LETËR E HAPUR z.Alfred Mosiut

Presidentit të Repuplikës Popullore të Shqipërisë z.Alfred Mosiut

LETËR E HAPUR

Deklarata e shefit të diplomacisë shqiptare, ministrit të punëve të jashtme
Besnik Mustafai në, sesionin e radhës së O.K.B-së:
"Shqipëria e mbështetë pavarësinë e kushtëzuar për Kosovën
“
Mendojmë, kjo deklaratë është plotësisht antishqiptare.
Dhe, kërkojmë që të merrmi masa urgjente, që me ligjet e shtetit shqiptar,
ta rrëzoni këtë, si diçka tepër të dëmshme dhe të pa vlerë!
Dihet nga të gjithë se Kushtetuta e Repuplikës e obligon qeverinë dhe
shtetin shqiptar të interesohet jo vetëm për shqiptarët që jetojnë brenda
kufijëve të shtetit por dhe për shqiptarët që mbetën padrejtësisht jashtë
Shqipërisë londineze.
Dihet mirëfilli që Shqipëria kurdoherë ka luajtur një rol tepër me rëndësi
në zgjidhjen e çështjes kombëtare, për trojet e veta të mbetura jashtë
trungut të saj, ndihma e saj s´ ka munguar por siç po e shohim tani kjo po
tradhtohet, po shkilet verbërisht nga qeveritarët e rinj.


Kujtojmë këtu përkrahjen e qeverisë dhe shetit shqiptar që nga fillimi i
demonstartave të pranverës ´81, për Republikën e Kosovës, pastaj, deklaratën
e famëshme të ish-Presidentit, Ramiz Alia në selinë e OKB-së, më 1989, i
cili pa hezitim e përkrahu Republikën e pavarur të Kosovës.
Gjithashtu, ne nuk e harrojmë edhe faktin që edhe Kuvendi i Shqipërisë e ka
njohur në fillimvitet 90-ta, Republikën e pavarur të Kosovës.
Prandaj, duke i njohur këto përpjekëje ne nuk e harrojmë as ndihmën
vëllazërore të shtetit shqiptar, gjatë luftës së Kosovës nga shumë
fushëbeteja: politike, ushtarake, ekonomike etj...
Duke i kujtuar këto, ne shprehim indinjatën tonë, për faktin se si ka mundur
ky politikan servil, të bie aq poshtë me qëndrimin pakurrizor të partisë që
i takon, ( PDSH) , kur është fjala për një çështje kaq madhore kombëtare, që
tani po kërkon zgjidhje të drejtë dhe të qëndrueshme.

Ne, që po ju shkruajmë jemi veprimtarë nga Ilirida, dhe Kosova.
Ne, as larg atdheut s´po mundemi të jemi të qetë në këto situata që po
përjeton kombi ynë.
Të gjithë e dijmë sa përpjekëje dhe sakrifica janë berë për të siguruar
ekzistencën e shtetit shqiptar; janë derdhur lumenjë djerse dhe gjaku.
Z. Mustafai, këtë e dini edhe ju si intelektual dhe shef i diplomacisë
shqiptare.
Por, daklaratën tënde në Njy Jork në asamblenë e O.K. B, se:
"Shqipëria e përkrahë pavarsinë e kushtëzuar për Kosovën“, këtë nuk e
vlerësojmë ndryshe vetëm si thikë prapa shpine ndaj kombit shqiptar.
Kjo, është goditje si shumë thika të tjera që ia ngulët mizorisht
Shqipërisë që prej kur keni dalë në skenën politike si Parti Demokratike dhe
që kur e morët pushtetin në mënyrë „demokratike“.
Kur erdhët ju në skenë me politikën tuaj populliste, popullit ia premtuat
edhe Ribashkimin me Kosovën; kujto këtu nenin nr.3 të programit të PDSH, të
cilin posa erdhët në pushtet jo vetëm që e harruat, por e shkelët me të dy
këmbët.
Ju, më shumë se gjithçka, Shqipërisë i sollët fatkeqësi:
Shqiperia u mbush me mjerime dhe varre.
Nënat shqiptare u veshën me të zeza, nga Otrantoja e mallkuar.
Një armatë e tërë intelektualësh ikën nga sytë këmbët, gjatë këtyre viteve
të "tranzicionit", më tepër se 1 miljon shqiptarë ikën jashtë vendit.
Ikën sepse ju popullit ia sollët shpirtin në maje të hundës dhe natyrisht u
bë ajo që u bë në vitin famëkeq, 1997-të, kur shteti u dogj si një letër
kartoni!
Shteti shqiptar u dogj pikërisht nga politka e çoroditur e Partisë
Demokratike.
Dhe, "fatbardhësisht" ju përseri i fituar zgjedhjet e "ndershme",
"demokratike"dhe tani jeni bashkuar me miqtë e armiqëve tanë herë direkt ose
indirekt jeni bërë sherbëtorë të tyre , në luftë kundër popullit shqiptar.

"Nuk ka rëndësi se si do quhet statusi i Kosovës - do të quhet pavarësi e
kushtzuar"- tha tha ministri i Mustafai!!!
Dhe, kur gazetarët të pyetën: sa do të zgjasë kjo pavarësi e kushtëzuar, ti
me elegancë e përbishtrove; këtë do ta dijnë negociatorët!!!
...Dhe, ashtu thonë miqtë e serbëve në Grupit të Kontaktit: " Kosova, do
jetë as autonomi e as pavarsi", pra ata thonë ashtu siç thotë neofashisti,
Vuk Drazhkoviç.
Të gjitha këto insinuata, janë rezultat i asaj mledhjes famëkeqe të
Rambujës.
Dhe tani s´ ju ka mbetur tjetër shteg veç të bëni lajka dhe të përpiqeni ta
mashtroni popullin shqiptar.
Aleatët e serbëve, ju përkrahën fort edhe kur në vitin 1993, ju
"demokratët", të parët e pranuat shtetin artificial, krjiesën e ish-
Jugosllavisë titiste, me emrin Maqedoni.
Sot, atje shqiptarët po heqin të zitë e ullirit!
Me këto përpjekëje qyqare e tinzare ju vetëm sa e shtoni më tepër
zemërimin e popullit; pastaj, pasojat do jenë të pa parashikuara, prandaj
kujdes!...
Jemi të bindur se populli shqiptar do t´i hedhë poshtë, deklaratat
antihistorike, pa kurrëfarë logjike politike, tërsisht antikombëtare si këto
të shefit të dilomacis shqiptare.
Z. Mustafai, tani kemi një pyetje për ty:
Pse vallë nuk deklarove atje ku thuhet se zgjidhen nyjet e fatet e kombeve;
"Kosova duhet ta ketë një Referendum popullor, që populli i saj të vendosë
për fatet e veta: dëshiron të jeton i ribashkuar me shtetin shqiptar, apo
don të jetë i pavarur, apo dëshiron të jeton nën dhunën e terrorit sllavë
ose nën terrorin e diktaturës psikologjike kolonialiste të UNMIK-ut".

Deklaratat tuaja dhe të padronëve tuaj partiakë nuk përputhen aspak me
fushatën elektorale që zhvilluat gjate verës dhe as me programin e qeverisë
që e keni paraqitur si pozitë politike në shtetin shqiptar.
Për më keq, ju fare s´jeni konsultuar me forcat tjera politke, pra as me
opozitën që zhvillon një betejë politike për zhvillimin e Shqipërisë në
parlamentin shqiptar.
Deklarata të tilla si kjo, janë tepër të rrezikshme!
Ti dhe kompania jote fort mirë e di, përse luftoi Kosova Kreshnike!
Dëshmorët e Kosovës, u betuan në falmurin kombëtar dhe betimin kombëtar, apo
në ato flamujt e himnin e titistëve të tipit Rugova-Daci, që për vite me
radhë po tallen me kërkesat popullore...
Dihet që titistët e konvertuar në pacifistë rugovistë u tallën edhe me
luftën çlirimtare, ata arritën të thonë: " NATO-ja e çliroi Kosovën, se
NATO-ja e theu kufirin shqiptaro-shqiptar; se sikur të mos ishte NATO-ja të
tanë shqiptarët, Serbia do t` i hudhte në det etj.
Këta titistë as sot nuk duan ta kuptojnë se UNMIK-u është instaluar në
Kosovë që t´ i mbrojë kufijtë që të parët e tyre europianë e kanë copëtuar
Shqipërinë në vitin 1913-të dhe tani dëshirojnë t i mashtrojnë shqiptarët se
zgjidhja më e mirë është "pavarsia e kushtëzuar", "njohje formale".,
"integrimi i Kosovës në Europë", që pastaj kështu popullit shqiptar t`i
mohohet e drejta për vetëvendosje.
Z. Mustafai, po edhe titistët pacifistë duhet ta kuptoni se kufirin
shqiptaro-shqiptar e theu e lavdishmja Ushtria Shqiptare, prandaj përpjekjet
e forcave ndërkombtare ta bllokojnë, sipas tyre: ta forcojnë kufirin, janë
të kota.
Pas asaj lufte heroike që zhvilloi Ushtria Çlirimatre e Kosovës, kur: 12000
mijë shqiptarë mbetën të vrarë, 1 milion të shpërngulur nga shtëpitë e veta,
120.000 shtëpi të djegura, 20.000 femra shqiptare të dhunuara, 3000
shqiptarë ende të pa gjetur, deri sot po gjenden shqiptarë të masakruar
nëpër varrezat masive nëpër Serbi e gjetiu.
Pra, kur t i kujtojmë këto të dhëna reale, tani kur diplomati "i pavarur",
Kai Aide, ngre gishtin dhe përpilon raporte qesharake për plotësimin e atyre
standardeve të famëshme që shqiptaret e Kosovës t i përmbushin për pavarsi
të kushtuzuar!!!
Kujdes zotërinjë, se kjo lojë dajlli mund t´ju kthehet në bumerang!
Pastaj, ju zotëri Miustafai, është dashur të deklaroni në OKB, se:
decentralizimi për Kosovën është një kancer politik që e pengon zgjidhjen e
çështjes së Kosovës dhe pikërisht këto gjëra janë të përpunuara kundër
shqiptarëve.
Këto komplote dhe intriga serbe janë të përpunuara fort mirë në elaboratet
shoveniste serbomdha.
Bile, tani ato po e dirigjojnë edhe politikën e UNMIK-ut, në dëm të
shqiptarëve si me: gjykatën e Hagës, decentralizimin, standardet, komploti
për negociatat lidhur me statusin e Kossovës etj.


Xhemil Zeqiri, veprimtar i të drejtave dhe lirive të njeriut, Kopenhagë.
Fadil Shyti, publicist.
Danimarkë - Suedi, 02.10.2005