Untitled Document

Shefki Ollomani-Nga roberia ne liri dhe nga roberia ne roberi.(Komente historise sone politike)
Gezim Mekuli-Demilitarizimi, decentralizimi, dekombëtarizimi dhe "demokratizimi" i popullit shqiptar!
Beqir Elshani-Saturni serb i ha femijet shqiptare
Abaz Pllana-Mitrovica e ndarë apo...?
Beqir Elshani-Ditelindja dhe perkujtimi
Xhevat Bislimi- Konference per gazetare-Dega e PDK-se-Viti

AKTUALITETE POLITIKE -EXKLUSIVE PËR RTVZIK

AKTUALITETE POLITIKE-EXKLUSIVE PËR RTVZIK

Pas dy vjetësh të gjyqit ndaj Millosheviqit


		Gabriel Partosh Analist i BBC-së për Evropën juglindore

Prokurorët mbyllin çështjen ndaj Millosheviqit

Dy vjet pasi Sllobodan Millosheviqi doli në gjyq para Gjykatës së Hagës pala paditëse deklaroi se i ka dhënë fund paraqitjes së provave të saj dy ditë para afatit.

Millosheviqi përballet me 60 akuza për krime lufte, krime kundër njerëzimit dhe gjenocid gjatë luftrave në Kosovë, Bosnje e Kroaci, dhe sipas çdo standardi procesi gjyqësor kundër tij ka qenë një ngjarje e jashtëzakonshme.

Statistikat që rrethojnë këtë proces gjyqësor maratonë janë vërtet përshtypjelënëse.

Procesi gjyqësor ka mbi dy vjet që vazhdon. Pala paditëse ka përdorur 293 ditë për të prezantuar çështjen e vet dhe tani u ka kërkuar gjykatësve që t'i përfundojë argumentat e saj dy ditë më herët duke thënë se gjendja jo e mirë shëndetësore e Millosheviqit e ka vonuar tashmë shumë procesin.

Kërkesa e palës paditëse tashmë duhet të miratohet nga gjykatësit. Deri më tani janë dëgjuar dëshmitë e 298 dëshmitarëve, ndërsa janë dorëzuar 29 mijë faqe me dëshmi.

Provat

Fakte për gjyqin 60 akuza 29 mijë faqe dëshmi 298 dëshmitarë 293 ditë padija

Kryeprokurorja e Gjykatës së Hagës, Karla del Ponte, duke folur kur pala paditëse filloi prezantimin e provave tha se "kjo gjykatë dhe ky proces gjyqësor është demonstrimi më i fuqishëm se askush nuk është mbi ligjin ose i paprekshëm nga drejtësia ndërkombëtare".

Që nga ajo kohë ajo dhe kolegët e saj janë përpjekur të vërtetojnë se Millosheviqi ka qenë përgjegjës për një sërë krimesh lufte si individ, por edhe si drejtues.

Përgjegjësia si komandant është më e lehtë të vendoset, të paktën për Kosovën, pasi Millosheviqi ka qenë president i Jugosllavisë dhe kështu komandant i Shtabit të Ushtrisë Jugosllave gjatë konfliktit të vitit 1998-99.

Në këtë kontekst një nga dëshmitë më të rëndësishme erdhi nga politikani britanik, Padi Ashdown, i cili tha se ai personalisht e kishte paralajmëruar Millosheviqin gjatë luftimeve në Kosovë se ai do të përfundonte para gjykatës nëse nuk i jepte fund masakrave atje.

Në kontrast, gjatë luftës në Bosnjë dhe Kroaci, në atë kohë si presidenti i Serbisë, ai nuk kishte autoritet zyrtar.

Por një numër i madh dëshmitarësh dhe mediatorësh ndërkombëtarë, midis të cilëve edhe zyrtarë të lartë serbë, dëshmuan se Millosheviqi në fakt ishte në kontroll të forcave serbe.

Akademiku britanik, James Gow, një dëshmitar ekspert në gjyq, thotë se disa nga këto dëshmi janë shumë bindëse.

"Pala paditëse ka gjetur disa prova shumë të forta përsa i përket rolit personal dhe të drejtëpëdrejtë të Millosheviqit në dhënien e urdhrave përsa i përket veprimeve në Kroaci," thotë zoti Gow.

"Përsa i përket Bosnje-Hecegovinës, një nga arritjet më të mëdha ishte paraqitja e disa figurave të larta në gjyq që dhanë dëshmi duke treguar qëllimin e vërtetë të Millosheviqit dhe - kjo është provë e vërtetë - se ai ishte personi që drejtonte çdo gjë" tha eksperti britanik.

Vështirësitë

Detyra e palës paditëse është vështirësuar nga fakti se gjyqi i Millosheviqit është i pari në lidhje me luftimet në Kosovë dhe Kroaci.

Kjo do të thotë se pala paditëse duhet të vërtetojë se në këto dy vende kanë ndodhur krime lufte dhe krime kundër njerëzimit, diçka që është vërtetuar tashmë në lidhje me Bosnjën në procese gjyqësore të tjera.

Duke pasur para peshën e provave të paraqitura nga prokurorët në shumicën e aspekteve të rastit, Millosheviçi do të ndodhet para një detyre të vështirë kur të fillojë mbrojtjen pas tre muajsh.

Prokurorët kanë paraqitur një rast të fortë duke theksuar rolin drejtues të Millosheviçit në politikat dhe strategjinë ushtarake që solli fenomenin e spastrimit etink në ish-Jugosllavi.

Në dy fusha, megjithatë, Millosheviqi mund të ketë një mbrojtje të fortë.

Një është ligjore: disa nga akuzat për krime lufte kundër Milosheviqit aplikohen vetëm për konflikte ndërkombëtare.

Nuk është fare e qartë nëse konflikti në Kroaci në vitin 1991 ishte i tillë. Kjo sepse pavarësia e Kroacisë nuk u njoh botërisht deri në vitin 1992.

Pikëpyetja tjetër varet mbi akuzën për gjenocid lidhur me masakrën e myslimanëve boshnjakë në Srebrenica në vitin 1995.

Sipas disa dëshmitarëve, përfshirë gjeneralin Wesley Clark, Millosheviqi i kishte paralajmëruar serbët e Bosnjes që të mos e kryejnë këtë krim.

Vëzhguesja Stacy Sullivan, e cila po e ndjek gjyqin në emër të Institutit me bazë në Londër për Njoftimet në Kohë Lufte dhe Paqeje, vë në dukje edhe vështirësinë për të provuar akuzën për gjenocid për shkak të nocionin të qëllimit.

"Sumica e ekspertëve ligjorë me të cilët kam folur mendojnë se prokurorët nuk kanë mundur të provojnë elementin e gjenocidit," thotë zonja Sullivan.

"Duhet të provosh jo vetëm që është kryer krimi, jo vetëm që ajo që ka ndodhur ishte gjenocid, por prokurorët duhet të provojnë edhe se Millosheviqi, në fakt, kishte si qëllim të shkatërronte, në këtët rast, myslimanët e Bosnjes si popull," thotë ajo.

Edhe nëse ai del i pafajshëm në akuzën për gjenocid, Millosheviçi mund të dënohet me burgim të përjetshëm nëse gjendet fajtor për krime lufte dhe krime kundër njerëzimit.

Gjatë pyetjes së dëshmitarëve të prokurorëve Millosheviqi është përpjekur të minojë provat kundër tij.

Por ai ka shpenzuar edhe më shumë kohë duke e përdorur gjykatën si platfomë politike - duke iu drejtuar prej andej mbështetësve të vet në Serbi e gjetkë.

Ai ndoshta do të vazhdojë këtë taktikë edhe kur të fillojë mbrojtjen, por Millosheviqi mund të përdorë edhe taktika të tjera.

Me largimin e kryegjyqtarit Riçard Mayer për shkaqe shëndetësore, ai madje mund të kërkojë edhe një gjykim të ri.

RTV Zëri i Kosovës · Arkivi historik
-...................
RTV Zëri i Kosovës · Arkivi historik
........-..............
RTV Zëri i Kosovës · Arkivi historik
...................
RTV Zëri i Kosovës · Arkivi historik
....

Për disponimin tuaj

Lidhje tjera