Sonte në mbrëmje në Shqipëri do të ekstradohet Izet Haxhia. Ish-kreu i Shërbimit Informativ Shtetëror, Fatos Klosi ka komentuar situatën që pritet të ndodhë.

Klosi u shpreh se Haxhia është i penduar, ndërsa me rihapjen e dosjes së Hajdarit në valle është Sali Berisha.

“Kanë kërkuar autoritetet shqiptare që të ekstradohet. Ai ka të drejtë që të rihapë procesin gjyqësor, shpresoj që pozita e tij të jetë ndryshe. Këtë çështje mund ta hapë vetëm Izeti, pasi është dënuar në mungesë. Unë kam qenë për hapjen e procesit, pasi asokohe nuk u mor me bashkëpunëtorët. Nuk u mor me ata që ndihmuan, u konsiderua se e ndihmoi Izeti dhe e dënuan, ai thotë se ka edhe të tjerë. Izeti ishte atë natë brenda selisë së PD, ndoshta edhe mund të ketë prova kundër Berishës. Ai pretendon se ka informacion, uroj që t’i thotë, të dalin fajtorët e vërtetë, deri tani janë dënuar vetëm ekzekutorët.Asokohe kam biseduar me ministrin e Brendshëm, ai ka biseduar me Azemin, dhe ai i ka thënë se në Tropojë po përgatiten për vrasjen tënde, dhe Azemi ka thënë e di, i është ofruar mbrojtje dhe ai e ka mirëpritur. Ai ka falenderuar për mbrojtjen që iu ofrua. Ai është i penduar në marrëdhëniet me Berishën dhe i shikon ngjarjet me një sy tjetër, uroj që të ketë të vërteta për të thënë,” tha Klosi në  Report Tv.

Shpërndaje në


15 October 2019

Facebook

Facebook Pagelike Widget