patriotit Avni Rrustemi, i cili i drejtohej i vetëshpalluri
ministër i jashtëm i Shqipërisë, kur ky i fundit i kritikoi shqiptarët. Dhe nga
vendi ku gjykohej, Avniu ngrihej në këmbe dhe tha: “Shqiptar je, mos luaj me gjakun
e të rënëve!”
Edhe ju, negociatorë, jeni vetëshpallur vet ose nga qarqe antishqiptare, pa
përfillur minimumin e popullit.
Se nëse e pyetni popullin, do t'ju thotë NDAL NEGOCIATAVE!
Por na paska sot shumë ESAT PASHË TOPTANA!!!...
Që edhe ky tradhtar e la Shqipërinë në mëshirën e të huajve, jo të popullit, dhe iki
për ne Paris, ku po çonte jete luksoze, edhe ju, kur çdo dite populli varfërohet e
po i kanoset rreziku i qenies shqiptare, ku çdo dite Serbia po i zgjeron territoret,
ju po vraponi pas karrigeve..., për pushtet pa shtet e po shkoni në Vjenë që të
negocionit për gjakun e të rënëve, për tokën, bukën, ujin...
Dhe që deri dje keni qenë, DESHMORË TË GJALLË, p.sh. Hashim Thaçi, sot me plot
bindje dhe pa hamendje, lirisht mund të themi se jeni vetëm KUFOMA TË GJALLË. Dhe
kemi menduar ndryshe, por ndodhi e kundërta zotërinj.
Kemi menduar që do të jeni udhërrëfyes të dëshmorëve, ju po dëshmojeni se jeni
udhërrëfyes të tradhtareve që e shiten atdheun. Si Ahmet Zogu që e la Shqipërinë nën
okupimin fashist dhe fluturoj si zog, iku, si Esat Pashë Toptani, tani ju po mendoni
që ta jeni dhe ende në mëshirën e UNMIK-ut, që është regjim fashist, antidemokratik,
neokolonial, nga moment që ai bashkëpunon me Beogradin për ta bërë Kosovën gjoja e
“pavarur” me kokën nën Serbi.
Pra ne e dimë se Hashim Thaçin ra në grackat e shërbimeve të huajve, se për Veton
Surroin njohim se edhe më parë ka qenë e mbetet besnik i Beogradit...
Dhe ju themi më siguri, zotëri Thaçi, ju keni harruar se ishit lider politik i
Ushtrisë Çlirimtare të Kosovës.
Prandaj lëreni popullin që të vendosë vet për fatin e tij, nëse flisni, mendoni dhe
veproni shqip, kthehuni pak mendjen e viteve rinore pastaj në Prekazin legjendar që
keni qenë në ballë të furtunave të shkaut dhe nuk jeni dorëzuar. E tani u dorëzuat
dhe ju themi se më siguri, nëse do të dinin dëshmorët që ranë në betejat e lavdishme
të UÇK-së se çka po bëhet në dhe me Kosovën, DO TË NGRIHESHIN NGA VARRI PËR T’JU
MALLKUAR!

STOP NEGOCIATAT!

Holandë – Rumani, 24 Mars 2006