Një këngëtare e njohur turke u arrestua pasi një prokuror i Stambollit hapi një hetim me akuzën e “nxitjes së njerëzve në urrejtje dhe armiqësi”. Fjala është për Gulsen Bayraktar Colakoglu, 46 vjeçe.

Ajo u morr shtëpinë e saj në Stamboll dhe u dërgua në gjykatë.

Gjykatësi më pas e ktheu atë në burg përpara një hetimi mbi komentet që ajo bëri gjatë një koncerti në prill, duke përfolur shkollën fetare Imam Hatip.

Gulsen është shumë e njohur në Turqi dhe rasti i saj është bërë kryefjalë.

Gulsen i tha një personi të panjohur në skenë, me sa duket duke bërë shaka, se “perversiteti” i tij ishte shkaktuar nga edukimi i tij në shkollën Imam Hatip.

Akuzat për nxitje të urrejtjes

“Akuzimi i një pjese të shoqërisë për ‘perversion’ dhe përpjekje për të përçarë Turqinë është një akt urrejtjeje,” tha zëdhënësi i AKP, Omer Çelik.

Gulsen postoi një kërkimfalje në rrjetet sociale përpara se të arrestohej.

“Një batutë që ndava me kolegët e mi me të cilët kam punuar për shumë vite … është regjistruar dhe publikuar nga ata që duan të polarizojnë shoqërinë. Më vjen keq që fjalët e mia janë bërë materiale për njerëzit keqdashës që duan të polarizojnë vendin.”

Avokati i saj Emek Emre premtoi të apelojë arrestimindhe të kërkojë lirimin e saj të menjëhershëm.

 “Klienti ynë nuk ka kryer asnjë krim”, tha ai.

Këngëtarja e njohur botërore dhe shqiptare, Dua Lipa, sot mbush 27 vjeç. Një urim të veçantë ajo ka marrë nga Kryetari i Bashkisë së Tiranës Erion Veliaj. Përmes një postimi në rrjete sociale, Veliaj shprehet se Dua na bën shumë krenar.

“Edhe Dua Lipa – ylli që shkëlqen më fort. Jemi shumë krenarë për ty”, shkruan kryebashkiaku Veliaj.
Ndërkaq, në Parkun e Liqenit Artificial të Tiranës kanë nisur përgatitjet për vendosjen e skenës ku do performojnë yjet e muzikës të ftuar nga Dua Lipa në 3 ditët e Sunny Hill Festival Tirana 2022. Kryetari i Bashkisë së Tiranës, Erion Veliaj, gjatë inspektimit të hapësirës ku do të zhvillohet festivali, u shpreh i bindur se ashtu siç u menaxhua ndeshja e finales së Konferencë Ligës, me të njëjtin sukses Tirana do të presë dhe festivalin e Dua Lipës.

Reperi ASAP Rocky u arrestua të mërkurën në aeroportin e LAX-it teksa po kthehej nga Barbados, ku po pushonte me këngëtaren Rihanna, të dashurën e tij që është shtatzënë me fëmijën e parë të çiftit.

Policia e Los Anxhelosit arrestoi reperin, emri i vërtetë i të cilit është Rakim Mayers, në lidhje me një sulm në nëntor 2021 me një armë vdekjeprurëse. Ai u arrestua nga Divizioni i Vrasjeve të Grabitjes në LAPD dhe u ndëshkua për sulm, sipas kapitenit të LAPD Jonathan Tippet.

Më 6 nëntor, rreth orës 22:15, një debat mes dy të njohurve ka ndodhur pranë Selma Avenue dhe Argyle Avenue në zonën e Hollivudit. Debati u përshkallëzua dhe rezultoi që njëri të qëllonte me pistoletë në drejtim të tjetrit, sipas forcave të rendit. Viktima ka pësuar lëndime të lehta dhe më pas ka kërkuar tretman mjekësor.

Pas të shtënave, i dyshuari, i cili u identifikua si Mayers, dhe dy meshkuj të tjerë u larguan nga zona në këmbë.

Reperi “Fashion Killa”, 33 vjeçar, po mbërrinte me një avion privat kur u arrestua nga oficerët e LAPD-së dhe Forcat e Emigracionit dhe Doganave të SHBA-së, raportoi NBC News. Avokati i tij, Alan Jackson, konfirmoi për NBC se klienti i tij ishte arrestuar.

Këngëtarja Era Istrefi është duke e shijuar rikthimin në skenën vendore më këngën “Bebe”

Era ngadalë po i rikthehet Kosovës pas një karrierë pesë vjeçare jashtë vendit, ku një ndër sukseset e saj më të mëdha mund të konsiderohet kënga për botërorin e vitit 2018 në Rusi “Live It Up”, që Era e këndoi bashkë me Will Smith dhe me Nicky Jam.

E kënga e saj, që tashmë ka më shumë se 6 milionë klikime në YouTube, ka arritur që të jetë e para si kënga më trendi në Zvicër.

E pas kësaj Era është shfaqur me një veshje të Valdrin Sahitit, kurse në story të Instagramit ka falënderuar Zvicrën për dëgjimin e këngës së saj. 

Detaji që shtoi dyshimet

Jennifer Lopez ka ndezur thashethemet se është fejuar me Ben Affleck pasi është fotografuar me një unazë të madhe diamanti në dorën e majtë. Këngëtarja 52 vjeçare u pa duke blerë mobilje me vajzën e saj 14-vjeçare, Emme, në Culver City, Los Angeles.

Padyshim që duket se do të ketë ndryshime të mëdha në jetë për Jennifer dhe aktorin Affleck, pasi blenë muajin e kaluar një rezidencë masive 50 milionë dollarëshe. Prona prej 20,000 metrash katrorë ndodhet në lagjen luksoze Bel Air në Los Angeles.

Kujtojmë që Lopez dhe Affleck u ribashkuan në prill 2021 pasi këngëtarja e “Dance Again” i dha fund fejesës së saj me Alex Rodriguez. Lopez dhe Aflleck u lidhën për herë të parë dy dekada më parë por u ndanë në vitin 2004.

Dy anëtarë të grupit legjendar anglez të rock-ut Pink Floyd, janë ribashkuar për të publikuar këngën e tyre të parë të re, pothuajse pas tre dekadave. Lansimi i saj ka për qëllim  mbledhjen e  fondeve për t’i ndihmuar Ukrainës.

“Hey, Hey, Rise Up”, është një bashkëpunim ndërmjet bateristit Nick Mason dhe kitaristit e vokalistit David Gilmour, i cili i ishte bashkuar grupit pak pas formimit të tij më 1967, si dhe këngëtarit ukrainas Andriy Khlyvnyuk të grupit BoomBox. Roger Waters, i cili u largua nga Pink Floyd në vitet 1980, nuk është i përfshirë, raporton Euronews.

Pink Floyd – Hey Hey Rise Up (feat. Andriy Khlyvnyuk of Boombox)

Here is the official video for ‘Hey Hey Rise Up’, Pink Floyd’s new Ukraine fundraiser feat Andriy Khlyvnyuk of Boombox. Stream / download from midnight at ht…

Khlyvnyuk ndërpreu një turne në SHBA dhe u kthye në shtëpi pasi Rusia filloi agresionin ndaj Ukrainës më 24 shkurt. Disa ditë më vonë ai regjistroi një klip duke kënduar një këngë patriotike ukrainase, The Red Viburnum in the Meadoë, pranë Katedrales së Shën Sofisë në Kiev .

Klipi dhe kënga, të cilat bënë bujë në rrjetet sociale, janë edhe temë e Hey Hey, Rise Up. Ajo u shkrua ndërsa Khlyvnyuk ishte në spital duke u rikuperuar nga një plagosje që ia shkaktuan copëzat e granatës

Klipi  ndërthuret me pamjet e qytetarëve ukrainas dhe strehimoreve ku njerëzit i thonë lamtumirë njëri-tjetrit, ndërsa përgatiten të largohen nga vendi.

Gilmour, i cili më parë performoi me BoomBox në Londër në vitin 2015, tha se videoja ishte “një moment i fuqishëm që më bëri të dëshiroja ta bëjë këngë”.

Ndërsa Khlyvnyuk i cili ishte duke u rikuperuar  nga plaga tha: “Unë i këndova atij pjesë të këngës në telefon dhe ai më dha bekimin e tij. Shpresojmë të bëjmë diçka së bashku në të ardhmen.”

Të ardhurat nga kjo këngë do të shkojnë për Fondin e Ndihmës Humanitare për Ukrainën.

 “Ne duam të shprehim mbështetjen tonë për Ukrainën dhe në këtë mënyrë të tregojmë se shumica e botës mendon se është krejtësisht e gabuar që një superfuqi të pushtojë vendin e pavarur dhe demokratik, Ukrainën”tha Gilmour.

Fytyrat publike u dolën në mbështetje partive të zemrës duke bërë postime të shumta.
Ndër ta është edhe këngëtarja Zaimina Vasjari e cila me anë të një publikimi tregoi mbështetjen e saj të fuqishëm dedikuar Partisë Socialiste.
Teksa valëvit flamurin e kësaj partie, ajo shkroi në mbishkrimin e postimit numër 12, duke treguar përkrahjen e madhe që ka për ta.

Trejsi Sejdini qëkur është kthyer nga SHBA duket se të vetmin burim ekonomik ka fushatat promocionale. Ish-missi njihej si një nga femrat më tërheqëse në vendin tonë, por edhe për jetën e luksit që bënte.

Ajo dhe partneri saj, Leonard Duka shiheshin shpesh duke shijuar pushime në vende tropikale, por edhe duke shijuar jetën e tyre në Tiranë. Makina luksoze, veshje firmato, dreka e darka në vende të shtrenjta ishin vetëm një copëz e jetës së mrekullueshme që 20-vjeçarja kishte. Por duket se pas problemeve me drejtësinë që pati partneri saj, Trejsi vendosi të largohej në SHBA ku do të provonte edhe famën ndërkombëtare. Megjithatë jo gjithçka i shkoi sipas parashikimeve dhe ajo u rikthye edhe njëherë në Tiranë, vetëm se këtë herë pa mbështetjen që ishte mësuar të kishte.

Që atëherë bukuroshen e kemi parë të angazhohet në sete fotografike, ku paguhet si modele. E fundit ka qenë vetëm pak ditë më parë, ku Trejsi ka pozuar me bikini nga bregdeti. Pas postimeve në një jaht, ajo ka provokuar nga bregu i detit, ku ka zbuluar edhe njëherë format e saj bombastike. Duket se kjo ka qenë një periudhë e ngarkuar për Trejsin, pasi ajo ka realizuar një tjetër set me fustane nusërie. Por edhe këtu, nuk kishte sesi të mungonte një provokim, ku mbi trupin e zhveshur ka vendosur fustanin e bardhë. Mesa duket 20-vjeçarja i është rikthyer përsëri profesionit të saj, duke ritentuar të pasurohet, këtë herë nga para që do paguhet si modele.

Shakira po vjen me këngë të re, e paralajmëroi me mikrofon duke thënë se po ‘gatuan’ diçka të re.

Ajo ka qenë një superyll global për dekada, shkruan Daily Mail.

Shakira paralajmëroi këngën e saj të re para fansave në Instagram, përmes një postimi.

Artistja kolumbiane 44-vjeçare postoi një fotografi kur këndonte në një mikrofon përpara një stende muzikore.

Po gatuaj diçka!’, ka shkruar në mbishkrimin e postimit për më shumë se 70 milionë ndjekësit e saj dhe më pas të njëjtin mesazh e shkroi në gjuhën spanjolle ‘Cocinando algo!’.

Edhe pse është e njohur për paraqitjet e saj magjepsëse në skenë, ajo qëndroi në një pamje më të rastësishme dhe komode gjatë regjistrimit.

Postimi i saj i fundit vjen rreth tre muaj pasi ajo publikoi një këngë të re të quajtur Girl Like Me në bashkëpunim me Black Eyed Peas.

Videoja muzikore ka grumbulluar më shumë se 310 milionë shikime në YouTube dhe kënga e vetme ka dalë në krye të tabelës Latin Airplay të Billboard. 

Këngëtarja shqiptare me famë botërore, Rita Ora, do të jetë pjesë e jurisë në versionin australian të ‘The Voice’ në vitin 2021.

Ajo tashmë ka udhëtuar drejt Australisë, ndërsa është fotografuar duke qëndruar në vetizolim në Sydney.

30-vjeçarja duhet t’i kalojë 14 ditë në karantinë, si pjesë e masave mbrojtëse nga COVID-19, kështu që po qëndron në dhomën e saj të hotelit.

Ylli botëror i muzikës është parë duke marrë rreze në ballkon dhe duke tymosur cigare, ndërkohë që po e kalon periudhën e izolimit.

Rita do t’i bashkohet ish-fituesve të Australian Idol, Jessica Mauboy dhe Guy Sebastian, si edhe këngëtarit të muzikës ‘country’, Keith Urban, në panelin e jurisë.

“E nderuar që jam ftuar të punoj në një vend me kaq talent të mrekullueshëm! Mezi pres të filloj me familjen time të ‘The Voice Australia’ dhe të zbulojmë superyllin e ardhshëm botëror”, ka shkruar Rita në Instagram.