Ika sepse nuk kisha siguri për vete dhe për familjen?!

Ika sepse nuk kisha siguri në punë! Ika sepse nuk paguhesha sa duhet!

Ika sepse nuk merrja rrogen në kohë!

Ika spse unë duhet të isha 24 orë në gadishmëri e pronarin nuk guxoja ta pyesja pse vononte rrogën!

Ika sepse larg qoftë një sëmundje në familje duhet të merrje kredi në banke për shpenzimet! Ika sepse shteti nuk të ofronte siguri e ndodhte qe shtetarët të “shisnin” te kriminelët”!

Ika sepse kërcenimet i zgjidhja privatisht dhe e lodha familjen e miqt! Ika sepse të shpallurit në kërkim i gjejnë më shpesh vrasësit e jo policia!

Ika sepse edhe po të ndodhte diçka ne krye të detyrës pas tre dite asnjë nuk kujtohet më për ty!

Ika sepse nuk doja te bëhesha “mercenar” i partive dhe kriminelëve! Ika sepse drejtësinë duhet ta paguhash që ta gezoje!

Ika se po të kritikoje qeverinë (ministrinë perkatese) ta heqin nusen nga puna!

Ika sepse sa herë ndërrohej drejtori institucionit duhej me shku me i gjet mik që mos të heqin nga puna! Ika sepse në administrate promovohen militantët dhe jo specialistët!

Ika sepse krimineli eshte më i respektuar para ligjit se qytetari i thjesht!
Ika sepse fëmijët e hajdutëve të pronës publike fshijnë djersën me 500 euroshe!

Ika sepse arsimi është shkatërruar, është bërë mësues edhe një me diplomë të blerë, e drejtor ai që është dënuar për shitje diplomash.

Ika sepse duhet të prisje në rradhë që të blesh librat e fëmijës! Ika sepse fëmija në shkollë nuk bënte pushim të gjatë se skishte ambiente!

Ika sepese ne cdo dimer femija duhej te vishej edhe ne klase me rroba te trasha se vinte i plevitosur nga shkolla! Ika sepse femija ngrohej me frymarrjen e shokeve e shoqeve ne klase!

Ika sepse nuk kisha mundesi si politikanet apo ata qe jane prane tyre te shkolloj femijet jashte! Ika sepse shendetesine e ka marr lumi!

Ika sepse shteti nuk te jep shpresa per sherimin e nje te semuri apo nje femije qe ka nevoj!

Ika sepse diagnostifokoheshe ne spitale si private e shteterore me semundje qe nuk i ke!

Ika sepse ne spitale cdo gje duhet te blere e paguar! Ika sepse ne urgjencen e pediatrise duhet te presesh mbi nje ore per te vizituar femijen me temeperature!

Ika sepse ne Spitale private ke vetem sherbimin e hotelerise dhe do te paguash si hotel me 5 yje per nje nate e nuk ke ku te ngrohesh qumshtin!

Ika sepse merr gjobe nga policia pa te ndaluar ndonjehere e pa kryer shkelje!

Ika se me shume denohesh per rrip sigurimi se sa per shkelje semafori! Ika sepse kriminelet kane dal nga strofulla dhe jane perzier me politikanet e shtetaret!

Ika sepse vrasjet tashme jane bere statistike dhe jo problem per parandalimin e tyre apo gjetjen e autoreve! Ika sepse mungon cdo sherbim social!

Partitë në pushtet besojnë se kanë arritur të sigurojnë shumicën prej dy të tretave të votave për miratimin e ndryshimeve kushtetuese, të domosdoshme për zbatimin e marrëveshjes me Greqinë për emrin. Kryeministri, Zoran Zaev tha se nga bisedat që ka zhvilluar me deputetë të opozitës, ka fituar përshtypjen se ata do të mbështesin ndryshimin e Kushtetutës, por se këtë për momentin nuk do ta thonë publikisht për shkak të kritikave që mund të kenë apo edhe pasojave tjera të mundshme.

“Numri i mbështetësve është i madh, pasi njerëzit besojnë në këtë proces dhe me siguri se për shkak të kërcënimeve e presioneve të ndryshme, ata nuk i tregojnë qëndrimet e tyre deri në fund. Sikur unë edhe ata e dinë se këtë shans duhet ta shfrytëzojmë se mundësi tjetër nuk do të ketë. Ata gjithashtu e dinë se Marrëveshja me Greqinë është e drejtë dhe se më të mirë nuk mund të ketë, sikur që nuk mund të ketë as NATO dhe as BE pas zbatimin e marrëveshjes së arritur”, ka deklaruar kryeministri, Zoran Zaev duke besuar në votimin e suksesshëm për të ardhmen e Maqedonisë.

Ai ka hedhur poshtë edhe njoftimet për gjoja blerjen me shuma të mëdha të parave të deputetëve të opozitës.

“Edhe një herë i bëj thirrje opozitës për mirëkuptim. Plan ‘B’ nuk ka, nuk e kemi pasur në tryezën e bisedimeve dhe nuk do të ketë, pasi nuk ka alternativë tjerë. Andaj të gjithë duhet të jemi të ndërgjegjshëm për procesin dhe t’i parashtrojmë pyetjen vetes se çfarë më tej nëse edhe kjo mundësi dështon”, u shpreh kryeministri Zaev në një manifestim me rastin e shënimit të festës kombëtare të 11 tetorit, ditës së fillimit të luftës nacional-çlirimtare.

Opozita nga ana tjetër mbetet në qëndrimin se deputetët e saj nuk do të mbështesin “marrëveshjen kapitulluese për emrin”, ndërsa pretendimet e kryeministrit i cilësojnë si ‘blof’ dhe panik para dështimit të ri, siç shprehen ata. Këtë në seancën e Komisionit parlamentar për çështje kushtetuese e deklaroi, ish–kryetari i Kuvendit, Trajko Veljanovski, deputet i VMRO-së. Ai tha se shumica duhet të respektojë rezultatin e referendumit në të cilin nuk u arrit pragu prej 50 për qind.

Njohësit e çështjeve politike thonë ndërkohë se ndryshimet kushtetuese duhet të bëhen sa më parë që të jetë e mundur, pasi çdo variant tjetër i kërkimit të zgjidhjes, qoftë edhe zgjedhjet e parakohshme, paraqesin rrezik, për shkak të epilogut të paparashikuar që mund të kenë.

“Ndryshimet kushtetuese janë domosdoshmëri, se a do të ndodhin këtyre ditëve, apo edhe më vonë, kjo nuk dihet saktë, por nuk ka asnjë dilemë se ato do të ndodhin. Të parashikohet është shumë e vështirë. Ka kontakte mes partive në pushtet dhe atyre në opozitës, por nuk do të merrja guximin të prognozoj se çfarë mund të sjellë e nesërmja. Në tërë këtë situatë një gjë është e sigurt, nëse tani nuk bëhen ndryshimet (kushtetuese) vendi shkon në zgjedhje, nuk kohë të humbë asnjë ditë. Ato shihet si mundësi tjetër për të siguruar shumicën prej dy të tretave dhe për të bërë ndryshimet kushtetuese dhe për të zbatuar Marrëveshjen me Greqinë, pa të cilat Maqedonia nuk ka të ardhme”, thotë analisti Nikolla Dujoski.

Debati në Komisionin parlamentar vazhdon të premten, ndërsa të hënën është caktuar seanca plenare për miratimin e kërkesës së qeverisë për ndryshimin e Kushtetutës, me qëllim harmonizimin e saj me Marrëveshjen me Greqinë që parasheh emrin Maqedonia e Veriut.

Pas këtij debati që mund të zgjasë deri dhjetë ditë, ndryshimet sërish kalojnë në komisionet amë, për t’u rikthyer më pas në seancë plenare për votimin përfundimtar. E gjithë procedura mund të zgjasë deri nga mesi i janarit të vitit të ardhshëm, kur edhe mbyllet detyrimet e Maqedonisë për zbatimin e marrëveshjes, për të kaluar më pas për ratifikim edhe në Parlamentin e Greqisë

Prokuroria Speciale ka hapur 6 hetime të reja. Këto hetime, sipas PSP,-së bazohen në dyshime për dëmtim financiar të buxhetit të shtetit në vlerë prej rreth 80 milion eurove.

Mes të dyshuarve për dëmtim të buxhetit janë, ish ministri i financave, Zoran Stavrevski, ish ministri për transport dhe lidhje Mile Janakievski dhe drejtori i Resurseve energjetike të Maqedonisë Kërste Milladinov. Për propagandë dhe ndikim mbi publikun dyshohen nëntë persona edhe atë, Nikolla Gruevski, Kirill Bozhinovski, Aco Misajlovski, Marjan Cvetkovski dhe Zaharija Vulgarakis. Në rastin Dizajn dyshohen 4 persona zyrtar. Ish ministri i shëndetësisë Bujar Osmani dhe katër anëtarë të komisionit për furnizime publike në rastin “Pacienti” dyshohen për keqpërdorim të detyrës zyrtare në vitin 2010 dhe ndarjen e tenderit pa respektuar kriteret e tenderit për furnizime publike.

Ka vdekur sot në Tetovë, në moshën 73-vjeçare, gazetari dhe veprimtari i dalluar nga ky qytet, Muharem Idrizi, njëri nga kuadrot e hershëm të Radio Televizionit të Prishtinës, njofton Gazeta Express.

Punën e tij e nisi në arsim. Një kohë ishte drejtor i Shkollës fillore në Shipkovicë të Tetovës, më vonë, për shkak të represionit dhe përndjekjeve politike, u detyruar të largohet në Prishtinë, ku një kohë të gjatë punoi në Radiotelevizionin e Prishtinës.

Në TVP, deri në mbylljen e mediumit në vitin 1990 me masat e dhunshme nga regjimi okupator serb, punoi në Redaksinë e programit arsimor-shkollor.

Pas vitit 1990 punoi një kohë të gjatë në detyrën e redaktorit në TV Art në Tetovë, ndërsa pak kohë para pensionimit, ka punuar edhe në Komunën e Tetovës

Qeveria e Maqedonisë ka miratua dhe dorëzuar në Kuvend, propozimin për ndryshimet kushtetuese që kanë të bëjnë me ndryshimin e emrit.

Zëdhënësi qeveritar, Mile Boshnjakovski theksoi se i mbetet deputetëve që të hapin rrugën e integrimit të vendit drejt NATO dhe BE. Ai bëri të ditur edhe ndryshimet që do të bëhen dhe kjo nënkupton që emrit Maqedoni ti shtohet e Veriut, pra Maqedonia e Veriut.

Në preambulën e Kushtetutës do të përfshihen edhe dokumente konkrete të Kuvendit antifashist të Maqedonisë së çliruar popullore (ASNOM).

Në nenin 3 nënvizohen garancitë e kufijve territorial, ku theksohet se kufijtë janë të paprekshëm dhe se vendi nuk ka pretendime territorial ndaj fqinjëve.

Neni 4 përfshin përkujdesje për diasporën maqedonase dhe qytetarët e tjerë të Republikës së Maqedonisë Veriore që jetojnë jashtë shtetit.

Propozimi është publikuar në faqen e Qeverisë, por vetëm në versionin maqedonisht dhe jo shqip e anglisht.
Lexo më shumë në: https://www.gazetaexpress.com/lajme/ja-cfare-permban-propozimi-per-ndryshimet-kushtetuese-per-nderrimin-e-emrit-te-maqedonise-583347/?utm_source=referral&utm_medium=web&utm_campaign=copyright

Kryeministri i Maqedonisë, Zoran Zaev ka deklaruar se në rast në rezultati i referendumit, më 30 shtator, rezulton me një votë më shumë “kundër” se sa “për”, atëherë do të anulojë marrëveshjen me Greqinë për kontestin e emrit.

“Shumica e qytetarëve do të vendosë se si do të veprojnë deputetët. Do të vendosin ata që votojnë, ata që nuk votojnë nuk do të numërohen. Nëse do të ketë një votë më shumë kundër, ne do ta anulojmë marrëveshjen. Nëse shumica është ‘për’ duhet të presim që deputetëve pa dallim nëse janë në pushtet apo opozitë të vazhdojnë procesin sipas vullnetit të qytetarëve”, ka deklaruar Zaev.

Kreu i qeverisë tha se beson se referendumi do të jetë i suksesshëm, pasi bëhet fjalë për të ardhmen e shtetit dhe i bëri thirrje liderëve të të gjitha partive që të deklarohen se si do të veprojnë në ditën e referendumit.

“Vendimet tona, i imi, i (Nikolla) Dimitrovit nuk do të kenë asnjë vlerë nëse populli nuk i voton. Kjo është e bukura e referendumit. Premtimi që të organizohet referendum rrjedh nga VRMO-DPMNE-ja qysh para 12 vjetëve, dhe ne si LSDM e kemi pranuar dhe është mirë që këtë premtim ta mbajmë. Në faqen 295 të programit të VMRO-DPMNE-së shkruan se ‘vetëm qytetarë në referendum do ta sjellim vendimin’, dhe unë pajtohem 100 përqind me këtë. Unë pajtohem me VMRO-në dhe besoj se kështu do të veprojmë në ditën e referendumit. Unë do të votoj ‘për’. Edhe liderët e tjerë duhet t’i tregojnë qëndrimet e tyre, pasi udhëheqim subjekte politike, përgjegjësia jonë është që të marrim vendime dhe ato duhet ti dinë qytetarët”, ka deklaruar Zaev.

VMRO-DPMNE-ja opozitare mbetet në qëndrimin e deritanishëm që qytetarëve t’i lihet vet të vendosin se si do të veprojnë në referendum, duke mos i ftuar të votojmë apo të mos votojnë, më 30 shtator.

Teksa dita e referendumit historik në Maqedoni po afrohet, mbështetja e liderëve ndërkombëtarë sa vjen e shtohet.

Në vazhdën e vizitave të figurave më të rëndësishme të politikës europiane dhe asaj amerikane në Shkup, presidenti francez Emmanuel Macron zgjodhi që thirrjen pro votës popullore të 30 shtatorit ta japë përmes një videomesazhi.

“Kjo marrëveshje ishte e pashpresë pak muaj më parë. Kjo marrëveshje pritet prej 27 vitesh. Kjo marrëveshje u bë e mundur sepse drejtuesit tuaj dhe ata grekë u treguan kurajozë.

Dhe unë e mbështes plotësisht, me forcë. Mendoj se është në qendër të së ardhmes së vendit tuaj. Është në qendër të ambicieve të të rinjve tuaj dhe të asaj që ne mund të bëjmë bashkë në vitet e ardhshme”, u shpreh Macron.

Të premten kryeministri maqedonas Zoran Zaev u takua në Uashington me zv/presidentin amerikan Mike Pence. Numri 2 i Shtëpisë së Bardhë shprehu mbështetjen e fortë të SHBA-ve për referendumin, duke e quajtur një mundësi të artë për anëtarësimin e Maqedonisë në NATO e BE.

Ankesa e familjes së vogëlushit 4-vjeçar Almir Aliu, i cili u shkel me makinë nga personi Boban Iliq, për vendimin e shkallës së parë të Gjykatës së Kumanovës, që u dorëzua në fund të muajit qershor, ka arritur në Gjykatën e Apelit, shkruan Alsat-M, i cili njofton se seanca gjyqësore është caktuar me datë 1 tetor 2018.

Në korrik të vitit 2016-të, vogëlushi nga Kumanova Almiri, u shkel me makinë nga Iliqi, pasi që paraprakisht babai i vogëlushit dhe ai kishin pasur një zënkë banale në ambulancë.


 Almir Aliu 4 vjecar në korrik 2016 qëllimisht u shkel me veturë nga fashisti serb  
Boban Iliq

Fillimisht, Iliq ndiqej për veprën vrasje me paramendim, megjithatë e njëjta më pas u rikualifikua nga Prokuroria duke e ndjekur për veprën penale “vepra të rënda kundër sigurisë së njerëzve dhe pronës në komunikacion nga neni 300 paragrafi 2 në lidhje me nenin 297 paragrafi 1 nga Kodi Penal”.

Për rastin në fjalë ka pasur reagime të ashpra në opinion, duke organizuar protesta masive nga qytetarët të cilët e dënuan aktin e Prokurorisë, për shkak të rikualifikimit të lëndës.

Gjatë gjykimit, pati reagime në lidhje me atë se janë bërë lëshime gjatë procedurës, gjegjësisht janë marrë për dëshmi ekspertizat neuropsikiatrike të ekspertëve me licenca me afate të skaduara. Pos kësaj, edhe pse në kamerat e sigurisë shihet qartë se vëllai i Bobanit, Bojan Iliq, ka qenë i përfshirë në rrahjen me Sedat Aliun, Sami Demirin dhe Abdulla Aliun, ai nuk u përfshi në akuzë, gjegjësisht nuk u dënua.

Sipas vendimit të shkallës së parë, Iliq u dënua me 6 vjet burg, babai i Almir Aliut, Sedat Aliu me 6 muj burg ndërsa Sedat Demiri dhe Abdullah Aliu me 9 muaj burg për “dhunë”


Ministri i Mbrojtjes i SHBA James Mattis në Shkup: “Referendumi që do të mbahet më 30 shtator në Maqedoni është vota më e rëndësishme në historinë e vendit”

“Bashkohuni me një Aleancë që angazhohet në zbatimin e standardeve për integritetin territorial dhe lirinë nga detyrimi i atyre që përpiqen të ulin këto vlera nga Siria deri në Ukrainë”, kështu u shpreh ministri i Mbrojtjes i SHBA James Mattis gjatë qëndrimit në Shkup. Sipas tijë referendumi që do të mbahet më 30 shtator në Maqedoni është vota më e rëndësishme në historinë e vendit.

“Të citoj kancelaren Merkel, përderisa votoni në referendum për anëtarësim në NATO, ju jepni votën më të rëndësishme në historinë e kombit tuaj. Ne e njohim procesin e zgjidhjes politike që qëndron para kombit tuaj. Ju mbështesim juve dhe miqtë tanë maqedonas në përgjegjësinë tuaj demokratike për të votuar”, ka deklaruar Mattis.

E njohim procesin kompleks politik, i cili qëndron përpara dhe j’u përkrahim  në realizimin e votës tuaj demokratike dhe përgjegjësinë të votoni, ka thënë Mattis.

“Jemi të gatshëm që t’ju dëshirojmë mirëseardhje si anëtare e 30-të në aleancë. Vota në referendum është vota më e rëndësishme historike e vendit tuaj”, ka theksuar Mattis, duke shtuar se këtë porosi do t’ia përcjell edhe kryetarit të shtetit Gjorgje Ivanov. Ai tha se anëtarësimi në NATO sjell siguri dhe zhvillim ekonomik më të fuqishëm për Maqedoninë.

“Duke iu bashkangjitur NATO-s, ju do të rrisni sigurinë e shtetit tuaj dhe kjo do të sjellë ekonomi dhe siguri më të lartë. Ashtu siç u rritën investimet në Mal të Zi, të njëjtat do të rriten edhe në Maqedoni”, ka thënë sekretari amerikan.

Marrëdhëniet në fushën e mbrojtjes midis Maqedonisë dhe SHBA-së, Mattis i vlerësoi të fuqishme dhe tha se SHBA e njeh udhëheqjen e vendit si fuqi të rëndësishme stablizuese në Ballkan dhe më gjerë. Maqedonia ka dëshmuar të jetë partnere i përgjegjshme dhe kontribuese e rëndësishme për paqen globale dhe sigurinë.

Zaev: Ballkani Perëndimor po integrohet në familjen evropiane

Kryeministri i Maqedonisë Zoran Zaev tha, se sekretari amerikan i Mbrojtjes vjen në Maqedoni në një periudhë të jashtëzakonshme kur qytetarët janë duke u përgatitur për të dhënë votën e tyre për pranimin e marrëveshjes për zgjidhjen e çështjes së emrit me Greqinë.

“Vendet e Ballkanit Perëndimor të integruar në familjen euro-atlantike janë një garanci për një parandalim të qëndrueshëm të përfshirjes së palëve të treta këtu në rajon. Vazhdimisht i inkurajojmë liderët tonë rajonal të bashkohen në arritjen e objektivave të përbashkët, paqe të qëndrueshme, bashkëpunim rajonal, zhvillim ekonomik dhe integrim të kombeve në familjen euro-atlantike”, është shpreh  Zaev.

Rusia dhe çështja e referendumit

Ministri i Mbrojtjes i SHBA Mattis, para ardhjes në Shkup paralajmëroi se do të vizitojë Maqedoninë për të shprehur mbështetje të qartë për referendumin e 30 shtatorit për çështjen e emrit, por edhe shqetësimin për shkak të involvimit të mundshëm të Moskës në proces. Ai ka dënuar përpjekjet e Rusisë duke përdorur paratë dhe ndikimin e saj për të forcuar palën opozitare ndaj referendumit në Maqedoni, që hap rrugën për anëtarësimin e vendit në NATO, një veprim që Moska e kundërshton.

Kryeministri i Maqedonisë, Zoran Zaev ka deklaruar se nuk ka informacione mbi ndikimet ruse në Maqedoni, por ka theksuar se Moska qartë ka bërë të ditur, që është kundër anëtarësimit të Maqedonisë në NATO, por jo edhe në Bashkimin Evropian.

“Nuk ka dëshmi për ndonjë ndikim rus. Federata Ruse është mike e Maqedonisë dhe ajo nuk ka asgjë kundër integrimit të Maqedonisë në BE, por është kundër anëtarësimit në NATO. Ketë e thonë shumë qartë. Ne po tentojmë të sqarojmë se për ne nuk ekziston alternativë, përveç integrimit të tërësishëm në NATO dhe BE. Duam të ndërtojmë miqësi me të gjitha vendet, edhe me Federatën Ruse. Mbetemi në këtë përcaktim”, ka deklaruar kryeministri Zaev. Ai këto komente i bëri një konferencë ndërkombëtare të organizuar nga BE-ja lidhur me lirinë e mediave në rajon.

Kancelarja Gjermane Angela Merkel kërkoi nga qytetarët që ditën e referendumit të mos qëndrojnë në shtëpi por të dalin dhe të mbështesin të ardhmen e tyre Evropiane. Pas takimit me kryeministrin Zaev, kancelarja gjermane Merkel tha se askush nuk i kërcënon qytetarët e Maqedonisë me izolim, ata vet munden dhe duhet të vendosin për ardhmërinë e shtetit.

Unë nuk jam për kërcënime. Ju si qytetarë të këtij vendi duhet të vendosni për ardhmërinë e vendit tuaj. Ardhmëria mund të jetë nëse referendumi del i suksesshëm, të bëheni pjesë e NATO-s dhe e BE-së dhe kuptohet se ka shumë parakushte që duhet të plotësohen. Ekzistonte kontest i cili ishte mes vendit tuaj dhe Greqisë dhe duhej patjetër që gjendej zgjidhje për ndryshe nuk do kishte pajtueshmëri për anëtarësim. Çështja e emrit dhe çështja e anëtarësimit janë dy gjëra të lidhura ngushtë me njëra tjetrën. Pa zgjidhjen e kësaj çështje nuk do të kishte anëtarësim në BE dhe NATO. Këtu nuk ka asnjë kërcënim. Njerëzit kanë mundësi që më 30 shtator të tregojnë a do të hapën dyert e BE-së dhe NATO-s njëjtë si para 27 vitesh kur vendosën që të pavarësinë Maqedoninë. Ky është shans historik që nuk vjen çdo ditë, ky është një rast që një gjeneratë e ka vetëm një herë. 30 shtatori është shans historik andaj nga aspekti im mund të them, mos qëndroni në shtëpi në këtë ditë historike, shfrytëzoni mundësinë tuaj demokratike ta tregoni atë që doni ta thoni për ardhmërinë e vendit tuaj”- theksoi Angela Merkel, Kancelare e Gjermanisë.

Kryeministri Zaev tha se vizita e parë e një kancelari gjerman në Maqedoni në momente historike tregon se fuqitë e mëdha mbështesin marrëveshjen për emrin dhe integrimin e vendit në strukturat euroatlantike.

Mbështetjen që e marrim nga Gjermania është e madhe dhe miqësore. Ky gjest i kancelares Merkel është shumë inspirues për ne dhe na ndihmon të ndërtojmë shoqëri prosperuese dhe me vlera Evropiane. Kjo vizitë është mesazh i fuqishëm dhe zgjim për ne qytetarët në prag të referendumit që në të cilin, qytetarët e vendit tonë do ta zgjedhin ardhmërinë e tyre. Kjo vizitë është edhe një inkurajim që fuqitë e mëdha mbështesin zbatimin e marrëveshjes së Greqisë nga të dyja palët dhe vërtetim se marrëveshja garanton ardhmërinë maqedonase dhe vendin tonë në BE dhe NATO”- deklaroi  Zoran Zaev, Kryeministër i Maqedonisë.

Merkel tha se Gjermania do t’i jep Maqedonisë 2,5 milion euro si ndihmë për zbatimin e reformave në Arsim si dhe do të dërgojnë Këshilltar për çështje Ekonomike i cili do të mund të koordinojë punën e Qeverisë dhe Odës Ekonomike, si ndihmë e vendit për të realizuar reformat e nevojshme. E pyetur për ndryshimin e kufijve në Ballkanin Perëndimor, Merkel tha se integriteti i vendeve të rajonit është pikë shumë e rëndësishme që Ballkani te mbetet ashtu siç është.

13 November 2019

Facebook

Facebook Pagelike Widget