“Tifozat Kuq e Zi”: Ëndërruam, sakrifikuam dhe në fund u kualifikuam, Gjermani po vijmë

Kombëtarja e Shqipërisë siguroi sonte edhe matematikisht kualifikimin për në Kampionatin Evropian “Euro 2024”.

Kombëtares shqiptare i mjaftoi një barazim 1:1 me Moldavinë, për të siguruar vendin në mesin e 24 kombëtareve më të mira në Evropianin që do të mbahet vitin e ardhshëm në Gjermani, shkruan Gazeta Express.

Rreth kësaj kanë shkruar edhe tifozët më besnikë të Shqipërisë, “Tifozat Kuq e Zi”.

“Ëndërruam, sakrifikuam, dhe në fund u kualifikuam. Më të bashkuar se çdo herë tjetër, “TKZ po vijnë” për të pushtuar tokën gjermane, për të stolisur Euro 2024 me ngjyrat Kuq e Zi. Ne ja dolëm, por ky është vetëm fillimi…”, thuhet në postimin e “TKZ”.

Shpërndaje në