DEMASKIM I KUNDËRSHTARIT ME DY EMRA

Beqir ELSHANI

DEMASKIM I KUNDËRSHTARIT ME DY EMRA
Kuptohet se në fund të shkrimit “Reagim ndaj psikanalizës së avokatit” kam
deklaruar përfundimin e mbrojtjes sime, mirëpo u detyrova për shkak të
paraqitjes demagogjike të tij me
pseudonim “Gentin Korbi”. Natyrisht që avokati beogradas nuk ka guxim të
dalë haptazi ndaj paraqitet me emër të rrejshëm dhe me pozita të ndryshme
gjeografike.
Hysni Bytyqi, menjëherë pas reagimit të parë kundër meje ke shkruar të
dytin, gjithashtu menjëherë pas reagimit të tretë me pseudonim “Gentin
Korbi”, (shyqyr që nuk je Feniks), e publikove reagimin e katërt. Kjo
tingëllon sikur ti sa herë që të shohësh ëndrra në dritë, menjëherë fillon
dhe sajon reagime. Çuditem sesi nuk i respekton normat qytetare të reagimit,
sepse ti duhet pritur në radhë, qoftë edhe nëse një kohë të gjatë nuk të
përgjigjem. Javën e fundit të dolën edhe dy reagime: e para me emër legjitim
dhe e dyta me emër të rrejshëm. Rezultati përfundimtar i reagimeve është
gjashtë sulme të tua me dy mbrojtje të mia. Tani në këtë shkrim nuk po të
quaj doktor, por demagog, hipokrit dhe servil, sepse vetë ti duke u
paraqitur me emër të rrejshëm ke shkelur etikën tënde akademike. Miku im,
dëshmor Abdyl Lahu, thoshte se për t’i hipur kalit në qafë duhet të jesh
taravol, kurse anekdota amerikane thotë, që sado kalorës i zoti të jesh
kurrë mos provo t’i hipësh kalit në qafë, sepse kali nuk e duron.
Hipokrizia jote shihet në letrën e fundit ku paraqitesh kinse je kthyer nga
Tirana e Shqiperisë në Boston të Amerikës dhe menjëherë ke hapur faqen e
“rtvzik-ut” për të shkruar kundër meje. Prandaj, Hysni Bytyqi, apo “Gentin
Korbi”, mjaft më me lojën tënde skandaloze! Ti mund të jesh avokat i zoti,
por kurrë nuk mund të jesh konspirator, për ruajtjen e fshehtësisë. Qysh në
reagimin tënd me pseudonim “Gentin Korbi” me adresë të Uashingtonit, shkruan
se më ke njohur si një qytetar të kulturuar të Therandës dhe se je kushëri i
nipit tim, Murat Bytyqi nga Semetishti, që do të thotë se ke harruar t’i
përmbahesh konspiracionit personal. Prandaj herën tjetër “mbrojtësin” vetjak
“Gentin Korbi” paraqite kinse nuk e njeh shkrimtarin Beqir Elshani nga
Theranda. Në vazhdim, ke harruar që në reagimet tua me pseudonim “Gentin
Korbi” të mos e ngarkosh me citate të njëjta latine, sepse latinistët janë
simbolikë. Kjo do të thotë që mbrojtësi yt i trilluar “…Korbi” nuk duhet të
jetë njohës i mirë i citateve latine. Që të jetë ironia më madhe të dytë
(Bytyqi dhe “Korbi”) merreni me diagnozën psikanalitike. Pastaj në traditën
dhe antroponiminë shqiptare nuk gjendet mbiemri i tillë “Korbi”, kurse sipas
bibliografisë së internetit tregohet se emri i trilluar “Gentin Korbi” ka
dalë si kopil në trungun e “rtvzik-ut”. Prandaj mbetet detyrë e redaksisë,
që armiqtë e rrejshëm të flaken prej trungut të “rtvzik-ut”, përndryshe do
të ketë pasoja të rrezikshme.
Pas hipokrizisë vjen servilizmi, me anën e së cilës dy shkrimet e fundit: i
pesti si Hysni Bytyqi, dhe i fundit si Gentin Korbi që e falënderojnë
redaksinë e “rtvzik-ut” për publikimin e reagimeve. Prandaj ky veprim i
paskrupullt ka emër, dhe ky quhet primitivizëm, që do të thotë se ke
shkalluar nga mendtë. Jo vetëm kaq, sepse derisa reagimet me emër legjitim
Hysni Bytyqi janë të gjata, kurse reagimet kinse mbrojtëse me pseudonim
“Gentin Korbi” janë më të shkurta. Kuptohet që reagimet me emër pseudonim
janë formale dhe bëhen sa për të dezinformuar masën shqiptare, kinse dikush
po i mbron “parimet” e avokat Bytyqit. Në fund të shkrimit, Hysni Bytyqi,
apo “Gentin Korbi”, duke i përçmuar shkrimet e mia, përgëzon
bashkëluftëtarët e mi të pendës në “rtvzik”. Ngjashëm siç më ke veçuar në
reagimin e parë nga vëllai Bislimi, motra Shemsije dhe djali i mixhës
Gafurri, mundohesh të më veçosh edhe nga bashkëluftëtarët e mi të pendës
shqiptare në Kopenhagë. Pikërisht Fadil Shyti, në mesin e të cilëve ti e
lavdëron, më ka përgëzuar duke më thënë se “Tani e pas avokat Bytyqi nuk do
të guxojë të shkruaj reagime kundër shkrimeve të tua.” Prandaj lavdërimi yt
është fyerje për bashkëpunëtorët e “rtvzik-ut”, koha do të tregojë se si do
të ndahesh prej tyre, o shtegtar i Beogradit, që me anën e postës
elektronike gjezdis nëpër metropole të botës. Duket qartë që ti e bën prej
zemërplasjes, sepse gënjeshtrat nuk të shiten. Hysni Bytyqi, alias Gentin
Korbi apo kushdo që të jesh, mashtrohesh, sepse trimat e vendosur që
luftojnë për çlirimin dhe bashkimin kombëtar të Shqiperisë etnike nuk bien
në kurthin tënd titisto-rankoviqist. Prandaj sipas shkrimeve shihet se ti
dëshiron një taksiratmadh, mirëpo unë nuk dua të merrem me ty.
Bashkëvendësit e mi dëshirojnë të dinë se kush qëndron prapa teje, jam
informuar se për shkak të traumës në kokë gjendesh për shërim
neuropsikiatrik në Londër?! Ndryshe me falënderimin tënd servil ndaj
redaksisë së “rtvzik-ut”, unë i jap lamtumirën e fundit, dhe nuk dua të
lodhem me reagimet tua monotone. 10 shkurt 2006